{هل سيكتمل عشقنا...} °°باللهجة الجزائرية°°

¤ 6 ¤

وليت نكالمي فيه ونحاول فيه باه ميقولش لدارنا قالي وكي يقولولك وين راح ولدك كيفاه تقولي قلتلو صح قالي شوفي مالا نديك للوثال اقعدي تم اتهناي من هداك الرخيس ريحي راسك هداك هو نلقاو حل قلتلو اك سيريو قالي وي هدا هو الحل نروحو للدار يقولولك وليدك تحكيلهم يمرضو ما وبابا هدا واش كاين رحنا للوثال حطيت حوايجي ودوشت بكيت بكست ورقدت كي العادة فليل عيطلي حسام قالي اخرجي نروحو نحوسو شوية خرجت عندو بستو داني للبحر حسيت روحي كي العصفور لي يخرج من القفص بقيت نسوطي ونجري من الفرحة حسام بقا يشوف فيا ويضحك قلتلو متشوفش فيا 10 شهور مخرجتش انا كملت هدرتي وثليفونو صونا رحيل توحشتها عيطت وهي تبكي قالتلو اجري بابا طلعلو السكر وطاح تغاشا قالها واش صرا قالتلو عيطت عجوزة تمام وقالتلنا جا خوها وداها وسرقت دراهم ادهم وراحت مع خوها وخلات وليدها عند سلفتها وبابا طلعلو السكر وماما من الخلعة غشات ورانا فالسبيطار اجري ازرب لقيتو قالي اني رايح لازم نروح قلتلو رجلي على رجلك قالي نتي مهبولة حابة تمرضيهم قلتلو نروح يعني نروح قالي متروحيش  وانا خلالي دراهم هو ركب وانا لحقتو في طاكسي نزل لحقتو شفت رحيل وريحاب يبكو حبيت نروح نعنقهم توحشتهم مم انا وليت نبكي خرجت للسبيطار ونشهق جات وحد المرا كبيرة مريضة قالتلي غي الخير يابنتي واش بيك هدا الزين قلتلها والديا حبيبي راجلي ماليه كلش يا خالتي راني مدمرة من كل جيهة قعدت قدامي مدتلي نشرب الما شربت وهدنت شوية قالتلي وشبيهم والديك حكيتلها قصة حياتي ولات تبكي مم هي قالتلي يا بنتي المظلوم حقو جامي الا يروح خسارة انا في حياتي ظلمت وتظلمت لي ظلمتم شوفي واش صرالي ولي ظلموني صراتلهم كيفي وراهم سبقوني ديري في بالك بلي لي خلق مايضيع وهدا ابتلاء وربي شافك شحال تصبري اذا احب الله عبدا ابتلاه والصبر مفتاح الفرج حملي حتى يفرج ربي وادعي دعوة المظلوم مستجابة يا بنتي وربي يكون معاك وناضت رايحة قلتلها خالتي ونتي متحكيليش قالتلي يا بنتي  روحي ربي يفتحها في وجهك  خلاتني نخمم في هدرتها رحت نمشي ونتمايل من بلاصة لبلاصة خبطتني طوموبيل جاو هزوني رجال كبار كي الصاعقة من تم غشيت ماشفيت علا والو فطنت لقيت روحي في بلاصة مخربة كامل جا ليا واحد ضربني بكف قلقتو شكون نتا وين راني علاه جبتوني هنا منعرفكش مامااا اهئ اهئ جا ليا واحد قرب نحا لماسك من وجهو ادهم قلتلو ادهم 😟😰 خليني ربي يعيشك ربي يخليك خليني نروح قالي كيفاه مال يا لالة حبيبة جبريل درد شكون يسلكك وين راه جبريل وزيد باباك راهو فالموت مع لي يسمع بلي خطفوك تكمل ويموت اه واش رايك شكون يسلكك من يدي قلتلو ادهم خليني نروح عام وحنا كيفكيف شبعتني قهر مكانش في قلبك ذرة رحمة خليني تعيش ديرني ختك وخليني قالي نحبك منحبش تبعدي عليا مي نتي غدرتيني حبيتي جبريل واش خصني اه الزين هاوليك الدراهم هام ليك اه العقلية واش اني نديرلك اني نضربك اييه باه تعقالي وليت مش راجل وكون جيت راجل كون