سلام عليكم لبنات انا تمام جيت نحكيلكم حكايتي انا طفلة جزائرية من الشرق عمري 24 سنة خدامة درت ستاج فرملية وكملت حمدالله عايشة في الباطيمات مع والديا بابا صالح عندو حانوت مواد غذائية وماما فادية فالدار عندي خوتي دكورة 2 امين مزوج عمرو29 سنة ومرتو حلا وعندو طفلة اسمها ابتهال وحسام خاطب عمرو 27 سنة وعندي ختي رحاب 25 مزوجة وعندها طفل اسمو محمد وراجلها اسمو عبد الرحمن اما ختي الصغيرة رحيل مزوجة تاني عمرها 22 سنة دات حنونها ربي يهنيهم وسمو راسيم معندهاش بزاف ملي تزوجت بقيت فالدار انا وخويا حسام وهادي هي عايلتي
درك نحكيلكم على روحي انا عندي لاطاي حوتة هههه وعندي لحناك لي يشوفني يتبهر فيا مانيش نزوخ مي هدا هو الصح شعري وحواجبي كوحل وشعري طويل عينيا زرق ومدايرة خيمار من جهة الحب عندي 6 سنين وانا مع واحد اسمو جبريل عمرو 28 سنة بقلاوة كور وديكو حواجبو تقولي ملقطين هههه شعرو شاتان وعينيه مشفرين نيفو يهبل المهم واش نحكي وواش نخلي هو يخدم فلابوليس اوفيسي بسكو قرا فالجامعة ايكونومي نحبو ونموت علبه مام هو يحبني هلابالي راكم تقولو علاه ماجاش خطبني وختي تزوجت قبلي بسكو هو شاوي والشاوية كيما نقولو رايهم صليب هههه وعندو جداتو مزالت بالعقلية تاع بكري دكتاتورية فوق اللازم لازمها كل جمعة ملمومة العايلة الكبيرة نشفالها بالاربعاء في مارس
قالي:حبيبي واش رايك غدوة نجي نشوفك
انا:اوك مور مانكمل خدمتي نعيطلك
حبيبي:صحا عمري مالا تصبحي بخير انا نرقد
انا:ونتا مو اهلو
غدوة مينداك لبست سروال جين وليكاث وباسكاث نوار وخيمار كيما جين خدمت كي كملت عيطتلو جا تلاقينا رحنا لوحد لجاردان موالفين نقعدو تما قالي:حنونتي اني حاب نصارحك بحاجة
قلتلو :ايه باينة بلي رايح تقولي بلي تموت عليا ههه شفت فيه لقيت وجهو مايبشرش
قالي:لالا هاد المرة ماشي هادي لي حاب نقولهالك ,قلتلو:ايه بب هيا اهدر واش كاين ,قالي:اني را... رايح نتزوج ,ماامنتوش وبديت نضحك بقيت غير نضحك ونقولو راك تكدب راك تكدب ,قالي:والله ماراني نكدب رايح نتزوج فاتن بنت عمتي ,شفت فيه والدموع في عينيا وقلتلو:جبريل وانا لشكون تخليني ,قالي:تمام نحبك ونعشق فيك مي الله غالب جداتي قالت لازم تتزوج بيها يعني لازم ,قلتلو :ماتتمسخرش بيا وشنو هادي جداتك ياك نتا راجل وزيد نتا رايح تتزوج ولا هي وانا لي حياتي كامل وانا معاك كيفاه اه لمن تخليني ياك كنت تقولي نسمح في روحي ولا فيك يا كداب يا خداع كنت نبكي ونضرب فيه وهو مالقا واش يقول انا السمانة لجاية عرسي انسايني تمام شفت فيه ضربتو كف رميت الخاتم لي كنا لابسين نفسو ومشيت وخليتو كنت نبكي برك وكان هداك النهر لمطر ماجيت وصلت للدار كنت في حالة دخلت لصالدوبان دوشت ورحت لبيتي بقيت مكدبة وغييير نبكي ماقدرت ناكل ماقدرت نشرب ماقدرت نرقد والو بقيت نتفكر غير فليسوفونير تاعي معاه نهار رحنا للبحر ونهار جبت لباك نهار ترسم نهار رجع اوفيسيي نهار جابلي خاتم نهار باسني من خدي ماقدرتش نستوعب الي جبريل دار فيا هاد الشي علابيها ديما يهرب كي نقولو ارواح تخطب غلقت على روحي سمانة كامل مانهدر ما والو وغير نبكي جاو شافوني خواتاتي صاحبتي هناء كامل مانحكي مانهدر حاطة هاد الغنية ونبكي
أنت تقرأ
{هل سيكتمل عشقنا...} °°باللهجة الجزائرية°°
Romanceالحكاية هي حكاية زوج حبو بعضاهم جبريل~تمام هاد الحكايا فيها حكايات وحكايات مؤثرة حزينة وسعيدة فنفس الوقت عاشوا حاجات بزااف مي {هل سيكتمل عشقهم...} هاد المرة ماكتبتش كيما موالفة كتبت بطريقة تقليدية جزائرية 100% وواقعية
