"كان نصيبي من التعب أن أظلّ دائمًا في تلك المسافة الرمادية بين الطمأنينة والقلق، بين غمرة الكلام وقوّة الصمت، بين هزائم روحي وصلابة ظاهري."..
زينه الموسوي
.........................................................................
مرت الايام واني فقدت كل معنى للحياه..زادت هلوساتي وصلت لدرجه الجنون..
من بعد ما قرار اهلي..وافقت للزواج بابن عمي..
اجه يوم الخطبه...
امي وبنات خالاتي مخبوصات بالتجهيزات..واني بين اديهن اروح منا واجي منا..ما مهتمه..متانيه الموت..يئست كلش..محد يحس بالي جاي اواجهه..
كعدت ع الكرسي واني لابسه الفستان الفيروزي..بارز مفاتن جسمي..سمعت صوت السيد..ينتظر موافقتي..
ميسم..موافقه..
بسعاد...يمه ع الخير جهاد خوش ولد..
باروكولي الباقين اجه والدي وعمي وباركولي..ضليت كاعده بمكاني..اشوف البنات متونسات ويضحكن ويسولفن..
هنااك ولمحت رغد..دمعت عيوني وتقربت عليه وشبكتها وضليت ابجي بصوت عالي والكل استغرب ليش ابجي بخطوبتي..امي انحرجت وكالت ما شايفه صديقتها من زمان..
سحبت نفسي واخذت رغد وياي لغرفتي..
رغد...لج ميسم شصاير بيج..ليش هلكد ضعفانه..بس طالعه تخبلين..هنياله وغمزتلها..
ميسم...بدموع..سكتي حال الضيم حالي..اهلي ما يحسون بيه..لج جاي امووت...تعرفين شنوو امووت..وضليت اشهك..
رغد..تقربت عليها وحظنتها..شبيج ميسم سولفي ليش هيج صاير بيج..
ميسم...ما كتلها اشوف جن ومريه تلاحقني..شتكول عليه ..
رغد اني ما اريد جهاد..جبروني..
رغد...يختي شنسوي بعد..اذا قرروا الاهل شي فلازم يصير..احنه ما النا رئي..اقبلي بقسمتج..
ميسم...جاي اسولف وياها..وشفت المريه نفسها..تقدمت عليه بسرعه وسحلتني من شعري..حاولت اخلص نفسي منها ما كدرت ...ضليت اصرخ..
لهناك وشفت سلسبيل..شكله يخووف..ملامحه من الغضب ترعب..تقدم للمريه...بس شافت سلسبيل خلت ايدها ع بطني وعبالك سحبت شي مني واختفت فجأه...باوعلي بنظرات شلتني شل..نظرات وراها مصيبه واختفى وراها..بعدها اني انسحلت روحي و وكعت..
رغد...ميسم..خاله ..خاله..ميسم..وكعت الحكيلي..ضليت اصرخ..اجت امها وضلت تدك وتلطم ودخل ابوها وخطيبها ..اني وامها بدلنا ملابسهايردون ياخذوها للسيد..
بسعاد..ابو علي اني بعد ما اسكت اذا انت عاجبك وضع بنتك اني اروح اخذها يم اهلي واعالجها..احسن تالي تروح من ايدي منو يفيدني هاا منوو...
ابو علي..يباوع لبنته بحزن..سألنا ع السيد بمنطقه........... وكالو يعالج هيج حالات وانشالله ميسم تشفى ع ايده...
جهاد....ها عمه كملتي راح اشغل السياره..
بسعاد...كملت بس خلي تصحى ميصير ناخذها هيج..
