الهام {باللهجة الجزائرية}.(قيد التعديل)

بارت

مع قالت الهام هكاك هو رفد روحوا لبس حوايجو (سروال كحل وتريكو سبوختيف تاني كحل وباسكات كحلة..) وخرج
هي تبسمت وطاحو دموع من عينيها حست هاذيك الضحكة كيشغل تستهزا على روحها بيها علابالها بلي آخر شي رح ديرو في حياتها هو تشد عفسة في قلبها على اي انسان وزيد على امين هه هي مسامحاتو مي عقلها ماحبش يرضخ مزالها حاسا بلي رح تصرا عفسة كتر من هاذي ..

ناضت بدلت حوايجها سمعت الاذان شافت فالساعة لقاتها الوحدة توضاة وصلاة صلاتها وراحت للكوزينة وجدت لغدا وقعدت تستنا فيه ..

عند امين:

خرج مالدار ركب الطوموبيل ديالو وراح قعد في بلاصة خالية كان حاط راسو على الفولون حتى سمع دقديق فالتاقة طلع راسو ولقا وحد لبنادمة كانت آخر وحدة حاب يشوفها فهذا لوقت بنت عمي ليزا يعني ماغلطوش كي سماوها بيسك صح هي كلبة 😑

'ليزا'
بنت عمرها 20 تقرا ف لافاك تسيير واقتصاد شعرها كحل مي هي سابغاتو ب صفر عيناها دايرتلهم ليلونتي زروقا بيضة طويلة هي ماشي رقيقة وماشي سمينة يعني معمرة وين يلزم تلبس غير العريان بابها رجل اعمال ويماها فارغة شغل غير للحفلات والسهرلت تاع المرفهين وحاسبة روحها وبنتها خرجت ليها مي كتر منها وتموت على الدراهم والحاصول والمهم انها تموت على امين وتكره الهام لدرجة مايقدرش العقل البشري يتصورها وكرهها ماجازش في اي عصر من العصور على كوكب هذي الارض (زدت عليها شوية😅)
امين:
انا مع شفتها قلبت عينيا مش حاملها ساعات نحسها دارتلي عفسة علابيها نكرهها .. فتحت الباب ملهيه دخلت لطونوبيل ..
امين:راكي نتي وراجل فالطونوبيل
انا قتلها هكا قلت دك تفهم وطير على جدي
هي لالا ضحكت الضحكة لي تقولك بلي مولاها شرير  ودارت يدها على فمها وشفت ضفارتيها تقول وثتهم من عند بليس اللهم يسترنا
ليزا:اوووو نووغمال نتا وليد عمي ماشي اي راجل ..
وحطت يدها على يدي ..
رفدت حاجب وبعدت يدي وقتلها ..
امين:وتاني مزوج ..
تبسمت على جنب ورفدت حاجب هي تاني..
ليزا: اوو زعما ماعلاباليش .. قالولي بلي خانتك وشفت التصاور ياجدك مازال مافهمتش كيفاش قبلت بيها..

انا خلاص راني قادر نيماجيني بلي لعروق بانولي حكمتها من وجهها وزيرت عليها وخبطتها فالباب موراها ..
امين:شوفي نتي آخر وحدة قادرة تهدر على شرف مرتي وديري في بالك بلي رح تخلاص عليك مال لوكان تزيدي تعاوديها .. مرتي ماشي كلبة كيما نتي مرتي اشرف من اشرف عفسة فيك مرتي نحشم باش نقارنك بصبعها الصغير تاع رجلها بيسك ارفع منك .. نتي انا مانشوفك واالووو نتي عندي اخمج مخلوق .. وطيري عليا مانزيدش نشوفك..

شافت فيه مليح وهو نحا يدو بعنف سقمت شعرها و وقاتلو بصوت فيه تهديد

ليزا:نشوفو اذا رح تبقا هكا في عينك حتى للخر .. اتفكر برك بلي راك خيرتها عليا ورح تندم على هذا القرار حياتك كامل..