ناديتني سيدي (shy)
البارت 16 ✔
ظحك حمزه وحظنهه يابعد روحي واني مابطلت تفكير بيج اتصوري حاولت اتقرب الها وماكدرت..
رنا ضحكت بفرح وسألته. صحيح حمزه
حمزه.. باس زوجته ع شعرهه صحيح ياروح حمزه وعمر حمزه الراح والجاي ..
رنا وهسه اشلون
حمزه وهسه نزعي ..لان بعدما اتحمل
حمزه يحجي وياهه ونزع اتراكه ..وهاجت عنده المشاعر والاحاسيس كولها.. ..وووووووو……..
بعدين بدل وصعد فوووك..
رنا نامت فرحانه لان راحة حمزه بس يمهه ولان حمزه مشتاقلها مثلما هي مشتاقتله.. حظنت المخده وكالت حبيبي حمزاوي الله لايحرمني منك..
بمرور الايام عاش حمزه بين الاثنين رنا بالخطفات وبحجه يزور امه ..ورجاء ..يومين يمهه ويومين بالدوام.. يتسوك اهنا ويتسوك اهناك ..
رجاء هي هي مشاكل ولسان طويل والبيت بالكوه اتنظفه..
ورنا البيت النظيف والهدوء والجمال والكمال.. حمزه يبقى يمها ساعه يحس براحه ..ورجاء ابد ممهتمتله حتى المعاشره وياهه صارت بالكوه ..ودايما من يمارس وياهه يتخيل رنا.. يالله يكدر يكمل وياهه..
مرت ثلاث اشهر ع الزواج ..
رنا اتغيرت ذبلت وضعفت وبده يصير عدهه لعبان نفس
ودوخه.. حمزه انتبه الحالتهه بينه وبين نفسه حسباله رنا اتغار وتظم بگلبهه.. وهذا سبب تغييرهه..
رجاء ظاجت.. من الحياه اللي اهناا ..وحبت ترجع يم اهلها كم يوم ..طبعا حمزه فرح بالموضوع.. اتفقو ياخذه لاهلها وويبقيهه ويرجع..
حمزه اخذ زوجته واهناك التقى بصديق عمره ياسر اخوهه الرجاء وهمين ابن عمه.. واخذولهم يومين طلعات وونسه ومطاعم ..
حمزه مشكور ياسر عن جد اتونست وغيرت جو
ياسر شالقصه ابن عمي اني بالخدمه اشوكت متضوج تعال غير جو كم يوم وارجع وباجر عازمك ع مسرحيه اتخبل..
حمزه لا ياسر اليوم راح اطلع بالليل حتى باجر الصبح اوصل ..لان عندي دوام
ياسر مو حلوه منك ابن عمي
حمزه ان شالله ع الجايات..
حمزه رجع دخل للبيت لگاهم نايمين دخل للحمام سبح وطلع ورنا نايمه ..هاي اول اسافر وارجع وافوت للبيت ورنا متستقبلني .
نمت بصفهه ..وهمستلها ..رناوي ..حبي انتبهت رنا
هلاو بيك حمزه حمدلله ع سلامتك اشوكت اجيت
حمزه هههههههه صارلي سَـآعــهْْ
رنا راحت عليه نومه خل اكوم احظر ريوك الك والخالتي..
حمزه اوكفي.. لا ترحين مشتاقلج وربي
رنا خل نتريك وبعدين ..نلتقي
حمزه بده يراقب زوجته
حمزه ..رنا اشو مااحسج طبيعيه.. بيج شي
رنا حمزه كلش متخربطه اموري قطعت الاكل والشرب واتمنى بس انام والزم المخده..
حمزه يمكن عندج ظعف
رنا يمكن ..
حمزه حظري روحج العصر اخذج للطبيب
رنا لا ميحتاج
حمزه اشلون ميحتاج حبي ..اصلن اني ع بالي هالموضوع بس وجود رجاء عطلني ..ماجنت اريدهه اتشوفنه سوا وهسه رجاء يم اهلها..
صار العصر حمزه اخذ زوجته للطبيبه.. حجزلها وبقو ينتظرون بره..
حمزه احس بيج تعبانه كولش
رنا حمزه ريحة العياده مو طيبه ..
حمزه رنا اشبيج مابيهه ريحه
رنا لا حمزه والله دا اشم ريحه قويه
حمزه خل نطلع اشويه بالهوا.. علما يصيحون بأسمج
اشويه وصاحو بأسمهه ودخلت ع الدكتوره…
الدكتوره سوتلها تحاليل دم وادرار.. وطلعت النتيجه رنا حامل.. بالشهر الثالث
رنا ماصدكت وفرحت بشكل.. قررت مدكول الحمزه هسه بالعياده.. هيج خبر لازم بالبيت ويم خالتي حتى تصير الفرحه جماعيه..
وصلت رناا للبيت وهي طايره من الفرح.. لزمت خاله وباستهه.. فات حمزه
حمزه رنا اشبيج..
رنا حمزاوي حبيبي اتحقق حلمي وحلمك
حمزه رنا احجي شتقصدين
رنا صرخت بصوت عالي حمزه اني حاااااامممممل
بالشهر الثالث..
حمزه ظل صافن وصاح بيهه كافي شقا ..
رنا والله والله مجاي اتشاقه والله والله احجي الصدك وهاي تحاليلي..
حمزه انگلب وجهه.. رنا منين حامل
رنا ضحكت منك حبيبي هذا اللي ابطني الك
حمزه بس اني عقيم ونسبتي صفر
رنا حمزه تحليلك غلط انا حامل
حمزه سحب رنا من ايدهه وراح الغرفه امه وطلع الها اوراق وتقارير..
حمزه شوفي هذا التقرير من الاردن النسبه صفر
وهذا التقرير من سوريا
وهاي اربع تقارير من بغداد
وهاي تقريرين من البصره.. كلها غلط وانتي صح
