ظلام الشمس | مكتملة

تقديييم

^^ظلام الشمس^^
#Twéé shàà
""""مقدمة

الحياة!!....الكلمة لي كنسمع فاليوم الف مرة وعمري عشتهاا ولو مرة،،،،معرفتش اول لحظة لياا فيها ديالمن اول يد شداتني؟؟!.. واش حضنتني او ضماتني ليها بحنان،،،ولا لمسات تقاسيم وجهي البريئة وتوعدات ليا بالتعاسة والوحدة وعدم الانتماء لاي شخص فهاد الكون...
سديت عينياا لي اصلا مكيشوفو والو وسط هاد الظلام ورجعت بذاكرتي للماضي ديالي لي ماكاينش فرق بينو وبين حاضري ومستقبلي اكيد...عقلي ماواقفش من التفكير،، لحظات كثييرة كتجي بين عنيااا.. وضجيج طغا على مسامعي، صور طفلة بريئة كتتعرض للضرب والاهانة.. اصوات كتنهرني.. وتعاتبني واصابع كتنعت فياا باللقيطة،المنبوذة،ماعندهاش اصل....

حليت عينياا لي عامريين دموع وعليتهم مع شجر كثييف وطويييل،،ظلام مخيم على المكان.. صوت ريح خفيف داز على ودنياا خديت دقيقة باش نستوعب فين اناا!!معرفتش شحال تمشيت واشمن طريق شديت ولكن لي متأكدة منو انا فغابة وربي وحده لي معاياا،،كلست نسمع دقات قلبي لي كتضرب بقوة من شدة الخوف...
"ولكن علاش انخاف ومن اش غادي نخاف؟؟انا لي عشت 20 سنة بوحدي... شنو الفرق بين ظلام والنور!بين غابة او وسط المدينة!"..

رجع عقلي ينهامك فالتفكير ودازت صورته بين عينياا ابتسامة مكسورة تجلات على ملامحي وسط دموع كثيرة وجرح عمييق عمق البحر سبابو هو،،رجع الحزن يعصف بقلبي حطيت ايدي عليه نهدن نبضاته وشعور قااتل نهش جوارحي وعصر روحي حسيت بالخنقة واكسجين هاد الغابة باكمله ماكافينييش،،
رجعت نلووم الدنياا الحياة القدر لي مانصفونيش،،نهار لي جازاوني بفرحة ماكملاتش، فرحة مزيفة دمراتني كلياا وقتلت الحاجة الوحيدة لي كانت عندي وهي الاحلام،،،هزيت راسي للسما وغصة فحلقي بحال الشوك تمنيت هاد الدقات يوقفو او يريحوني من عذااب كيقطع فروحي،تسالي حياتي لي اصلا ماعشتهاش،، هنا وسط هاد الظلام فهاد المكان الخالي من اي كائن،،ارحم من ميتة متبوعة بشفقة الناس وحزن على حيااتها لي عاشتها لقيطة وحتى لي يدعي لها بالرحمة والمغفرة لاحها قبل ماتفتح عينيها على الدنياا💔