ظلام الشمس | مكتملة

4

^^ظلام الشمس^^
#Twéé shàà

داز شهر وانا مع جودياا فالدار وكل نهار كنخرج نقلب على خدمة والو مكنلقاش،،عييت وحسيت البيبان كامل تسدات فوجهي وليت كنحشم من جودياا موفرة ليا.... المأوى والاكل وحتى اللباس...وزادت حتى حالتي النفسية دهورات كنتفكر سلطانة،،،جهاد ولي داروه فيا وشي مرات كيرجع الحنين ل جهاد القديم لي كان سند وضهر قبل مايهاجر...
فقت فصباح كيف العادة صليت وجدت الفطور وخرجت بكري واليوم كلي امل نلقاا خدمة..

3 سوايع وانا كندور من بلاصة لبلاصة بحالا حتى حتاجيت انا هاد الخدمة عاد نقارضات كلشي معكس لياا كلست تحت واحد الشجرة نستارح درت راسي بين ايدياا كنخمم فشنو اندير وفين انزيد نمشي،فهاد الشهر حفظت المدينة كاملة وحتى ناسها حفظوني من كثرة ما كندوز فالبلاصة الوحدة اكثر من 3 المرات فاليوم لانكون نسيت شي باب رزق مادقيتوش...فجأة كنحس بشي حاجة ماضية تحطات على عنقي ونفس شي حد كيضرب فوجهي

....بلا غوات حطي لي عندك
(فشلت وطلعات معاياا سخانة اش داني نجي لها البلاصة خاوية)

انا::شوف عفاك انعطيك كلشي خلي ليا غير وراقي محتاجاهم

....يلاه طلقي ولا نخسر لك وجهك

فتحت صاك نعطيه تيليفون والفلوس ونترو لياا من ايديي خواه كامل جبد لي بغاا ولاح صاك على وجهي وفلمحة بصر ختفى من قدامي بحالا ماكانش واقف حداياا،،رجعت كلست حاطة ايدي على قلبي وكنتنفس بالزربة مشالي تيليفون و500 درهم الامور ماشية وكتعكس معاياا وقفت بالزربة باش نخرج من هاد المكان لانصدق هاد المرة ضحية قتل ماشي سرقة،،
""وصلت لواحد الحي وااو باين ساكن هنا غير الناس الكلاس حتى المحالات تشهى توقف تشوف فيهم بسوايع بانلي واحد "magasin" رااقي وكبيير فيه شي 3 الطبقات كللو زاج معلق فيه لووچو
اسود"" El fäħD " قلت اندخل نجرب حظي ممكن يكونو طالبين شي حد يخدم عندهم.
دخلت بانت ليا واحد البنت لابسة طقم اسود انيق جيب قصيرة او شوميز بيضاء فوقها فيست سوداء مع كعب عالي اسود تقدمت عندها نسولها

السلام عليكم
جاوبتني بابتسامة
البنت::عليكم السلام مادموزيل شنو حب الخاطر
انا؛؛احم انا الصراحة ماجاياش نشري جيت نقلب على خدمة
البنت::همم معرفتش الصراحة المدير ولي هو مول الشي ماكاينش ولكن خلي ليا سيفي ديالك فاش ايجي نعطيه ليه
اناا::ولكن.ماعنديش سيفي اختي
البنت::واخا اجي معايا..
(تمشيت وراها حتى خرجناا برا)
البنت::همم شوفي اتمشي نيشاان تقريبا 1 كلمتر حتى تلقاي شارع قدامك اتقطعيه ويبانلك سيبير فالشوكة،دخلي وسولي على خالد قوليلو سيفطاتني عندك سناء راه ايقاد لك سيفي وجيبيه لياا
اناا::(تبسمت بامل)واخا اختي شكراا بزااف
البنت:العفو
مشيت طاايرة للسبير لي قالت لياا قبل ماندخل قلبت جيبي حيت البارح كنت حاطة فيه 20 درهم غادي تنفعني دب بعداا،،دخلت او سولت على الدري،قلت ليه داكشي لي قالت لياا البنت ربع ساعة وجد لياا سيفي خلصتوو ورجعت كنجري..