ظلام الشمس | مكتملة

11

^^ظلام الشمس^^

#Twéé shàà

مستلقية على الفوطوي فالجردة كنستمتع بخيوط الشمس الذهبية المزينة السماا... وكنسمع للموسيقى..الجو زوين وهاادئ...فجأة قاطع هاد السكون صوت قوي للفران سيارة وقفت وانا مخلوعة حتى كيبانلي فهد نزل من لوطو بسرعة وتوجه نحو الدار بلاما يسد الباب...يومين كاملة ماشفتوش وتاصل بيا غير مرة وحدة...طول الوقت وانا كنفكر فيه او موحشاه....عيطت ليه مرات ولكن ماسمعنيش وقررت نتبعه حيت حالتو ماعجباتنيش...
اناا::(تابعاه فدروج وكنعيط)فهد...فهد تسناا قولي مالك..

لا مجيب...توجه لبيتي فتحو وخبط فوجهي الباب بقوة حتى قفزت من بلاصتي...فتحته ودخلت لعنده لقيتو كيقلب فوق الكوافوز وكيخبط القراعي..
اناا::(شديت ف ايديه) فهد مالك؟؟! علاش كتقلب؟؟! قولي شنو واقع خلعتيني؟؟!
(بلاما يشوف جهتي نطر ايدي منه وتوجه للحمام..خليتو على خاطرو تسمرت مكاني حتى خرج هاز ف ايدو المشط ديالي...ستغربت اشنو بغا بيه..خرج من اابيت ونزل بسرعة جنونية...هزيت كاب طويل لحتو فوقي ونزلت تبعتو..)
اناا::(وقفت قدام باب اللوطو) فهد عفاك قولي مالك؟؟! وشنو بغيتي ديك المشطة؟؟
فهد::(زفر بعمق ساد عينيه) شمس حيدي من قداامي مامساليش دب
اناا::لا مغديش نحيد حتى تفهمني شنو واقع(بداو دموع كينزلو ليا)

فهد::(فتح عينييه..وركز شوفاته فياا...مد ايدو وخشا راسي فعنقو وحط شفيفو على ودنيا..)شووت ماتبكيش...يارب مايكونش لي فبالي صحيح(زير على شعري ولهيب انفاسه حرقني..)حيت غادي نمووت...
انا::(بإهتمام)شمن موت افهد؟!مفهمت والو!! واش مريض(قلبي خفق بخوف)بيك شي حاجة قوليا عفاك؟؟!
(بعد عليا منزل راسو كيحركو بلا)
انا::(بترجي)فهد عفااك غير گوليا...شوف هاني(كنمسح وجهي من دموع)مغديش نبكي غير گوليا مالك..
فهد::(شاف فيا بإنكسار)كنت كنقلب على شي حاجة تربطني بماضيك...كتاشفت بلي المراة لي حطاتني فالميتم عندها نفس اسم المرأة لي حطاتك فيه حتى انتي

انا::(شهقت بالصدمة...كنحرك راسي ب لا رافضة الفكرة تماما) لا لا مايمكنش...فهد ونتا مصدق هادشي...فهد شوف انا وياك بيناتنا 7 سنين...شوف لون عينياا شوف...شوف انا وياك مكنتشابهو فوالو
(شديت فتريكو ديالو كنزعزعو) فهد..واش نتا شاك بلي انا ممكن نكون ختك...لاااا(طلقت منو بإستسلام وطحت على ركابيا كنبكي بصوت عالي)لاااا....مايمكنش..مايمكنش تكون نتا خويا....
فهد::(نزل على ركابيه شادني من ايدي)شمس نوضي عفاك ماشي وقته خليني نمشي نتأكد..
انا::(رمقته بنظرة غضب ونترت ايدي منه)كيفاش كتهضر ببرود بحال هكاا..كيفاش عطاتك خاطرك تمشي تأكد من حاجة بحال هادي..
فهد::شمس واش انا بنت لك فرحان...فينما كتجي فبالي فكرة انك تكوني...(سد عينيه)تكوني نتي هي ختي...كنكره لاش جيت لهاد الدنيا وكتاب عليا مانعرفش اصلي من فصلي حتى نعيش وجع كيقطع فالروح ويقتل بالبارد بحال دب...
انا(شفت فيه بحنان وسيل من الدموع نازل من عينيا)ولك...ولكن مايمكنش نكونو خوت...الدنيا قسات عليا بزاف وتحملت منها بزاف بوحدي بلا سند ولا عائلة...مابغيتهومش دب مابغيتكش تكون خويا مابقيتش محتاجة لحاجة سميتها عائلة ولا خوت...(قربت منو) عفاك افهد نسا هادشي ماتقلب على والو...سافر ورجع بزربة باش نديرو عرسنا...
فهد::(شاف فيا بإستغراب)عرس!!! (بعدني من طريقه وفتح الباب) طلعي للدار انا غادي نمشي
تمشيت بسرعة للباب الثاني وطلعت...
انا::غادي نمشي معاك.