الحنين الصامت

البارت الواحد والعشرين

صباح الخير ❤

الكاتبه WhiteRose557

كون اشوفك
طفت عافيتي #تعال
خاف #اودع وانته ماگو
وموتي يطلع مو #حلال

.....

احس نفسي بكابوس بس ما اكدر اصحه منه نزلت اتكا اريد اعرف شبي عيوني ما اشوف بيهه من الدموع احس روعي نزف مو عيوني كعدت كدام الحجيه لزمت ايدهه اريده تحجي تكلي شبي جواد حضنتني وتبجي تخبلت نفضت اديهه اهز براسي مرعوبه دخل وليد زعك لان البيت كله يصرخ وينوح

وليد : كاااااااافي لا تفاولون عليه ادعوله بدلللل هاذ النحيب

حنين : احس الهوا رجع الريتي يعني عايش ي عايش كامت ليه الحجيه بلهفه

ام جواد : يمه وليد بروح ابوك برد كلبي صدك عايش يمه جواد يمه منين اجتك هاااي يمه

وليد : حجيه كولي يالله صغطج راح يعلك وروح ابوي عايش وهسه بالعمليات واني جيت اخذ المستمسكات مالاته عمي قوي وراح يطلع منهه نشالله انتي بس دعيله شوفي البنات اصاير بيهن من شافنج منهاره

حنين : اجه كعد كبالي لزمت ايده شكله ما يتفسر واجهه محتقن اصفر يعني خالته خطرا اريد احجي ما اكدر كوا طلعت الكلمه كتله ... شبي شنو صار وياا

وليد : متعرضيله بالطريق ورامين عليه اعتقد شي يتعلق بشغله وهسه بالعمليات دعيله خاله يتميه ودعوتج مستجابه

حنين : صبت دموعي يعني بسببي هوا بهاي الحاله اني دعيت عليه بس والله مو من كلبي مستحيل اتمنى واحد ينضر بسببي مو عاد جلال صعدت فوك وبقت الطم واضرب بنفسي كله بسببي اي اني السبب دعيت اعليه الله ياخذني نشالله ولا يصير بي شي كرهت نفسي وانانيتي وياا بالكوا سحلت نفسي كمت توضيت وفرشت المصلايه وصليت واني اتوسل برب العالمين انو يكومه بالسلامه ولايسمع دعائي والله جان بالحضه عصبيه ومو من كلبي لازمه القران وروحي لايبه عليه ما اتخيل حتى شنو راح يصير بيه اذا صارله شي لاا لاا راح يكوم هوا قوي وعنيد ما يستسلم بسهوله اذن الفجر وماكو خبر حضنت رجلي ودفنت راسي بيهه وغمضت عيوني اتذكر كلامه وتصرفاته كلبي يتكطع ...ارجع جواد فدوا ارجع ما اعرف جكد حسيت ايد تخلت عله كتفي رفعت راسي بلهفه ....جواد ... باوعتلي الحجيه بعطف دنكت لمتني الحضنهه كتلهه بهمس وكوا صوتي يطلع خايفه من السوال ...شلون صار طلع

ام جواد : الحمدالله ي اتصل وليد طلعو من العمليات وعمليته ناحجه واضعه مستقر

حنين : تنفست براحه الحمدالله ياربي الحمدالله ادري بي قوي وراح يرجع حس روحي ردتلي ورجعت اتنفس

ادم جواد : كومي بنيتي اتمددي مايصيرلج هاي الكعده ونتي حامل الله ستجابلج ونشالله يرجعه النه سالم يارب