{هل سيكتمل عشقنا...} °°باللهجة الجزائرية°°

¤ 2 ¤

فاتو ليامات غير فالتوجاد والخدمة ولبكا كل ليلة ماقدرتش نصبر على جبريل والله نموت عليه بقا 15 يوم على عرسي وليت للي ماسك ومنا اكو تعرفو عروسة نهار الحنة تاعي رحت عند الحفافة نحاتلي الشعر كامل ودارتلي نيتواياج دو بو المهم كملتلي دارتلي شينيو ماصبغت شعري خليت روحي ناتورال درت ماكياج وجاو حناولي جاو بلاك 20 مرا كملت السهرة مع دارنا شطحت كل مانتفكر جبريل نتهول هههههههه ومبعد نبكي شغل مهبولة كملت رحت ميتة بالنعاس رقدت ديراكت ادهم كل يوم يعيط ديفوا يخرجني ديفوا يكسيني وحدو وحدو والله مدايرلي الجنة فوق الارض مي انا نحس روحي خاينة كي نكون معاه هو مهتم بيا وانا قلبي مع جبريل 

نهار العرس جاو نوضوني خياتي وانا والله كون لقيت كيفاه نبطل كون بطلت ماشي حابة نتزوج نضت دوش ورحت للحفافة وصلني حسام وزاد جا داني درت لشعري لمة سامبل ومكياج خفيف قالي ادهم منحبوش الوغ مكترتش راجلي واش تحبو وصلت لدارنا وبداو يزغرتو وانا غير نبكي من كلش نبكي نبكي من حبيبي لي سمح فيا من كي رايحة نبعد على عائلتي على كي رايحة نتزوج بواحد منحبوش ماعليش مكتوب ربي سمعت لكورتاج خفت وتحطم قلبي خرجت تحت جناح بابا ودعتهم ورحت للاصال برا شفت جبريل لابس شوميز بيضة سروال نوار وباسكات بيضة ويتكيف شفتو وجات عيني في عينو دارلي براسو لالا مزال مفهمتش علاه  هبطولنا الدموع كان متكي على طوموبيلتو والدموع هبطولو مسحهم وانا بقيت نبكي ملي ركبت في هديك طومو بيل وانا نبكي وادهم يصبر فيا مسكين ماعلابالوش علاه اني نبكي ولنا للاصال جاتني عجوزة كبيرة شربتلي الحليب والتمر تبان واعرة هو قالي عندو جداتو ويماه والزغاريت هوما شاوية ثاني قلتلكم ايه بقيت نصدر شويا كملت تصديرتي جا يصور معايا ودخلوتاعهم تاع لافامي غير لي يجي يسلم علينا هو و مرتو ايماجينيو شكون جا جبريل ووحدة تشوكيت صح قالونا مبروك قالت فاتن ولي هي سلفتي ومرت جبريل هدا راجلي جبريل يحبني ونحبو ويكون ولد عمتي  وسلمت عليه  قدامنا وهي كانت اونسانت وتتزعبل قالتلي كلشي مبروك ممم تجوزي مقبولة ههه انا خير ياك عمري لجبريل بقيت حالة فمي قالهم ادهم وحدة ماتلحق مرتي مرتي الزين والدين وطاعة الوالدين ههه جبريل كان غير يشوف فيا والدموع في عينيه شفت الخاتم كان في يدو هداك الخاتم شريناهم كيفكيف  انا مقدرت نهدر مانتحرك ما والو راحو وانا قلبي شعل رحت للاشومبغ وين نبدل وبقيت نندب مش نبكي جاو خياتي يجيريو ليا وانا مقدرتش نسكت لتلهم شفتوه هداك راجل سلفتي سما نولي نتلقاه غشيت فطنوني صاوبولي المكياج تاعي وديراكت خرجت قلت لادهم نروحو قالي داكوغ سلمت عليهم وشفت في جبريل بحزن ورحنا وصلنا للوتال وانا ديسيديت باه مام انا نتزوج صح مدام هو مرتو راهي اونسانتدخل هو دوش وخرج لاف منشفة عليه قالي منصليوش تشوكيت فيه موراه دخلت درت دوش خفيف ولبست نويزات شابة تاع عرايس ههه وخرجت شافني قرب ليا وبدا يبوس فيا وانا تجاوبت معاه كي وصل باه ي... حبس ورقد تشوكيت فيه قلتلو ادهم وشبيك قالي ارقدي ومتكتريش الهدرة يجي النهار ون... بقيت نبكي نبكي حتى تنفخو عينيا ماقدرتش نرقد قلتلو والصباح كيفاه ندير كي يقولولي وين راه الدم تاعك قالي الصباح يرحمها ربي بقيت غير نبكي وتفكرت