رواية لحنيني حكايه بقلم رومينيا الناشربارق العراقي

البارت الاخير

#رواية_لحنيني_حكايه
#البارت_الاخير
#بقلم_رومينيا_romenya
#الناشر_بارق_العراقي

ذهبت للشركه في اليوم التالي ورأيت رند .. اخبرتني بأنها قد وافقت على الشاب الذي تقدم لخطبتها الليله الماضيه .. لكنني لم اراه ... اعتدت ان اراه كل صباح .. ترى لمَ لم يأتي .. هل هو مريض ام مشغول مع خطيبته ...
اكملت عملي وعدت للمنزل .. بعد ان اكملت الغداء قررت الاتصال بخالد وانهاء كل شئ اليوم لانني ببساطه لم اعد قادره على الكذب عليه اكثر . اتصلت به واخبرته بأنني اريد مقابلته عند الخامسه عصرا .. ارتديت ثيابي واخبرت والداي بأنني سأخرج .. قدت سيارتي بأتجاه المقهى الذي اتفقنا عليه .. دخلت المقهى ورأيته يجلس على احدى الطاولات .. سرت بأتجاهه وتوقفت عند الطاوله وقلت : سلام .
خالد: وعليكم السلام حبيبتي .. شخبارج مشتاقلج .
قلت : تمام الحمد لله .
خالد : شتشربين حياتي ؟
كنت احس بتأنيب الضمير كلما عاملني بهذه الطريقه .. قلت : كابتشينو .
خالد : كوليلي لوله فكرتي بالموضوع .. وشنو الموضوع الي ردتي تكوليلي عليه ؟
ارتشفت قليلا من قهوتي وقلت : بصراحه خالد هو اني دا اريد احجي وياك بهذا الموضوع .
خالد : ي لوله شنو قررتي ؟
قلت بصعوبه وانا انظر لكوب القهوه: خالد بصراحه ... ااا يعني قررت انه لازم ننفصل . وقمت بخلع خاتمي ووضعه بجانب كوب القهوه خاصته .
قال بصدمه : لحظه ليش نزعتي المحبس .. شنو الي صار حتى ننفصل .
قلت : خالد اني وياك مو مناسبين لبعض .. ماكو اشياء مشتركه بيناتنا .. والاهم انه حاولت كولش هواي احبك بس فشلت .
قال : بس ليان اني احبج .
قلت : خالد اني اسفه .. وان شاء الله تلكه البنت الي تحبك وتقدر حبك .. باي .
لم يجبني .. نهضت وغادرت المقهى وانا اشعر بالراحه .
في المساء كنت اجلس في الصاله مع ابي وامي وانا شاردة الذهن ... افقت على صوت امي وهي تقول : لوله ماما شبيج حبيبتي ؟
قلت : اريد اكوللكم شي .
قال ابي : كولي حبيبتي !
قلت : اني وخالد تركنا بعض اليوم .
قالت امي بصدمه : شنوو !! ليش ؟
قلت : عادي ماما متفاهمنا .
قالت : اني والله مدري شنو اسويلج ..وشوكت رح اطمأن عليج ما اعرف .
قال ابي : يلا حبيبتي لتضوجين هو الزواج قسمه ونصيب .
قلت : لا بابا مضايجه .
مر يومان آخران ولم يأتي زين للشركه ... قلقت عليه كثيرا .. دخلت رند غرفتي بفزع بينما كنت شاردة الذهن افكر به .. قالت : لج ليان عزااا .
افقت من شرودي وقلت : شكو يا ستار عزيتينا .
قالت : لج زين بالمستشفى امشي دنروحله .
انتفضت من مكاني وقلت : ليش شنو بيه .
قالت : ما اعرف هسه ماريا وجون كلولي .
خرجنا من الشركه واتجهنا للمشفى .. اشعر بأن العبره تخنقني وانني على وشك البكاء في اي لحظه .. رغم كل الالم الذي سببه لي الا انني اتمنى بأن لا يصيبه اي مكروه ...
وصلنا للمشفى .. اخبرتنا موظفه الاستعلامات عن رقم الغرفه التي يتواجد بها .. اسرعنا انا وهي للغرفه .. طرقت الباب وقمت بفتحه بهدوء .. رأيت رهف تجلس بالقرب منه تتلو القرآن وتبكي .. عندما رأتني اسرعت بأتجاهي واحتضنتني قائله : ليان اهئ اهئ شفتي زين يريد يموت ويعوفني اهئ .
