كلعاده مثل كل يوم اكعد الصبح اتريك اني وامي وبعدها ابدي بمعاناتي بالكرف اخوي يسميني ساندرلا النسخه العراقيه
بسعاد...لج كومي كافي نوم النهار كله نايمه كومي سويلج شغله عمله ضاله اني افتر وحدي بهالبيت مين اتلكاها منج من مرت اخوج الفوك كومي يله
ميسم...ايي يووم اي بس خمس دقايق فدوه ..رجعت غطيت راسي ونمت الجو شتا وبارد وشعور الدفء والنعاس لا يوصف بهاي الخمس دقايق بس يا فرحه ما تمت اجت امي وسحلتني سحل
بسعاد ...دكوومي كوومي شنو تنبل مال نوم
ميسم ...شلون متخلون الواحد يرتاح اف
بسعاد...كومي بلا تمسلت سوي ريوك ابوج كعد حته يلحك يروح للمحلات و وراهه كملي شغلج واكعدي
ميسم...كمت واني مزعوجه اريد اكمل نومتي يلا شبي الشغل اصلا نشاط وحيويه
رحت غسلت وجهي وحطيت القوري ع النار وطكيت كم بيضه وطلعت الجبن والكيمر من الثلاجه سبق وجابه ابوي بالليل.. فرشت السفره على الكاع وصحتهم كلهم اجو التمو ع السفره وبدوا ياكلون
بسعاد ...ابو علي شصار وياك ع الموضوع الي كتلك عليه
ابوعلي...انشاءالله خير اني وصيت الجماعه وكالو اذا شفناه خوش ولد وامين هاي هيه نخلي يشتغل ويانه
بسعاد ...يا وين يلكون احسن من ابن اختي سامر
علي...اي هذا الي يبوك دجاج
بسعاد ...نجب لك عمت عينك دوصل اله ولندارته وبعدين احجي عليه
ميسم ..جنت اكل واسمعهم يتناقشون فجأه غصيت من كال اخوي يبوك دجاج متت من الضحك ادور امي تخزر بيه لان ضحكت ع ابن اختها عدها كلشي ولا اختها
جوري...عمي كل لعلي خلي يوصلني لبيت اهلي صارلي هواي مشفتهم وميقبل فدوه قنعه عمي ابوي مريض واريد اشوفه
ابو علي ...ليش علي خليها تروح لاهلها وشبي اخوي امس جنت يمه كلشي ما بي لا تتبلين ع اخوي
ميسم...حل تفشلت منو كلج تجذبين
علي...يابه مو وكتها مصارلها كم يوم من اجت شنو كل يوميه ادري شمزوج اني
ابو علي ...ماشي لعد اليوم كلنه نروح ع بيت عمك هم مرت تشوف اهلها وهم اشوف اخوي لان مريض مو هيج جوري
جوري...هاا اي لا هاا اي اي مريض
ميسم..تهي بهي كلت بيني وبين نفسي وثول ي والله دجذبي عدل
كملنه ريوك وجوري راحت فوك تعلكت بغرفتها هذا حالها دوم تنزل مثل العروسه لا تحط ايدها بشي ولا تساعد احنه هم عايفينها ع مايها مالنه خلك مشاكل ...ابوي واخوي طلعو للمحلات قريبه ع بيتنه بعد كم فرع محل بصف محل واحد ملابس للاطفال والنساء والثاني محل حلويات واني مستفاده من المحلين هههههههه
أنت تقرأ
عشق مُحَرم
Romanzi rosa / ChickLitآوهموني بِأنكَ وَهّماً ♡♡ فَهّمتُ بِكَ عِشْقَاً لا احلل سرقه القصه
