ناديتني سيدي (teary)(heart)
البارت 20 ✔
قدمت رنا خارجي ..ونجحت ..واخذت شهادة السادس
وصار عمر علاوي ثلاث سنوات ..معدلها جان عالي كولش بس بسبب ابوهه وتهمته السياسيه دخلت جامعه اقل من معدلها بهواي..
بقت سنه اداوم ..تروح وترجع وهمين عينهه ع ابنهه صار عمره اربع سنوات ..دخلته بحظانه قريبه من الجامعه ويرحون ويرجعون سوه..
بعدما خلص انتقام حمزه من ابن عمه..
خابرت رجاء..
حمزه.. نعم رجاء
رجاء ليش مااجيت الفاتحه ابن عمك
حمزه هههههههه ضحكتيني ابن عمي.. كلب ومات واللي يجي من ايده الله يزيده..
رجاء ظلت بصدمه.. يعني انت شمتان بموت ياسر
حمزه اشلون مات بالله..
رجاء حادث سياره
حمزه استغفر الله متستاهل السياره اللي اندعمت
رجاء اكيد هسه انت سكران.. حسابي وياك بعدين ياعقيم.. وسدت التلفون
حمزه رجع السماعه.. وضحك بعدهه رجاء مصره ع الكذب والمشكله مااكدر اواجهه ..لان ماريد احد يعرف بشغله رنا..
بقى حمزه يدور ع رناا سنه كامله خله بكل محافظه احد من اصدقائه يدور عليها ..
حمزه عبالك رنا فص ملح وذاب.. وبيوم راح البغداد وهناك عزم صديقه ارشد.. بكعدة شرب ..وارشد حس بيه ظايج
حمزه انشلع گلبي ارشد ..ماعرف وين راحت
سالت عليها بكل المحافظات..
ارشد بالفتره اللي عاشت بيهه وياك ماجنت تعرف الها احد او اقارب بغير محافظه
حمزه جانت تحجي ع بيت جدهه بالشمال
ارشد وين بالشمال
حمزه علما اعتقد بنينوى
ارشد.. انطيني اسمهه الكامل وخل اشوف..
حمزه اسمهه رنا علي رجب.. واعتقد عمرهه ٢٢سنه
ارشد بس اصبرلي كم يوم
حمزه والله مليت من الوعود ..
ارشد انا وعدي يختلف ..بس اصبر اشويه
حمزه هو انا اشعندي غير الصبر.. ونزل راسه
ارشد هيجي اتحبهه
حمزه ماعرفت الحب الا وياهه.. اشتاقيتلها اهواي اشلون عاشت هاي السنين وهي وحيده اشلون دبرت وضعيتهه بهذا الحصار.. ارشد اني نذل وساقط وجبان ..اني اللي عفتهه ..ونزلت ادموع حمزه
ارشد كافي حمزه ..الشرب اثر عليك وخلاك تتوتر..
مرت كم شهر بعد لقاء حمزه وارشد..
حمزه اترقى وصار رائد بالمخابرات.. بس ابد مافرحان بالمنصب الجديد.. اصلن ماكو اي شي بحياته يفرح ..
رجع حمزه للبيت ومثل كل مره اخذ دشداشه من ملابس رنا واحتظنهه.. دخلت عليه ..
الام اشلون يمه تبقى هيج شوف حالك وشوف وضعك عمرك دخل بالاربعين ..انساهه الرنا ..
حمزه يمه اشلون انساهه واني ظلمتهه بيدي
الام يووووم انت متدري بخطط رجاء واخوهه. انت همين ضحيه
حمزه ماخليت مكان ماسالت عنها ..حتي مكانات الدعاره.. كلت يجوز الحاجه ذبتهه ع هالطريق
الام يمه اشلون تحجي هيج مرتك شريفه وتاج ع الراس..
حمزه ..حظنيني حجيه ..وبقى يبجي بحظن امه بصمت يووووم تتوقعين شنو جان ابطنها ولد لو ابنيه
لو يمكن سقطت الطفل لان اني ابوه..
الام تبجي يمه كافي راح اتموت من التفكير ..
اشويه ..وارشد سمع صوت التلفون ..راح بالگوه واخذ السماعه الوو
ارشد الووو حمزه هاي شبيك معرفتني اني ارشد
حمزه اهلا ارشد حياك الله حبيبي
ارشد اريد البشاره
حمزه گلبه كوله انفتح… ارشد روحي الك بس انطيني البشاره.. لگيتهه
ارشد مو عيب ارشد يصعب عليه شي
حمزه باجر اني يمك جاي البغداد..
ركض حمزه الامه يوووم اندعيلي فدوه
الام الله يبرد نار گلبك يايمه..
