ظلام الشمس | مكتملة

22

^^ظلام الشمس^^

#Twééshàà

وقفنا فمكان هادئ وخاوي من الاشجار الفارعة والنباتات المشكلة على الارضية كيوحي انها غابة...
انا::غادي نبقاو هنا
فهد::(دار ايدو فجيبو وهز راسه ب اه)كاينين شي ديور قلال هنا... انا::(درت ايدي على خصري وشفت فيه مطلعة حاجبي)ونتا باش عرفتي؟؟!
فهد::فايت ليا جيت
انا::(شنقت عليه مخرجة عينيا)معامن جيتي ا السكايري؟!
فهد::ههههههه كالما جيت مع راسي...وزيدون راني مابقيتش سكايري عفا عليا الله
انا::(بعدت عليه خطوة وشفت فيه بإبتسامة)بصح؟! مابقيتيش غادي ترجع ليه!!
فهد::منقدرش نواعدك ولكن غادي ندير اكثر من جهدي
انا:::(تفكرت شي حاجة)فااااهد!!
فهد::بشوية يك لباس
انا::شنو درتي فداك الموضوع؟؟!
فهد::خرج
انا::(بفرحة)بصح!!! (هز راسه ب اه)وفينهو دب؟؟!
فهد::(هز كتافه بلامبالاة)خليت المحامي هو يتكلف بالسكنة ديالو..
انا::ماشفتيهش!!
فهد::لا...اصلا ماكنتش مسالي..ومغديش نشوفو..شهريتو غادي توصلو فالوقت...
انا::(شديت فدراعو)حبيبي..
فهد::(بإبتسامة)رووح حبيبك سدي هاد الموضوع..
انا::واخا ولكن عندي موضوع ثاني بغيت نهضر فيه معاك
فهد::تفضلي..
انا::(شديت بايديه)اجي نتمشاو ونهضرو
هز راسو ب اه..ضور ايديه على كتفي مقربني ليه اكثر كنتمشاو...
انا::احم فهد...
فهد:مممم
انا::واش تلاقيتي جهاد؟؟!
فهد::(وقف تقابل معايا وشاف فيا بنظرة خطفات اللون من وجهي) هاادي ثاني مرة كتسوليني هاد السؤال!! علاش مصرة تجبدي ليا داك بنادم؟؟!
انا::فهد علاش العصبية؟! انا غير سولت
فهد::(بغضب وصوت عاالي)حيييت سميتو كتصعرني!! راني مزال مانسيتش انك خالفتي كلامي وخليتيه يهضر معاك..
انا::(بخوف)ولكن..هو راه قالي بلي موضوع حياة او موت وبصح الموضوع كان يستاهل...واصلا كان معايا يوسف
فهد::(عنفني من دراعي وكيهضر تحت سنانه)انااا هو راجلك اشمس ماشي يوسف ولا غيرو انا لي خاصني نكون معاك ونحميك ماشي واحد اخر...(طلقني وعطاني بالضهر)ولكن غير بلاتي حتى نلقاه غادي نقطع ليه الرجلين لي جابوه لعندك..
انا::(جمعت ايدي عند صدري)هادشي لي هامك نتا؟؟! غير انه جا وهضر معايا؟؟! نسيتي بلي هو لي كشف ليا الحقيقة ولولاه عمري كنت نلقا عائلتي...علاش نتا اناني هكا؟؟!
فهد::(شاف فيا بصدمة)اناني؟؟! هه انا اناني اشمس؟!
انا::(شفت فيه بتحدي)اااه نتا اناني...هامك غير راسك وشعورك صافي...انا مايهمش نعرف واليديا ولا لا...واش كون ماجاش عندي وقالي الحقيقة كنتي غادي تفرح وتبقا مرتاح؟!
فهد::شمس نتي مافهمتيش قصدي...انا كنت باغي يهضر معايا انا اللول حيت انا راجلك ولي يخصك راه يخصني حتى انا...ولو دار هكا مكناش نطيحو فهادشي كامل...نتجنن وانا كنصوني ليك ومكتجاوبيش...تشدي طريق بوحدك وطيحي بالصدمة بسبب تأويل عقلك لي مامنو والو...تفقدي الوعي ودخلي لكلينيك وهادشي كامل وانا ماكاينش حداك...شمس انا ماشي اناني بالعكس كنبغيك اكثر من راسي والحاجة الخايبة والله العظيم وربي شاهد عليا كنبغيها تجي فيا وماتقيسكش...(تنهد)سمحيليا انا غير تجمع عليا كلشي وگلت اي كلام باش نفرغ...مرضك لي مكنتش عارفو هه واقرب صديق ليا فراسو كلشي..ماشي غير هو حتى سناء ويوسف لي عاد عرفتيه فراسو والاكثر من هادشي تافقتو انكم ديرو العملية بلا خباري... يجي عندك جهاد وتخرجي عندو تهضرو بلاما تعلميني ولا تشاوريني..تعرفي واليديك وتشدي عندهم طريق وانا مافراسي والو...شمس بربي شكون فينا لي اناني؟!