انفجرت باكيه انا الاخرى وقلت : اشش لتكولين هجي اسم الله عليه .. تعالي دنطلع برا . خرجنا انا وهي ورند .. قلت : كوليلي شنو الي صار .
قالت : ما اعرف .. البارحه زين اتعارك وي بابا ومرته وبعدين اخذني ورحنا لبيتنا .. دخلت غرفته بالليل دا اصيحه ع العشا لكيته واكع بالحمام وجارح ايديه الاثنين بالموس اهئ اهئ مدا اكدر انسى منظره وهو غارق بالدم .
قالت رند : زين الطبيب شنو يكول ع وضعه.
قالت : يكول وضعه ممستقر لان فاقد هواي دم .
في تلك الاثناء اتى الطبيب المشرف على حالته وقال : من منكم فصيلة دمه A+المريض يحتاج الى لتر من الدم .
قلت : انا فصيلة دمي +O .
قال : حسنا عليك القدوم معي فورا لاخذ الدم .
ذهبت معه وما ان وضعت الممرضه الحقنه بيدي لم اشعر بشئ بعدها ..
افقت ووجدت رند تجلس بالقرب مني .. قلت بصعوبه : رند ... شنو الي صار .
قالت : حبيبتي كعدتي .. الحمد لله ع السلامه .. انتي شلون تنطين دم وانتي اصلا بيج فقر دم .
قلت : مو مهم اني المهم زين .
قالت : ي عيني الحب قاتلج .. والله اني لو يموت وليد ما انطيه قطره من دمي "وليد خطيبها"
قلت : اني مو مثلج ما عندي قلب .. وبعدين عن اي حب دتحجين .. هي بس شغله انسانيه .
قالت : اممم ي شغلة انسانية . ذهبنا لغرفة زين .. عندما رأتني رهف قالت : لوله حبي شلون صرتي .
قلت : تمام الحمد لله .
قالت والله ما اعرف شلون اشكرج ع الي سويتيه .
قلت : عيب عليج لتكولين هجي زين صديقي وعزيز عليه ... كوليلي شنو كال الطبيب .
قالت : يكول وضعه استقر الحمد لله .
قلت : حبي انتي مبين عليج كولش تعبانه روحي للبيت واني ابقى يمه وباجر تعالي .
همست رند قبل رحيلها قائله : هاي هم شغله انسانيه ؟؟
قلت : انجبي امداج .
قالت رهف : اوك .. بس اذا يصير اي شي اتصليلي .
قلت : اوك حبيبتي
اتصلت بأمي لاخبرها بأنني سأبيت ببيت رند واتجهت لغرفته .. سحبت الكرسي وجلست بجانبه .. امسكت يده قبلتها وبكيت .. وغططت بعدها بنوم عميق ..
استيقظت صباحا على صوته .. كان يمسح علي شعري وهو يقول : ليان .. لوله كعدي .
انتفضت من مكاني وانا اقول : صباح الخير .. شلون صرت ؟
ابتسم وقال : صباح النور تمام الحمد لله .. شنو صار وانتي شدسوين هنا ؟
قلت : ااا شسمه يعني انت حظرتك جنت دتريد تنتحر ورهف جابتك لهنا واني ورند البارحه اجينا دنزورك وشفت رهف خطيه كولش تعبانه ومبين عليها منايمه فكلتلها روحي للبيت ارتاحي واني ابقى هنا .
ابتسم وقال : اهاا شكرا تعبتج وياي .
قلت : لتشكرني مسويت شي .. بعدين تعال هنا انت خبل ! قاطع الاورده ثنينهم وتريد تنتحر شبيك تخبلت !!
ابتسم بمكر وقال : وانتي شكو هجي خايفه عليه ؟
قلت : اني .. اني مخايفه عليك بس اختك خطيه البارحه جانت تبجي ومنظرها يقطع القلب .
قال : ي ع اساس انتي مبجيتي .
قلت : لا طبعا ليش دا ابجي عليك .
قال : اولا هياتها عيونج مورمه من البجي وثانيا اني مكلت بجيتي عليه .