اكي مرتي جاب كلاب وقرصني بيه في فخدي وليت نعيط لربي لي خلقني والصدى يرجع وليت نحاول فيه باه يخليني دارلي ثريسيثي دار فيا المنكر وليت منشبهش باسني وخرج وخلاني سمانة وهو يديرلي هكدا وانا منشبهش كامل كل يوم يعاودلي نفس لعداب مرة جاب زين قالي شوفي واش رايك نديرلو كيما نتي قلتلو ولدك ومشفقتش عليه الا عطاك قلبك هاوليك اقتلو قالي مش انا لي نقتلو نتي وحطو ف تاع ثريسيثي وقالي شعلي كيما حكملي يدي جريت نحيتو وبقيت نبكي غاضني كي جا وليد وحش كيما هدا كاينة طاقة صغييرة وقت الشروق نروح وندعي كي كملت سمانة زدمو لابوليس كي شفت جبريل عيطتلو بلعقل سمعني بوليسي راح عيطلو قالي تمام 😱قلتلو ا..د..ه..م وغشيت من تم ماشفيت على والو فطنت لقيت روحي فالسبيطار لخيوط راكبين من كل جيهة وحسام حاكملي يدي شفت فيه وقلتلو وين راني ناض يجري عيط لطبيب جا الطبيب فحصني وقالهم بلي رجعت للوعي شوية ونكون صاحية مليح تقدرو تخرجوها للغرفة العادية كنت فالانعاش قلتلو وعلاه غير نتا لي هنا وين راهم دارنا سكت مبعد قالي ريحاب ورحيل راهم في دارهم وماما راحت للدار ترتح وتجي تشوفك قلتلو وبابا قالي درك نجي ونحكيو راح ماجاش مبعد شوية جاو دارنا كامل ومعاهم الطبيب مي كانو حازنين حرت قلتلهم وشبيكم ساكتين واش كاين وين راه بابا دخل جبريل من برا قلتلو جبريل قالي خطيبك جبريل حرت قلتلهم بابا وين راه حسام بابا وين راه قالتلي ماما باباك الله يرحمو يا بنتي بديت نبكي ونعيط ونقولهم كيفاه يموت وانا مشفتوش و مشبعتوش محال يخليني مامااا 😭😭 جا طبيب عطاني مهدأ و خلاوني راقدة حتى الصباح لي نضت فتحت عينيا وماحكيت مع حتى واحد جات عندي ماما خواتاتي وخاوتي مم جبريل ومهدرتش معاه غير كي جات عندي فاتن وفي يدها زين قالتلي اووو مرت خويا الحنونة راهي مريضة مي اني جبتلك وليدك الا تشوفيه هو كان يبكي كي حطتو قدامي سكت طاحتلي دمعة وبستو ربيت عليه الكبدة مم ماقعدناش بزاف قالتلي قالك خويا عندك ديري في بالك بلي راني سامح فيك وخرجت وليت نعيط عاودو دارولي المهدأ مبعد يومين وخرجت من السبيطار رحت لدارنا وانا منحكي ما ناكل غير نشوف رحت ديراكث لشمبرة بابا و بكيت بكيت حتى رقدت ماعلاباليش وعلاه من نهار بديت نكتب في حكايتي وانا نبكي بالرغم من انو الدموع لي نزلو من قبل عينيا جفاو منهم وليت نبكي الدم من القهر المشاكل محبوش يخلصو كل يوم بروبلام اللخرة خسرت بابا مشفتوش قريب عام وزيد انا السبة في موتو مي حمدالله لي خطبني جبريل من عند بابا الله يرحمو بقيت فالحالة هديك شهرين ونص حتى وين وحد النهار نضت لبست حوايجي و رحت لقبر بابا الله يرحمو حكيتلو كلش من AلZ وبكيت وفرغت قلبي وكنت علابالي بلي راه راضي عليا هدا الشي لي خلاني نبقا واقفة على رجليا رجعت لدارنا و عيطت لخاوتي و خياتي وطلبت منهم نتلاقاو في هداك النهار هوما حارو مي جاو تلمت عايلتي و هداك النهار لي قررت فيه و رسمت حياتي فيه الوغ قررت نشاركهم بعد ماتعشينا و لمو لماعن غسلوهم قعدنا فصالون وقلتلهم ...