الحنين الصامت

البارت الاول

هلو شلونكم يا حلوين مشتاقتلكم كووووووومه

رجعنه بقصه جديده يارب تعجبكم طبعا القصه خياليه ايضا اتمنه تعجبكم

موعد مو محدد لحد الان ستمتعو ونطوني رائيكم بالتعليقات 😘

الكاتبه @whiterose557

..........

الدمـــــعه توصـــل
                   للــــرمش
وعـــــيني تبلــــع
                 ريــــجــهه

اني حنين اليوم راح احجيلكم قصتي بما انو ماكدر احجي الاحد عن البداخلي فراح افتح الكم كلبي

اني حنين الخرسه مثل مايسموني ماتجرحني هاي الكلمه لان هاي طبيعه مجتمع اخر شي يفكر يراعي هي المشاعر والكلمات الجارحه واثرهه عله الشخص المقابل او يمكن اني بعد الي صار مايجرحني شي لان الجرح والحزن البيه اكبر من انو تاثر بيه القاب .....

اني خرسي مو ولادي لا جان نتيجه صدمه اكثر صدمه بخياتي وخلتني افقد النطق هوا وفات ماما بحادث سياره كدامي بهاذ اليوم المشؤوم من ٣ اسنين جنه راجعين من المدرسه لان هيه معلمه وياي واني جنت رابع اعدادي واحنه دنعبر الشراع اني عبرت وهيه وكعت جنطتهه دنكت تاخذهه واني شفت سياره جايه عليهه صرخت باعله صوت ماما نتبهي رفعت راسهه وما لحكت ضربتهه السياره الي اصلن سايقهه جان ما ممنتبه ولا حاول ياخذ بريك ذبتهه عله الرصيف ركضت ليهه جان بيهه النفس بس جان الشارع فارغ ومحد اسعفهه ركضت للسياره الي ضربتت واكفه وهوا جواهه صافن صرت اضرب بيه واتوسله ينزل ينقذهه باوعلي بس شكله مو واضح من الجام صاده بي الشمس واني عيوني مغوشه من الدمع اضرب بالسياره بس هوا ما فتح الباب فتح الجامه وشفت بس عيونه كلت يا الله راح ينزل يساعدني بس اشو فجئه شخط السياره ومشه هنا نهاريت رجعت الماما كعدت يمهه واني واشوفهه تموت كدامي اتصلت ابابا من نقالهه واني ارجف واجوي ناس اسعفوهه لكن بعد فوات الاوان توفت ماما ومن يومهه واني دخلت بصدمه عصبيه فقدت النطق وجانت اسؤ سنه بحياتي خسرت كلشي امي ودراستي بعد مانطويت عله نفسي رفضت اكمل دراسه وخاصه نفس مدرسه ماما وهاذ حالي من ٣ مابقالي غير اب حنون بس هوا مو احسن من حالي عله فرك ماما لان اخذهه عن حب بعد وفات مرته الاوله وام اخواني الثنين اكبر مني

امجد : اخوي الجبير من مرت بابا الاوله متزوج وعنده اطفال ٣ بس عكس بابا تمامن مايعرف الحنيه وعصبي حته عله اطفاله و مرته رغم هيه انسانه طيبه وحنونه بس هوا اسلوبه بالتعامل زفت وخاصه وياي جان دائما مشاكل ويه ماما الله يرحمهه رغم هيه ربتهم وهتمت بيهم بس هوا حاقد عليهه لان تزوجهه بعد امه مايوم سمعت منه كلمه حلوا ودائما يضربني ويصخرني بس بابا يدافع عني بس هسه بابا رجال جبير مايكدر اله وخاصه هوا معيل البيت

... اما اخته او اختي فهي ماتفرق شي عنه انسانه متعجرفه ومغرورا وخاصه انو هيه متزوجه من عائله معروفه وغنيه اني ما اعرفهم لان مارايحه ولا هما يجون بس بالمناسبات يعتبرونه اقل من مستواهم عدهه اطفال ٣همات ولد وبنيه كبار بالاعداديه وليد وهبه والزغير عبدالله عمرا سنه بس كلش احبه واتونس عليه حلو ومدنفش وبس يضحك ومتعود علي لان من تجينه اذا علي اغسل واوكل وانيمه بخضني اموت اعليه .