جبريل زت فالبكا تاعي الصباح ناض ادهم وانا كننت ماشي راقدة صليت وبقيت فاطنة قالي وين راه تيسي لي ديري فيه الدم جبتهولو قالي جيبي هداك الموس لي كان فالصحن تاع ديساغ قلتلو واش رايح دير قالي اعطيهولي برك مديتهولو كان لابس شورت نحاه قعد بلبوكوغ وذبح روحو في فخذو تشوكيت قلتلو مهبول مسح بهداك تيسي وقالي هاكي مبروك عليك ههه هم يضحك وهم يبكي قالي كي يقولولك وين راه مديهولهم ومتحكي والو وعندك تفيقلك ماني بسكو ماهيش ساهلة وانا هادي مانو نكرهها هي سبة فراقي على جبريل الله لاتربحها ربي وكيلها وسمها فاطمة قالي وكي تدخلي ديري روحك عروسة جديدة ودرك الا واجدة امشي نروحو عند الحفافة رحنا مشطت ولبست ورحت لدارهم كان شغل فيلاج صغير دخلت ضربو البارود وانا نتعوج كانت دااار كبيرة هوما في 43 حفيد متزوج الله يبارك وكي يجيو لبنات لازم يباتو رجالهم قالولي فلباب وريلنا تيسي وريتو بداو يزغرتو وانا نتعوج زعما وهوما يباركولنا نعتوه للرجال لكبار تاعهم يايما على التبهديل والحشمة خلي يشوفو دم فخاذ ادهم ههههه جاو والديا لصباح لعروسة وخياتي قالولي كيفاه محبيتش نحكيلهم قلتلهم جازت كيما تاع كامل لي يتزوجو باركولي وقالولي ربي يهنيك معاه وانساي هداك خلاص درك نتي متزوجة وهو متزوج روحو وبقاو غير تاع الدار هدوك 43 حفيد هههه تعرفت عليهمعيطتلي فاطمة عطاتني سلسلة وقالتلي شوفي وهي تبلق في عينيها هاكي هادي واتهلاي في وليدي ونحب على 9 شهور نحب حفيد جديد قلتلها انشاء الله خرجت من بيتها ورحت لبيتي تكيت وبقيت نخمم جا ادهم قالي وشبيها مرتي تايهة قلتلو ادهم وعلاه لبارح مكملتش سكت قالي بنتيلي مش حابة محبيتش نكمل قلتلو واليوم قالي انشاء الله وناض شوية جاو عيطولي للقهوة باه نشرب معاهم تلمينا كامل هوما عندهم الحالة ميكسث زعما كي دكورة كي لبنات قعدنا كاظل فجاردان وهوما يتعرفو عليا وانا مخنوقة ونجاوب قالتلي فاتن ممم متبانيش كامل بلي تزوجتي لبارح من لمشية زعما بلعقل وكنا غير بنات قلتلها علاه قالتلي شوفي اكي تجري قلتلها علاه نتي كيفاه مشيتي قالتلي انا جبريل سايسني وكون صاب كيفاه يهزني ويدور كون هزني وزيد انا قتلني السطر قلتلها انا حمدالله 😑 قالتلي ايه ماقلناش وليت نشوف في روحي مليار في نص لعباد هادو شوية جا ادهم عيطلي لاشومبر انا رحت قالي منحبكش زيدي تقعدي مع الرجال فهمتي قلتلو ايه بصح مانك ويماك لي عيطولي قالي قلتلك مكانش يعني مكانش وكلمة بصح منحبهاش فهمتي (بلعياط) قلتلو اوك كيما تحب قالي ايه ووجدي روحك رايحين السمانة هادي مش حتى مور شهر قلتلو انا واجدة قالي ايه انا اني هدرت فاتت لعشية وانا قاعدة معاهم وبالي مع جبريل ماشي كون كنت مرتو خير اه يا ربي وعلاه هكا قالتلي عجوزتي حنا نحبوك كي تولي تولي يا بلجوف يا بوليدك 😥قلتلها انشاء الله طاطا كلاوني كي قلتلها طاطا قلتلهم سمخولي مي كلمة يما نقولها غير لماما سمعني ادهم داني للبيت ضربني كف 😰 وقالي زيدي صحي وجهك مع يما فمك نكسرهولك قللو وشبيك ادهم واش درتلك قالي لهدرة منعاودهاش شوكاني بقيت نبكي خرجت من بيتي وانا عينيا منفخين رحت ندور فلخلا تقول مش عروسة وصلت لوحد الواد وليت غير نبكي ونعيط ونقول علاه يا ربي علاه كانت كاينة وحد الصخرة قعدت غوقعا ونشوف فالشمس تغرب وكلت ربي على جبريل و...