{هل سيكتمل عشقنا...} °°باللهجة الجزائرية°°

¤ 3 ¤

رجعت للدار لقيت الحالة مقلبة قلتلهم واش كاين قالولي كنا نحوسو عليك دخلت لقيت جبريل ولمسمومة تاع فاتن قالتلي وين كنتي يا لالة قلبنا الدنيا عليك قلتلها كنت ندور قالتلي ومتعرفيش تقوليلنا خلعتينا في باطل جا ادهم شفت فيه تاع شوف واش راهي تقول خزر فيا خزرة تاع موت بدلت عينيا ورحت لبيتي بكيت ورقدت جا نوضني قلتلو واش تسحق قالي شوفي يا بنت الناس من جميع واحد هنا الشي لي يهدرهولك تسمعي وتسكتي فهمتي قلتلو واللله علاه جايبني خديمة عندهم انا كلش كلش وكرامتي قالي منيش نناقش فيك اني نامر فيك بقيت حالة فمي اسكو هدا تاع لبارح جا خرج قلتلو ادهم شاف فيا قلتلو انا غلطت معاك كاش ما سمعت عليا كاش ما وصلولك قالي والو اهبطي تتعشاي قلتلو ياك قلتلي ماتقعديش مع الرجال ونتوما تقعدو كامل كيفكيف قالي ايه معايا نورمال رحنا وقعدت حداه وهوما يحكيو وانا ساكتة قالتلي عمتو ايه يا بنتي ناوية تكملي تخدمي انا منطقتش وعجوزتي قالتلها لالا علاه تخدم تحكم دارها جيت ننطق قرصني ادهم تاع عندك تناقشي قالهم لالا نخليها تخدم بسكو مقراتش فلباطل 😏 زعما يحبني ههه قالها باباه ايه الراي رايو يا مرا ونتي بنتي واش حابة قلتلو الراي راي ادهم عمي قالي يعطيك الصحة يا بنت الاصل قلتلو ربي يخليك عمي وتبسمت نطقت المسمومة وعلاه تخدم وانا علاه مخدمتش قالتلها عجوزتها لاه نتي قريتي باه تخدمي هههه 😱🤣😂 بردتلي قلبي شحح قالتلو لجبريل جبريل متهدر والو قالها ياك هدرتلك يما تغششت زعما وناضت تخبط في روحها لقيناها غشات وهوما جهال شوية قالتلي عجوزتي هاي ليك لخدمة وريلنا شطارتك قلتلهم جيبولها الما والسكر هادي مابيها والو السكر هبطلها هدا مكان تصرا لاي وحدة اونسانث وتقلق روحها فلباطل جابولها الما والسكر فطنت قالي باباه عمي كمال يعطيك الصحة بنتي قلتلو يسلمك بلا مزية عمي قالتلي فاطمة ممم لحمدالله فدتينا في حاجة كملنا اللمة وكل واحد راح يرقد وجدت روحي لادهم كاي عروسة زعما جا نفس لحكاية تاع لبارح مي ليوم عنيف اناحيرني كل يوم نفس لحكاية وكلما نسقسيه يسكت فتناها فاتت سمانة وانا كل يوم هكدا الصباح يتحلف فيا والليل كي يوصل للشي هداك يحبس وصل النهار لي نروح في لعنابة لمينا حوايجنا انا وادهم وجبريل وفاتن بسكو مبعوتين لنفس لبلاصة وزيد يخدمو كيفكيف يعني نولي نقابل جبريل كل يوم والمدة مفتوحة مش باينة وشحال يقعدو مم اتا رايحة نولي لخدمتي مي تما 😥😵 جا الوقت لي نروحو فيه كل واحد في طوموبيل انا ركبت وبقيت نشوف برا وساكتة ومم هو ساكت رقدت حتى فطنت بيه يقولي نوضي ااااي رانا وصلنا فتحت عينيا لقيت ادهم قلتلو وكتاه وصلنا قالي هدا وين طلعنا للدار كانت باطيمة نورمال بلوك فيه غير لابوليس دار جبريل فوقي بدوزيطاج انا فطروازيام هو فسانكيام جات فاتن تتبسل وتتزعبل وهو يطلع فلقش وصلت انا للدار فتحت لي بالكون  حطيت الحوايج في جهة وبديت نمسح فلغبرة ونسيق شمرت قندورة كي كملت درت لغدا لراجلي لعزيز 😣 يا يما كيفاه نكمل حياتي معاه 😭 ورحت نستف الحوايج وكيما علابالكم نرقدو مع بعض يعني معندي وين نهرب جا دخل جاب القضيان ولغدا قعدنا ناطلو غسلت لماعن وماجيت رتحت عيطتلي فاتن قالتلي ارواحي عاونيني قلتلها