{هل سيكتمل عشقنا...} °°باللهجة الجزائرية°°

¤ 5 ¤

ادهم ولا ديما يضربني و10 شهر مخلانيش نخرج دالي ثليفون يمدلي نحكي مع ماما ويديلي ثليفون ومم جبريل هاد المدة كامل مشفتوش والخدمة بركيتها وهو كل يوم ضرب والعنف الجنسي ومزالني عذراء بصح يقولي نحبك نعشق فبك مي انا نكرهو ونتقزز منو وحد النهار كان الجمعة وانا كنت مع شغل الدار كملت ودرت غدا وقعدت نتفرج فثليفيزيون سمعت الباب نضت نجري نحطلو لغدا بسكو قادر يضربني علاجالو لقيتو داخل ببيبي صغير يكون في عمرو شهر ولا لحمة ههه تشوكيت قلتلو وشنو هدا شكون هدا قالي هدا ولدك قلتلو كيفاه قالي كيما سمعتي تربيه وعلى اساس ولدنا اكي تسمعي قلتلو كيفاه مي انا قلتلهم مانيش اونسانث قالي دبري راسك اسمو زين وعلى اساس حبيتي تفاجئيهم وغير غدوة رانا راجعين لخنشلة قلتلو وشنو سمعت لبيبي ولا يبكي حطهولي في يدي وقالي احكمي حكمتو وحد الشعور جاني حسيتو من دمي ولحمي يا يما يهبل مشاء الله 😍 رقدتو جبدت نشوف واش شرالو وصيتو عل ليكوش ولحليب انا نهدر معاه نسمع فلمسمومة داخلة تزغرت رعدت لبلوك قالتلي الحمد الله شفناك نتي وهو وعلاه شهر وهو فلقرعة مكنتيش تتهلاي فيه ارواح جبريل عمري ادخل تشوف وليد خويا السبع شفت في ادهم قالي بالاشارة بلعي دخل جبريل شنف عليا ومش حاب يشوف في وجهي كامل شافو لبيبي وهي تزغرت وتعاود قالتلي ام وجدو في دار ماني للوعدة وجدي روحك قالي ادهم اخرجي اشري حوايج مع فاتن ليك نتي وهو قلتلو لالا منروحش قالي داكور انا نديك كيما تحبي بدا لبيبي يبكي قالتلي هدا ميسكتش حتى ترضعيه هزيت لبيبرو قالتلي من سدرك وهوما يسمعو قلتلها لالا مش موالفة قالتلي هاتي نرضعو انا قلتلها لالا وليدي مترضعيهش نتي تشوكاو ومم انا تشوكيت في كلمة وليدي جبريل متقزز مني يا عمري حبيبي زاد زيان توحشتو للخر فات النهار مع زين وانا بين الحليب ولي كوش ونسكت هداك النهار ادهم مهدرلي والو مم الضرب ومهدرش عيطتلي ماما قالتلي  مالا هكدا يا لالة تولدي ومتقوليليش قلتلها والله يا ماما غير حبيت نخليهالكم سيربريز قالتلي ماعليش يا بنتي ياك نتي سلامات ولبيبي واش سميتوه انشاء الله قلتلها زين وبكيت انا بكيت بسكو اني نكدب وهي اي تحلم فلباطل وهي قالتلي واش بيك قلتلها حبيتك تكوني معايا قالتلي ماعليش يا بنتي ياك راجلك كان معاك وزيد غدوة تجي وزيد من فوق الشي هدا نتي ماقلتيش قلتلها اييه وتنعدت قالتلي حاستك ماكيش مليحة قلتلها لالا حمدالله لعيا برك وصاتني كيفاه ندير للبيبي وباركولي تاع الدار وكوبيت رحت للصالون لقيت ادهم قلتلو ولد شكون هدا قالي ولدنا قلتلو شكون يماه قالي نتي قلتلو مانيش نضحك كي يكبر الطفل واش نقولو وانا معطانيش قلبي نكدب علي ماما وبابا قالي تحلي فمك بكلمة ولا كشما تقولي ديري روحك متي وكي يكبر الطفل يعرف بلي نتي يماه قلتلو وكيلك ربي حسبي الله ونعم الوكيل فيك قالي رديني ابليس انا درك امشي نعدين ر.. لا نوض درك تاكلي الطرايح توحشتيهم نضت وخليتو قلتلو اليوم نتا ارقد هنا فالصالون بسكو البيبي لازمو سرير تاعو مش بلاصة فالسرير لكبير قالي اوك وعندك يبكي ونسمعو بسكو الصباح خدام بكري قلتلو انشاء الله جبتلو فراشو ورحت للدوش كي وليت لبيتي لقيتو يلعب معاه وشحال ظهر حنين مي هدا ولد شكون يا ربي دخلت ورحت نحكم