ناديتني سيدي (teary)(V)
البارت 3 ✔
سوسن جان عدهه سرطان بالدم بدت حالتها اتسوء ومرت سنتين ونامت بيهن سوسن بالفراش ورنا اداريها اتشيل وتحط وحتى،جانت اتلبسهه حفاظات لان مجانت تكدر تقضي حاجتهه ..
رنا خلصت الخامس اعدادي ...
خالتي دزت ناس وانطتهم عنوان عمي .وعمي فرح بنت اخوه وخطيه هو ميخلف وكال هاي اخليهه بعيوني ..واجه عمي البيتنا وشافني خطيه حاظني ويبجي ممصدك ايشوف بنت اخوه ..بعد ١٧سنه
عمو راد ياخذني بس من شاف وظعية خالتي ..بقاني يمهه واني اصلن مستحيل اعوفهه الخالتي ..اشلون انسى رباهه الي ..ع القليل اوفي الدين اللي عليه الها..
عمو انطاني ارقام تلفوناته الارضيه طبعا.. اي شي تحتاجين اني موجود ..ويمته ماتردين تجين يمي خابري عليه واني اجي عليج.. وانطاني مصرف بالكوه اخذته منه ..
بقيت فترة اداري بخالتي ..وهي طريحة الفراش كولشي متحرك بجسمهه ..ومن النوم خطيه طلعن عدهه تقرحات ظليت كل ساعه ابدل نومتهه واقلبها ع الصفحه الثانيه اتعلمت اظرب ابر ..وابدل الكانوله واشد المغذي ..صرت خبره بهيج مجال ..
خالتي كلش كلش تعبت دخلناهه مستشفي .. ورحنا اني وام سرمد وراهه ..
خالتي وصت ام سرمد بييه ..وظلت تبجي ..وكالت ديري بالج ع روحج ..البنيه تاجهه شرفهه حافظي ع نفسج وهذا البيت اني سويت تنازل بيه الج ..
اذا ماارتاحيتي ابيت عمج تعالي كعدي ابيتج وعيش بالايجارات مالته ..ودراستج لتعوفيهه امج جان حلمها اتشوفج خريجه ..وخالتي فقدت الوعي والدكاتره التمو عليها ..ولحظات فارقت الحياه..
ظليت اصرخ والطم وادك ولج خاله ليش عفتيني منو الي بعدج جنتي الي اكثر من امي ..ربي فدوه لاسمك اهلي كلهم گظو ..ماظلي احد..
اخذتني خاله ام سرمد سوينه استخلاف بسيط ..وبعد الفاتحه اجه عمو كامل عليه واخذني البيته..
مرت عمو طيبه وحبابه ..جانت كولش مداريتني وتنقهر من اتشوفني ابجي..
اللي عرفته انو هي راح اتسافر للخارج.. وعمو واني انسافر وراهه البلجيكا ..عن طريق الاردن
كامل عمو راح اخليج اتكملين مدرستج اذا كمل اللجوء نطلع ..
رنا عمو ليش انسافر خلينا نبقى اهناا
كامل.. عمو الحكومه مراح اتعوفنه
رنا ليش عمو شمسوين الهم ..
كامل عمو هذا ثار قديم ابوج همين مجان مسوي شي وعدموه ..وابن عمي ياسر همين نفس التهمه ..
سافرت مرت عمي وبعدهه باسبوع واني نايمه دخلو علينا المخابرات العراقيه واخذونه..
هسه نرجع وياكم بتسلسل الاحداث ..توجهنا بالسياره للمقر ..نزلو عمي دفر من السياره سوده عليه وكع بالارض واخذوه ظرب ..عزلونه بغرفتين ..هو بغرفة التحقيق واني بالغرفه الثانيه.. وابجي.. طبعا بعدني مغطيه وجهي.. ولافه روحي بالعبايه..
دخلوو مجموعه اتصور ظباط،..يباوعون عليه هاي منو الفارس الملثم ..لو شبح الليل ..هاي ليش هيج لابسه واحد منهم كاله هذولي حزبهم يختلف عن حزب البعث العربي الاشتراكي ..فهيج يكون لبسهم ..
خلي ايخلص نقيب حمزه من التحقيق وياج ..واخليج اتعلبين ع جسمي لعب.. هههههههه مو بس جسمي الكل تفترين علينا واحد واحد.. بس طبعا جماعه اني الاول..
ضحكو كلهم وكل واحد يريد يكسرني الاول. ..
خلص التحقيق وي عمي واجه واحد اخذني الغرفة التحقيق اللي هي يم نقيب حمزه ..
دخلت الغرفه التحقيق اكو اثار دم الظاهر ظاربين عمو كامل حتى يعترف. اني شفت حبل معلق فوق ..واني جمدت بمكاني .نقيب حمزه ممبين مااكدر افرز معانيه
لان مغطيه وجهي بس جان اكو كاتب بصفه
سالني اسمج وسنج وعنوانج والكاتب يكتب
جاوبته بصوت ناعم وبيه رجفه منه ومن الحبل المعلق ومن الجماعه المنتظريني بره..
اسمي رنا علي رجب
عمري ١٧سنه
وعنواني الحالي بيت عمو كامل
حمزه…. بالاول شنو هاي اللي حاطتهه ع وجهج ..شيليهه بطلو شرفيات براسي.. لا والله اعلقج فلقه مثل عمج..
رنا بقت تبجي.. مااكدر اشيلهه
حمزه لازم بيده قلم ويظرب بيه ع المكتب
شوفي اني تعبان كولش وناوي اطلع ارتاح بعد التحقيق ..اتشيلين الغطاء اللي عن وجهج والا…
رنا بادرت راح اشيله بس فدوه خلي هذا الرجال يطلع
حمزه خرب من الضحك هههههههه شنو
رنا فدوه سيدي خليه يطلع من الغرفه او يوكف يم الباب واني ارفعه للغطاء
حمزه كال للكاتب اطلع بره ياصبر ايوب اريد اشوف الزبده وين راح توصل وي هاي البنيه
الكاتب سيدي اخاف عدهه شي او اتريد اتسويلك شي
حمزه.. هذا السلاح المن اريده افرغه كله براسهه وانعل والده والديها..
رنا والله مااسوي شي بس ماريد احد يشوفني غيرك
طلع الكاتب..
حمزه يالله رفعي خل اشوف ﭼهرتچ..
رنا رفعت الغطاء وحمزه جمد بمكانه ..صارت عنده مثل الصدمه الكهربائيه ..ظل صافن ..بينه وبين نفسه حقهه متراوي شكلها لاحد..
حبايب كلبي فدوة الكم اريد تصويت(mwah)(mwah)
حتى انزللكم القصه البقيه
(happy)
