ناديتني سيدي (teary)(heart)
البارت 6 ✔
اشويه ونزل حمزه ع الدرج ..نزل ورجع صعد بعدين رجع نزل رنا ابتسمت…
حمزه هذا بيتنا لو مو بيتنااا ..وهمين اشتم ريحة طبخ.. اويلي مليت من اكل المطاعم..
كعد حمزه ياكل واجت ام حمزه تاكل وياه.. صاحتلي خاله ام حمزه تعالي يمه رنا اكلي ويانه
رنا لا شكرا خاله اكلت قبلكم ..طبعا جذب اني مماكله وميته جوووع بس مستحيل اكعد يم حمزه واكل دخلت المطبخ لكيت حروف خبز اخذتهن وظليت امسح بالطاوه مالت المعكرونه الفارغه واكل واني واكفه.. المهم سديت جوعتي..
خلصو عشاا اخذت المواعين وحطيتهم ع السنك واخذت طشت وماي وصابونه ومنشف ورحت االخاله ام حمزه..
رنا يالله خاله راح اصبلج ماي وانتي غسلي ايديج
حمزه ظليت صافن امي بعمرهه محد باراهه حتى المره اللي اخذتها بنت عمي جانت قمه بالحقاره وي امي وتكرهه موووت ..يمكن ربي دز هاي البنت رحمه لامي
من راحت رنا..
الام.. يمه حمزه هاي البنيه شكلها بنت اوادم ومربايه
حمزه يمه انتي شنو شفتي منها اليوم اول يوم الها
لاتغرج المظاهر من هالاشكال حملنا اجمال والنسوان كلهن بالبدايه زينات بعدين يظلن يلوفن بذيلهن..
الام يمه گلبي انفتح الها فتح.. وانا احساس،گلبي ميكذب ..زوجتك اول مشفتهه كش گلبي منها وطلعت صدك ملعبه… .واستغلتنا علمود موظوع الخلفه وكلساع تذكرني بعقمك.. وادكلي مو زين متحملتج ومتحمله ابنج العقيم..
حمزه يوووم فدوه اروحلج لتجيبين طاريهه خليني ناسي..
الام ..يعني لشوكت تبقى زعلانه يم اهلها صارلها هسه 7 اشهر لا حس ولا خبر
حمزه يمه اني مرتاح صخره وانزاحت عن ظهر الاسلام
الام طلكها اتولي ..
حمزه اخوهه ياسر صديقي ويكلي اصبر عليهه اشويه
الام انت متحجي وياهم لان عقيم ..واتخاف اتعوفك ومحد ترضى تاخذك بعد
حمزه يوووم انا طالع ..الله وياج
الام بسرعه تزعل مني متتحمل احجي ع المدام
حمزه يمه المدام واهلها يرحون الج فدوه ..
الام حست براحه اشويه… روح يمه الله وياك وربي ينصرك عليها ان شالله..
حمزه… هههههههه ان شالله يمه منصور بيج وبحنانج وعطفج عليه..
طلع حمزه ودخل للمطبخ شاف رنا ..
حمزه ..رنا…
رنا نعم سيدي
حمزه اني طالع محتاجه شي
رنا لا شكرا… بس
حمزه بس شنو
رنا اريد ملابسي من بيت عمو كامل ..وعندي اكلاده هديه من امي ..بيوم الحادث بقت اهناك
حمزه.. رنا بيت عمج صادرته الدوله ..هو واللي بيه
رنا نزلت راسهه ونزلت دموعهه..
حمزه الملابس مو ظروريه باجر اشتريلج غيرهن بس الكلاده وين مخليتهه راح ادز احد ثقه اريد المكان بالظبط..
رنا… بالمجر اللي يم السرير ..وبلكي ايجيب ملابسي همين اني ماريد اكلف عليك..
حمزه ..لا بالعكس ماكو كلفه .بس حسب مقدره الولد.. اذا يكدر يجيب الملابس ماكو مشكل ..
رنا رحم الله والديك سيدي..
بعد يومين دخل حمزه وجايب بيده كلاده ازغيره رنا كلش فرحت بيهه الذكرى الوحيده اللي باقيتلها من امهه ..وهمين جايب وياه جنطه ملابس بس مو كلهن الظاهر اللي كدامه بس ..وهمين نعمه ع الاقل صارت عدهه كم دشداشه..
توالت الايام رنا ثبتت وجودهه ابيت حمزه البيت صار عباره عن قطعه فنيه.. زاد اعجاب حمزه بيهه وبشخصيتهه وادبها واخلاقهه والحجاب اللي متنزعه ..
حمزه كان دوامه يوم خفر ويومين مجاز ..فد مره راح للدوام عنده خفاره ..رنا سبحت ولبست اتراك برموده ومشطت شعرهه شافتهه ام حمزه.. عيني بارده عليج يمه اتخبلين بدون حجاب طلعتي دافنه روحج بالحياه
رناا هههههههه اشكرج خاله.. رنا كعدت يم ام حمزه وتظفر بگصيبتهه…..يتبع