انا ومزال مكملتش خدمتي سمعني ادهم قالي روحي عندها قلتلو مي انا مزال مكملت خدمتي قالي قلنا روحي قلتلو وراجلها قالي نورماا ياك ولد عمتي وزيد راجلها وصاحبي قلتلو نتا قلت😏😞 رحت طبطبت فتحلي هو بقينا نشوفو في عينين بعضانا انا الدموع تلمو تفكرنا كي كان يقولي نغرق في عينيك وكان مش لابس ثريكو ولابس شورث يهبل يهبل 😍 جات المسمومة تقول اه اه ايي رحنا نجريو ليها قالتلنا او يضرب فيا ههه السوفاج انا مضحكتش وهو ناض مدهاش فيها كامل هي بقات تشنف قالتلي او سيق جبريل قلتلها ايه وانا واش ندير قالتلي امسحيلي الغبرة قلتلها عندي حساسية ادبقات تخمم واش نخدم طي ماقات واش تطلب قالتلي ستفيلي لحوايج قلتلها مي نتي تقدري نتي طبقيهم وهو يبلاسيهم قالتلي ممم صحا طيبيلي قلتلها درك نهبط نطيب هدا وين جابلي القضيان ونبعتلك وخرجت وهو كان في بيتهم رحت ننفض في روحي شافني قالي وشبيك تنفضي في روحك قلتلو ختك وقيلا داريتني خديمة عها تشنتشفي من شعري وقالي سقمي هدرتك لا نكسرلك فمك قلتلك كيما تقولك هي بديت انا نعيط غملي فمي وطلقني رحت درت شربة وطلعتلهم ياكلو ياكلو الرهج انشاء الله طبطبت فتحلي هو الباب خزرت فيه مديتلو الكاسرون حكملي يديا قلتلو بصحتكم شاف الدم قالي وشبيه يدك قلتلو والو 😑 قالي شكون خبشك قلتلو حتى واحد سوماس جا ادهم شافنا نهدرو قالي حبيبتي ارواحي نسحقك هبطني من شعري يجر فيا وصلني للدار قتلني بالضرب قالي تتمعشقي مع نسيبي من النهار الاول اه تتمعشقي معاه قلتلو والله مكاينة حاجة غير قالي وشبيه يدك قالي واش دخلو واش دخلو كون ماجاش صاحبك ضربتو كف وهربت للدوش بقا يطبطب رايح يكسر الباب وانا وليت نبكي حتى سمعت لاصوناث خفت حسبتو جبريل سمعت صوت مرا قالتلو مرحبا بيكم في داركم الجديدة انا جارتكم لي اونفاص ليكم جيت نرحب بيكم هاي ليك الطمينة وليدي تاكلوها بالصحا ولهنا كشما سحقيتو اني هنا المدام مكانشها قالها اي تدوش قالتلو ماعليش خطرة خلاف ونتعرفو انا جارتكم فايزة قالها معريفة خير خالتي قالتلو يعيشك جا قالي نحكمك نقتلك اكي تسمعي اخرجي كون منفرجكش الويل اني خارج ونجي لعشية نوريلك سمعت الباب تخبط رحت لبيتي وليت نبكي نبكي نشوف روحي نبكي نتفكر بلي مزالني طفلة نبكي نتفكر جبريل نبكي كلش كلش لعشية جا حطيتلو يتعشا وهربت عيطلي بقيت ساكتة قالي هاكي هادو كواغط خدمتك الجديدة وغدوة تبداي ونوصلك قلتلو داكوغ رحت خيرت واش نلبس ورقدت جا نوضني باسني باسني ورقد مم هو الصباح نضت وجدتلو لفطور دوشت كي خرجت لقيتو ناض دخل دوش مم هو وانا لبست سروال نواغ ليكاث غوز صباطة غوز وخيمار وصاك نواغ قالي هيا خرجنا تلاقينا جبريل قالو وين رايح قالو نوصلها تخدم ونروح نخدم تروح معايا قالو جبريل ايه رحنا وانا بقيت ساكتة وصلت قالي ادهم هنا تخدمي عمري كاش حاجة عيطيلي قلتلو صحا بب وضحكت معاه قالي ايا بون كوغاج حبيبتي قلتلو طوا اوسي غاجلي ورحت دخلت كان سبيطار كبير لباس بيه تلاقيت المدير وبديت نخدم كملت عيطتلو جا ليا وصلني للدار درت لعشا تعشينا وانا غسلت القش ورحت وجدتلو روحي كيما العادة نديرو كلش كي نوصلو نزوجو يبركا انا كرهت يا خواتاتي من الحالة هادي قلتلو ادهم ياك انا مرتك وحلالك وعلاه متكملش ماتايماجينيوش واش قالي ...