قصة رومانسية كتهضر على واحد البنت سميتها شمس مربية مع واحد المرا .. وداك المرا عندها ولدها جهاد كتبغيه شمس مشا لخارج ملي جا رجع مزوج بواحد الكاورية ... وتما شمس اتخرج من عندهم واتمشي تواجه الحياة لوحدها ... اشنو غادي يطرا ليها ؟ و واش غادي يحاول جها...
شهرين مروا علياا بغرفتي مغلفني الضياع،والحزن كيزحف فوق رقبتي كيخنقني ببطء،محتضنة جسدي بدراعي،لون الحياة مفارق وجهي الشاحب وذهني شارد وکأن شريط حياتي مافيه حتى حاجة سوى هاد المشهد،حاسة بإنهاك شديد او وجع قلبي كل دقيقة كيزيد يثور او يتمرد اكثرر وكأن آلامي الجسدية والنفسية فسباق شكون يقتلني اولا. تأكدت انه لا وجود لنور الشمس فحياتي المغلفة بالظلام القاتم،الكل كيبني سعادته على جدار تعاستي،ماغلطتش نهار قلت الحياة عمرها نصفاتني فكل مرة كنفتح ليها دراعي بأمل كتصدني بعنف وتصفعني بصدمة تحطمني لأشلاء ودوس علياا كأني النقطة السوداء المنبوذة ولازم تنحيني للهامش... رنة الهاتف كانت كفيلة تنتشلني من بحر الذكرياات او يبداا الوعي يحل محله ببطء،تحركت من سرير بخطوات ثقيلة،لمحت اسم سناء مسطر فوق شاشة تيليفون جاوبتها بفتور ولكن فاجئتني نبرة صوتها المترددة على غير العادة...
وبعد ما القت كلماتهاا المبعثرة المتقطعة على مسامعي طلقت تيليفون من ايدي يلقا مصيره فالارض،وكأن الزمن توقف بياا فهاد اللحظة،كنستوعب صدمة الخبر لي نقش بسكين فصدر احلامي وحطني على حافة الانهياار،سديت عينياا رافضة فكرة اني فكامل وعيي وهادشي لي سمعته مايكون سوى أضغاث احلام وبعد وقت من الزمن غادي نفيق،،،فتحت عينيااا وشهقت بألم وجملة وحدة كيتردد صدااها بمسامعي
"فهد تزوج...فهد تزوج جودياا..."
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
^^ظلام الشمس^^
#Twéé shàà
تبسمت بمرارة،وطحت بعنف فوق الفراش قلبي كيتعصر بالم واناا كنشوف احلامي كطير قدامي بحال ورق الاشجار هبت عليهم ريح قوية علاش طعنة الغدر كتجي غير من الناس القراب،يمكن لو يكونو بعاد طعنتهم تجي فمكان اقل الم ماشي فقلب كينبض بإسمهم .. مسحت دموعي وعطيت وعد لراسي لي حتى واحد ماقدر يوفي بوعده ليه....انعيش ليه وصافي...وهاد المرة انعاند الظروف والقدر وحتى هاد الحيااة لي ظالماني..انعااند باش نعيش كيف بغييت اناا..ولي ضيعني وسرق مني مستقبلي انبنييه على ظهره... ::::: لقيت اخر نظرة على الدار بعد مااجمعت اي حاجة كتخصني فيها، نزلت شديت طاكسي لمحطة القطار،معرفتش شمن وجهة انشد ولكن على الاقل نبداا بخطوة البعد....جبدت رقم سناء او دوزت الخط...
