صباح الخير❤
........
الكاتبه @whiterose557
.......
مریض انا ابغیابك وانته
دکتــور
فدوه اکتبلی احبك خاطر
اشـفه
......
حنين : فتحت عيوني فازه صارت عيوني عليه يعني اتي ما جاي احلم تنفست براحه اباوعله شلون نايم وملامحه متشنجه اكيد متالم ضعفان ولحيته طولانه صاير شكله غريب خليت ايدي عله خده اتلمسهه خشنه فتح عيونه بنعاس وبتسم
جواد : شهل صباح الحلو
حنين : بعدت ايدي وبتسمت صباح الخير
جواد : صباح الورد ...
حنين : سحبني عليه باس راسي ... درت راسي اباوع خاف الحجيه مو جوده والله مفتشله منهه
جواد : هههههه طلعت لا تخافين شبيج مو صاحبج انه ترا
حنين : وتضحك هم فضحتنه كدامهه ... بتسم .
وغمض عيونه بالم كمت عن ايده .. متاذي موو
جواد : لا لا ماكو شي بس صيحيلي وليد
حنين : خلي اني اساعدك
جواد : لا ثكيل عليج وانتي حامل صيحي
حنين: ماشي كمت بسرعه اريد اطلع صاح بيه
جواد : هووب هووب وين طالعه هيج
حنين : باوعت النفسي 🤦♀️ ...شلون اطلع هسه
جواد : لبسي شي من امي وخلي شيله عله راسج
حنين : هزيت راسي لبست من ملابس الحجيه غركت بيهه ولفيت شيله اخرب ضحك باوعتله يضحك علي
جواد : ههههههه شلون حجيه تخبل اويلي ههههه
حنين : باوعتله بغيض وضربت رجلي بالارض جكد عيب اذا احد شافني هيج دخلت الحجيه شافتني كتمه ضحكتهه .... حتى انتي حجيه .
ام جواد : ههههه لايكاتلج يمه طلعي ما احد برا
جواد : حجيه صيحي الوليد خل يغيرلي عله الجرح وسويلهه طريق تصعد وخلي اهلهه يلزموهه عيب تسحب علي باليل واني رجال مريض
حنين : فتحت عيوني عله وسعهه غمزلي كاتم ضحكته والحجيه تضحك غندبت عليه بسيطه اني اتسحب عليك موو صعدت بسرعه قبل لا احد يشوفني سبحت وبدلت عل سريع وكفت كدام المرايه امشط بتسمت من شفت الاثار البركبتي يالله شلون فشله كدام الحجيه بعد والا اتقرب منه كدامهم .... نزلت فتت من كدام الغرفه سمعت صوته المتألم من الوجع جاي يغير الضماد احس كلبي كام يوجعني ردت افوت قافلينه بقيت واكفه امكاني شوي ونفتح الباب صار كدامي بتسم وهز راسه بالم يطمني جهزتله الريوك واخذته جنى هي توكله بيدهه وما تقبل احد يهتم باكله غيرهه صاحتني الحجيه للصاله علمود اليريوك مكانه خالي كاعدين هدوء شوي وصار صوت دخلت ورد تبجي وتشهك وزوجهه وراهه حالتهه حاله هيه جانت مسافرا وما تعرف بالصار شوي ودخلت وراهه مريه يجي عمرهه بالاربعين اولد شاب وبنيه عرفت بعدين هاي اخته ام منار حتى بدون سلام دخلن يم جواد وامهن وهوا يهديهن انو مابي شي وعدت سلامات خاصه ورد خطيه فرفتحت عليه وبالكوا هدئت بعدين تسالمو اني واكفه بالباب نتبهلي جواد اشرلي تقربت يمه بتردد كامت بوجهي ورد سلمت علي ومبينه منحرجه بتسمت بوجهه اجاني صوت اختهم الثانيه
أنت تقرأ
الحنين الصامت
Storie d'amoreمشهد متكي عله الكرسي ويباوعلي بس رفعت راسي غمزلي وكام وكفت عيوني بالطول وكلبي رجف من الخوف بعد ما رفعت راسي بعد وهوا كام ويه العمال يجيك الادويه وكل شويه عصب ورزله واحد واني افز من صوته تكول اسد يزئر هوا ينتبه الي شلون افز يبتسم بتسامه جانبيه
