DIA MERPATI PUTIH DAN DIA JUGA MALAIKAT KECIL

Part 8

~ Dia Merpati Putih Dan Dia Juga Malaikat Kecil ~

By : Tescy Descy

Cerita Rekaan

~ Part 8 ~

"u pregnant." (macam mau kabur mata c lola bila tu doktor cakap macam tu)

"barapa bulan sudah tu doc?." (c maria tanya tu doktor)

"16 minggu 3 hari."

"barapa bulan lah tu kak?." (lola tanya c maria, tu doktor tingu c lola)

"4 bulan 3 hari." (tu doktor kasi tau c lola, tidak te-be-kelip bah mata c lola)

"doc.. buli kasi gugur kah tu?." (maria tanya tu doktor, terus bekerut dahi tu doktor tingu c lola sama c maria)

"kenapa mau buang?."

"tu lelaki tidak mau be-tanggungjawab bah doc." (bilang c maria, tu doktor tingu c lola)

"ini sudah cukup sifat. Baby ni sudah besar dalam perut u. Bahaya u mau buang. Baby mati, u pun boleh mati." (ta-jatuh saja air mata c lola)

"u tengok cni, ni baby u. Sudah mula begerak dah baby u cni. Semua sudah ada, kalau u buang, nyawa u pun memlayang. Bagus u bunuh diri saja baru 1 kali sama-sama gol." (punya main padas tu doktor cakap sama c lola macam tu, c maria pun terus diam-diam)

"kalau u tidak sedia mau ada baby, kenapa u bagi tu lelaki sentuh u? Now u mau buang baby u sendiri. U malu u mengandung sebab tu lelaki tidak mau u sama ni baby? Apa yang u mau malu? U kasih lahir ni baby nanti, u boleh kasih bin nama u mah. U ni orang tempatan, senang mau urus bah." (kana carama bah c lola. Lola gigit-gigit bibir sambil tingu c maria, maria pura-pura cari samut di lantai)

Lapas saja c lola kana kasi nasihat itu ini dari tu doktor, lola kana bagi vitamin. Lapas lola bayar bil, lola sama c maria balik pigi salon. Lola duduk diam-diam saja di kaunter. Lola bepikir, maria kasi biar saja c lola duduk manghayal, maria tidak mau c lola buat kerja barat-barat dulu. Datang c fiona mau pigi kawan-kawan di salon, heran bah c fiona tingu c lola duduk manghayal.

"huiii.. kanapa kau ni babe?." (fiona pigi kasi huii di dapan muka c lola, sikit lola mau tompiling (tampar) c fiona pasal ta-kajut gia)

"kau ni babe. Datang bagi lah bah salam bah."

"hahahahahaha.. salam macam mana kau mau sia bagi?."

"ishh.. apa kunun kau buat cni?."

"aikkk.. macam tidak suka saja sia datang ni kanapa kunun?."

"babe.. sia tiada mood ohh.."

"bahh.. balik lah sia."

"duiii.. kau ni.. mau sudah kunun ma-rajuk kah?."

"bahh.. siapa kunun yang kasi hilang mood kau ni?."

"babe.. sia ada masalah basar lagi." (maria pigi dakat c lola, fiona tongkat dagu sudah tingu c lola)

"masalah apa lagi?."

"sia mangandung babe." (lola bisik c fiona. Tebulat saja mata c fiona tingu c lola)

"apa??? butul kah apa yang sia dingar ni?."

"eya bah babe. Apa sia mau buat ni?."

"barapa bulan sudah?." (kici saja suara c fiona tanya c lola)

"4 bulan 3 hari."

"my god.. jadi.. kau mau simpan?."

"tidak buli buang sudah babe."

"kanapa pula?."

"kau tingu bah perut sia." (lola angkat baju dia)

"basar sudah perut kau babe." (bulat bah mata c fiona tingu perut sama muka c lola)