عشق مُحَرم

البارت الثاني

-
قـدْ لا يكـون المـوتُ بتوقـف النّبـض فقـط ، فالانْتظـار مـوت ،
والمـللُ مـوت ،
واليَـأس مـوت ،
وظلمـةُ المسْتقبـل المجْهـول مَـوت ..!

...................................................................................

درت وجهي واني استعيذ بالله ومغمضه عيوني ...

مهند...هاي شبيج جنج مخبله فتحي عيونج

ميسم...هذا انت اني اعلمك لك جلطتني ردت اموت من الخوف

مهند...شعندج يم غرفة جدتي

ميسم...اريد اعرف السر بداخلها

مهند...ولج ولج شنوو هذااا على راااسج عاااا لج ابووو بريص

ميسم....عاااا يمااا الحكيلي وضليت انكث بملابسي ومهند ميت ضحك

مهند...انتي ابو بريص وتكهربتي منه شحال لو تدخلين لهاي الغرفه

ميسم...ولي منااا ولييييي وشمرت نعالي وراا وركض وهو يضحك عليه ويصيح جبانه
...................................................................................

جهاد...طبيت لبيتنا وشفت بيت عمي عدنا الله واخيرا راح اشوف رويحتي
السلام عليكم
ردوا عليه الكاعدين وعليكم السلام

ابو علي ...شلونك بويه شو ما تنشاف

جهاد...مشغول عمي والله ودومكم على بالي ..شلونج عمه

بسعاد...هلا يمه انت شلونك

جهاد...الحمدلله شنوو جوري وينها ما شفتها

اجت جوري شايله صينيه الكيك والجاي هلا بيك خويه شلونج
جهاد ...زين خويه زين

ام جهاد...ليش لعد ما اجت ميسم ما تكول عمي مريض ازوره

جهاد ...من جابو طاري حبيبت الروح طاار كلبي وضليت اباوع للحلوك اريد اعرف ليش ما اجت مشتاقلها مووت

بسعاد...مريضه راسها يوجعها وخليتها نايمه

لمت جوري حلكها وهزته محتجه على كلام بسعاد...تقرب يمها جهاد وهمس جوري ليش ما اجت ميسم

جوري... بهمس...هاي شايله خشمها عليك ادري ليش مجلبلها

جهاد...عليج الله صدك مريضه

جوري ...باوعتله صفح وغمته وكاتله ما يطكها عرج جنها حصان بس هي ما اجت

جهاد ...هز راسه بحزن وعرف ما تريد تشوفه بس هذا كلبه وما يكدر يتحكم بي يحبها ورايدها زوجه وام اولاده

....................................................................................تأخرو اهلي يم بيت عمي كمت ثرمت اللحم وثرمت البصل والكرفس وباقي المكونات وسويت عجينه الكباب للعشا وجهزتها وحطيتها بالثلاجه
مهند ...مهند ...هذا وين راح اهووو بس لا طلع يلعب وخلاني وحدي.
فجاه طفت الكهرباء والدنيا مغيمه والوقت قرب على المغرب كعدت على الدرج وضليت اباوع لغرفة جدتي فكرت لازم ادخللها زين اذا بابا عرف ..اي ويعرف قابل شيصير هي غرفه حالها حال بقيه الغرف...اجت الكهرباء وكمت وكلي عزم واصرار افتح هاي الغرفه اخذت المفاتيح من كنتور بابا..
امشي خطوه وارجع عشر خطوات من الخوف...
هسه قابل راح اموت ...
حطيت المفتاح بقفل الباب وفتحت الغرفه
اول ما فتت كلت بسم الله الرحمن الرحيم
فتحتها اول مره اشوفها جانت جبيره كوولش دخلت الها وانتي اتفحصها بعيوني شفت بيها مكتبه خشبيه مرتبه عليها كتب ....وشفت راس بزونه محنطه يمه بسم الله عبالك عدله شلون تباوع عابت....امشي وادردم وي نفسي
جان سرير ابو نفر واحد وكنتور طلاكتين كلهن من التراث القديم ...
بيها ريحه بس ما اعرف شنو مصدرها ريحه عجيبه غريبه استنشقتها واني مغمضه عيوني تحسن بنفسك رايح لغير عااالم عاااالم بس انت بي
طوول ما اني بالغرفه حسيت اكو فد شي يمشي وي خطواتي بس تجاهلته وما اعرف مين اجتني هالشجاعه ...لان الفضوول قاتل
رحت على المكتبه واتفحصها ومررت ايدي على الكتب ....شكد اعشق الكتب هااي لازم اقراهن كلهن