عشق مُحَرم

البارت الحادي عشر

   أنه دورك بالأشراق يا عزيزي لتُري العالم كم أنت جميل

زينه الموسوي

...................................................................................

ميسم...رجعنه للبيت..افيشش متت من المستشفى ..البيت راحه نفسيه ...

بسعاد...ادخلي يمه ارتاحي بغرفتج..

ابو علي...بسعاد حضري الغدا الجماعه جايين..

بسعاد..منو؟!

ابو علي...اخوي وعائلته...

بسعاد...هاا جنك نسيت عملتهم..

ابو علي...بصياح..كاافي وما اريد اسمع طاري هذا الموضوع مره ثانيه...ما ناقصني سوالف نسوان اني..

بسعاد...اني هاي الحيه ما تدخل بيتي..

ابو علي...تجفي الشر وخلي هليوم يمر ع خير..بنتج مريضه...بعدين نتفاهم

ميسم...يوم شكوو ليش ما ترديهم يجون..

ابو علي...لا تهتمين باباتي سوالف نسوان..

بسعاد...بهمس وتوعد..عبالها انطيها بنتي لا والله الا ع جثتي..

ميسم...رايحه ارتاح اني..
دخلت لغرفتي..الله شكد مشتاقتلها..احساس غريب دخل لروحي كأنما مفتقده شي ...مشتااقه..
ما اعرف شنو هذا الشعور..يمكن لان مريضه..
اول ما خليت راسي ع المخده نمت بساابع نومه...عبالك سنين منايمه..

ابو علي...بسعاد بطلي سوالفج هاي وخلي هليوم يمر ع خير..

بسعاد...هسه اني شكايله..

ابو علي...ما اريد اخذ وعطا وي ام جهاد..وتعرفين شقصد..

بسعاد...هاي هيه مثل ما تريد..ولجج جووري تعالي وياي حضري الغدا..

جوري...حاضر عمه جايه...

...................................................................................

جهاد...يمه قميصي الرصاصي وين؟

ام جهاد...بالكنتور..

جهاد...يله يله بالعجل بعد ما نلحك..راح اشغل السياره..

ام جهاد...اسمع ولك لا عبالك اني غشيمه..اعرفك بعدك تريدها...ولو تموت ما تصيرلي جنه..افتهمت ولك..

جهاد...يمه مو وكته هالحجي..البت بعدهي مريضه..مو بحال عرس..

ام جهاد...اني معليه بيها..حاجيت خالتك ع بتها وهمه وافقوا..لا تفشلني وياهم...ترا قسم بالله اهج واعوف البيت..

جهاد...بنفاذ صبر..يله يمه تأخرنا..

ام جهاد..حذرتك اني...

جهاد...رايح للسياره...بهمس..شلون طلابه هاي شيفضها ما عولت ميسم ترجع ادور تريدني ازوج غيرها..اووف مشتااقتلج يا روح جهاد..