بلاصتي ناض وقالي كان يبكي وجيت سكتتو حبيبتي وباسني متتشوكاوش قلتلكم يحبني مي سييغ مهبول بسكو يحبني ويبوسني وكلش نص ساعة يجي يقتلني بالضرب خطرة جرحني بموس وخطرة ضربني بصحن وخطرة خنقني بالسبتة وكل خطرة واش يديرلي مرمدني وكيلو ربي الصباح نضت غسلت ووجدتلو لفطور ورحت نوضت لبيبي دوشتو لبستلو ورحت للشغل الدار كملت درت لفطور ورحت نلم قشي وقش ادهم حوست فلي بابيي لقيت دفتر عائلي فتحتو لقيتو ادهم ووحدة وسمها اسيا وولدهم زين لي هو هدا لبيبي  تشوكيت جامي حكالي عليها عندو عام ملي طلقها يعني من نهار خطبني تشوكيت خليت هداك الدفتر وبقيت نشوف فلبيبي سما نتا صح ولدو يا عمري
مرمدك مم نتا وعلاه هكدا قدرك يايما ملايكة وحرمك من يماك كيما انا وكيلو ربي نوعدك بلي نتهلا فيك حتى نهار نتفرقو سامحني منقدرش نكبرك حتى تولي راجل باباك ميزرني سامحني ولدي كملت لميت قشنا وبقيت نلعب مع زين جا ادهم هو فتح الباب وانا خبطتو بلكارني دفامي وقلتلو رخيس هكدا عام وانا معاك متقوليش قولي بلي كنت متزوج وبلي هدا ولدها اه حرام عليكم تعدبوه وعلاه مخليتوش عند يماه اه؟ جايب انا فيه وتخليني نكدب على دارنا قالي وين لقيتي هدا قلتلو وين لقيتو لقيتو قلتلو نروحو نحبك تطلقني محال نكمل معاك قالي انساي هاد الهدرة قلتلو نبقى مع واحد عام وهو يضرب فيا مزالني طفلة وزيد كنت متزوج خبيت عليا وجبتلي نربي ولدها جا ليا ضربني قتلني بالضرب رحت هربت من الدار قلتلو خلاص فاض الكاي منزيدش نقعد معاك دقيقة فهاد الدار خليتلك كلش في نص لبلوك جاو فاتن وجبريل رحت عند جبريل نحاول فيه يهربني منو قالتلو فاتن واش كاين ادهم عرفت قالهم ايه قلتلو سما كان كامل علابالكم وماقلتوليش قالي جبريل استعقلي درك راكي ام ووليدك عندو شهر من لي نزاد قلتلو هداك ماشي وليدي بقا مشوكي قالي وولد شكون قلتلو وليد من لمرا الاولى قالي كيفاه وياك هو مايولدش زاد شوكاني قلتلو كيفاه قالو ادهم جبريل ممبعد نتفاهم معاك ونتي ادخلي للدار قلتلو انساني منزيدش معاك دقيقة هنا تبقى هنا نلم حوايجي ونجي نروح لدارنا قالي معندك وين تروح قلت لجبريل اعطيني نعيط لحسام عيطتلو انا كملت وادهم ضربني بكف قالو جبريل مزيدش تضربها قالو نضربها قالو متزيدش تضربها قالو نضربخا هز جبريل يدو وضرب فاتن ولات تبكي بالشهقة قالو ادهم متزيدش تهرز ر.. يدك على ختي قالو كيما متهزش نتا يظك على حبيبتي قالولي كيفاه من وكتاه حبيبتك قالهم ايه حبيبتي وانا عمري حبيت ختك ل... وهداك الولد مش ولدي ختك ق.. جابتو بلحرام انا ندي حبيبتي ونتزوجو ونتووما منحبكمش تدورو بينا قالي ادهم هكدا مالا كنتو متفاهمين قلتلو كيما تفاهمت نتا وختك ومانك ويماك عليا وعيشتني فلجحيم وكون جيت راجل كون بينتها كي كنا متزوجين صح مش حتى تضربني طاح فالارض وولا يبكي سييغ مهبول جابتلو ختو الدوا سما مم الدوا وكان يشربو هدن شويا وولا يتعوج بصح داه جبريل للسبيطار وفاتن وانا لميت حوايجي وشربت زين حليبو وبقيت نستنا في حسام وحد الساعة جا عندي قالي خير واش كاين حكيتلو كلش قالي متخافيش ختي انا نعاونك وهاد البراءة كيفاش قلتلو يدبر راسو باباه حبها قالي ماعليش هيا نروحو لدارنا وفالطريق حكيتلو بلي جبريل عاونني ووقف معايا وبلي بركيت خدمتي بقا يخبط فلفولون تنارفا للخر ...