ناديتني سيدي (teary)(heart)
البارت 5 ✔
رنا بأي وقت اكدر ارجع البيتي ..ارجع مراح تمنعني.. مثلما ما تحبين اقامتج يمنا مؤقته اللي يعجبج سويه
رنا ساكته… .كمل حمزه كلامه
يالله نزلي الغطاء ع وجهج وخل نطلع .
طلعنا اني وحمزه.. اخذني بالسياره البيته البيت تصميمه حلو وبسيط.. نزلت اول مدخلت الحديقه انغمت ﮔلبي . ..اوراق الاشجار صايره تلال بالارض والعلاليك والطابوك.. صايره مزبله عالميه..
فات حمزه جوه وره ربع سَـآعــهْْ دخلني للبيت..
صاح حمزه بصوت عالي ..رنا
ركضت نعم سيدي .
حمزه تعالي اتفظلي ..دخلت للبيت ماعجبني ابد عباره عن مزبله… المواعين واصلات للسقف الا اشويه والزبل بكل مكان والجو مغبر ..البيت متروك شي كم سنه العنكبوت مالي الحياطين والزواياا ..
اللي يشوف حمزه وترتيبه مايصدك كاعد بهاي الزباله
اخذني حمزه ودخلني بغرفة بيهه مره جبيره بالعمر بس شكلها حبابه ..بعكس ابنها ..
ام حمزه اتفظلي ابنيتي..
رنا مرحبا خاله ..دنكت ع ايدهه وبستهه
ام حمزه مسحت ع راسي هلا بيج يمه انتي منين ..
اني اصلي من الجنوب بس اتربيت بالشمال يم بيت
رنا… جدي اهل امي وبعد وفاتهم اجيت يم عمو.. ونزلت ادموعي..
ام حمزه لاتبجين يابنيتي انتي الله كتبلج عمر جديد لان مو بالساهل احد يدخل مديريه الاستخبارات ويطلع بسهوله حمزه لو مامسنود من خاله ماجازف وطلعج ولان اني همين محتاجه احد يداريني ..ابني ضرب عصفورين بحجر ..ابقي هسه يمنه هاي الفتره علما تبرد السالفه رجعي.. البيتج ..
رنا ..اني اشكرج خاله لان رحبتي بييه ابيتج وان شالله اكون عند حسن ظنج..
حمزه يوووم اني من امس منايم ..راح اصعد غرفتي اي شي تحتاجين صيحي وتلكيني يمج.. رنا تعالي اشويه عندي موظوع وياج..
بصراحه اني جايبج علمود امي حطيهه بوسط،عينج اهتمي بكلشي خاص بيهه ..شايفه هذا البيت وزبالته عوفيه مالج علاقه بيه المره اللي اتنظف دايما النه اتوفى زوجهه وهي عدهه حداد.. فتره وترجع ..
وماعندي ثقه احط خدامه غيرهه..
رنا حمزه يحجي واني سكته… منطقت كلمه
حمزه هَـ (⊙﹏⊙) ــاآ شنو جوابج
رنا حاضر سيدي مثلما تريد..
دخلت ع ام حمزه يمه نزعي العبايه مالتج.. رنا مستحيه لا خاله مرتاحه هيج
ام حمزه اشلون يمه تبقين بعباتج مايصير
رنا خاله بدون زحمه اريد ثوب البس لان اخذوني بدشداشه النوم ..
ام حمزه يمه فتحي الكنتور واخذي وباجر ادزلج احد يجيبلج ملابس.. اخذت دشداشه عريضه.. ام حمزه مو قياسي بس احسن عريضه ماريد جسمي يبرز..
رنا.. ماعجبني اكعد ع الوصخ اخذت المكناسه ونظفت البيت غسلت المواعين ورتبتهن سعفت الحيطان مسحت كاونتر المطبخ الملبد بالغيوم نظفت المطبخ والطباخ والثلاجه.. غسلت البيت كوله والحمامات ..صار المغرب ماكدرت اكمل ..الحجيه جانت نايمه ..صاحت عليه…يمه رنا اني جوعانه
..فتحت الثلاجه لكيت اكو لحم مثروم وشفت بالكاونتر اكو معكرونه سويتلها معكرونه ومقبلات ..وجبت الصينيه وخليتهه كدامها..
ام حمزه خاله اخذيني خل اغسل وجهي ..واروح للحمام..
اخذتها وظليت امشي وياهه اشويه اشويه من دخلت للصاله ظلت فاتحه حلكهه ومتعجبه ع نظافة البيت
ام حمزه عاشت ايدج يمه هذا البيت جان مهجور ماكو احد ابحاله…
رنا ايدج العايشه خاله..
