shining [태니]

10

Тэхён арай гэж дэвтэр дээрх зурсан охиныг нь хэн болохыг асууж шалгаах найзуудаасаа салав. Найзууд нь Жэнни юм уу гэж асуухад Тэхён золтой л гайхсандаа ам алдчихсангүй. Тэр тэднийг ийм хурдан таана гэж бодоогүй юм. Магадгүй найзууд нь түүний бодсоноос илүү ухаантай байх.

Найзууд нь түүнийг асуултаар бөмбөгдсөөр байна гэдгийг Тэхён мэдэж байгаа ч ядаж өнөөдөр биш гэдэгт санаа амар байв. Тэр найзууддаа үнэнийг хэлэх үгүйгээ шийдэх хэрэгтэй байв. Учир нь Жонгүг сул амтай, Жимин гарцаагүй түүнийг өдөж тэр 2 яагаад ч түүнийг тайван байлгахгүй болохоор тэр. Бас дээрээс нь Жэнни тэр хоёрын хооронд ямар нэгэн юм өөрчлөгдсөн эсэхийг ч мэдэхгүй байв.

Тэр машины түлхүүрээ эргүүлэн жаргалтай гэгч нь pub-с гарав.

Удалгүй тэр зогсоол дээр ирж машиндаа суун хөдөлгүүрээ асаав. Гэрлүүгээ харих замдаа тэр зөвхөн өглөө болсон явдалыг л бодож байв. Жэннигийн зөөлөн, чихэрлэг уруулыг бодох төдийд л Тэхёны нүүрэнд томоос том инээмсэглэл тодорч байв. Хэдэн хундага виски уусан ч гэсэн түүний хорхой хүргэм чихэрлэг уруул амтагдсаар л байв.

Тэрний гэдсэнд эрвээхэйнүүд эргэлдэж байгаа юм шиг, цээж нь галд шатаж байгаа юм шиг л санагдаж байв. Тэр сүүлд хэзээ ийм жаргалтай байснаа ч санахгүй байв.

Тэр аз жаргал гэж юу болохыг ч мартатлаа зовлон шаналалд автаж байснаа санан дахин аз жаргалыг мэдрүүлж өгсөн Жэннид маш их талархаж байв. Тэр түүнийг ч гэсэн адилхан мэдэрч байгаасай гэж хүсэж байв.

Тэхёныг гэртээ ороход архи, тамхи, нялуун үнэртэй усны үнэр болон хаа сайгүй шидэгдсэн хувцаснууд л угтаж авав.

Түүний аав дахиад л гэртээ хүүхэн авчиржээ.

Тэр аавынхаа хийдэг үйлдлүүдээс хамгийн их үзэн яддаг нь гэртээ хүүхэн авчирах явдал нь байв. "Тэр маш их мөнгөтэй юм байж яагаад 5 одтой зочид буудал биш гэртээ хүүхэн авчирдаг юм бэ?" гэж Тэхён бодов.