الحنين الصامت

البارت السادس عشر

صباحو ❤

الكاتبه WhiteRose557

.....

وحك من عاف بالبيده يهاله
الك جفني يكت دمعه يهاله
شكبرها الحسره بكليبي يها له
من اجرها الگاع احسها تميل بيه

......

حنين : نباوع للتحليل بترقب بعد دقائق باوعت النبأ بتسائل دنكت راسهه وهزته بالايجاب كعدت عله السرير مهدود حيلي غطيت وجهي بدي وكمت ابجي بقهر اجتي نبأ حضنتني

نبأ : هدي حبيبتي رزق من رب العالمين هاذ

حنين : كتلهه من بين ادموعي شهدء نبأ شهدء اذا عرف جواد ما راح يتركني بحالي راح ارتبط بي طول عمري لو ياخذه مني خاصه احنه متفقين عله هاذ الشي قبل بعدتني عنهه وباوعتلي بتفاجئ

نبأ : عله شنو متفقين ولج

حنين : اذا بالمستقبل صار عدنه طفل ونفصلنه راح يكون اله مقابل يخليني اكمل دراستي.... لطمت وجهه

نبأ : عزاااا بعينج وين جان عقلج من اتفقتي وياا عله هيج شي الضنه غالي ياا غبيه ما راح تتحملين فراكه

حنين : بدموع مادري نبأ مادري ما اريد طفل منه فدوا اريد اطلعه من حياتي ماريد طفل عمه المجرم الكتل ماما دبريني نبأ فدوا احجي والطم عله وجهي حضنتني وتهدي بيه

نبأ : كولي يا الله حبيبتي والله جواد خوش انسان وشاريج يمكن هاي فرصه يتصلح كلشي بينكم

حنين : ليش ما جاي تفهميني ماراح نعيش بسعاده بعد كل الصار حتى هوا ماراح يتحمل دائما راح اشوفه مذنب نبأ العشته شي اكبر منو انو اتناسى واعيش حياتي عادي وكانو ماصار شي وهسه راح تزيد تعاستي اذا صار هاذ الطفل

نبأ : اووووف والله كطعتي كلبي نامي رتاحي وبعدين نكعد ونفكر شنو نسوي

حنين : نبأ محد لازم يعرف بهاذ الشي وخاصه امجد

نبأ : لاتخافين حبيبتي اعرفه يريدله الحجه

حنين : هزيت راسي ي طلعت حضنت بطني ونمت بوضعيه الجنين مو مصدكه انو اني بداخلي جنين ولا حاسه بهاذ الشي شنو راح يسوي اذا درا لااا لااا مالازم يعرف ساعدني ياربي

.ثاني يوم داومت خفت بابا يحس عله شي بس مالي خلك للهوا الي اتنفسه منتضرا عله اعصابي يخلص الدوام بالفرصه كعدت برا اشتم هوا حسيت خيال يمي رفعت راسي جنى مبين عله وجهه التوتر والاحراج كالت

جنى : شلونج حنين

حنين : بتسمت الهه ...الحمدالله تمام انتي شلونج

جنى : الحمدالله اكدر اكعد

حنين : تفضلي

جنى : شكرا ... مم شلون صرتي الباحه مبين تعبانه