ظلام الشمس | مكتملة

3

^^ظلام الشمس^^
#Twéé shàà

::::::::
ساعتين ولا اكثر وانا كنقلب وكنرجع لنفس البلاصة فين كنت، قررت نقلب غير حداياا ولكن ماشي نفس الاتجاه لي كانو جايين منوو،،عييت الطاقة مشات بكثرة الجوع والعطش زائد البررد لي دغدغ عضامي....لكن خاصني نلقااه حتى الى كان مات نعلم البوليس ودوك لي قتلوه ياخدو جزائهم،،شي ربع ساعة ثانية واناا كنتمشى،، خففت خطواتي فاش سمعت صوت الانين بحالا شي واحد كيتوجع،،،جبدت تيليفوني وشعلت فيه لامب باش نشوف مزيان...

انا::(بنبرة خايفة مرتجفة)هييه كاين شي حد هناا...
(شي ايد شدات فرجلي بضعف طاح تيليفون من ايديي وركابياا فشلوو علياا،،،شفت للارض وطحت فوق ديك الكتلة بدون مانحس... هزيت راسي بسرعة قلبت على تيليفوني او وجهت الضو عليه....

شاب عشريني بملامح عسلية قوي البنية ولكن فهاد اللحظة قوته بالكامل تحولات ضعف وكيبان بحال شي اسد جريح.. ساد عينيه وكيتألم ضربت راسي من غبائي ماشي وقت نكتاشفه...،قلبي رتاح نسبياا حيت مزال عايش وكيتنفس.... وقفت معرفتش شنو ندير باش نقدو...،
فجأة سمعت صوت بعيييد ولكن حاافظااه عن ظهر قلب... وعلاش لا وهو لي كيفيقني كل صباح صوت اذان الفجر يعني على بعد شي كيليوميترات كاينين ناس ساكنين فهاد الغابة،،،تسللات لوجهي ابتسامة أمل،،وحيدت الشال لي كان فعنقي،دورتو على الجرح او زيرتو مزيان باش مايزيدش يفقد الدم اكثر ماعارفاش شنو ندير فهاد الحالات ولكن هادشي لي كنت كنشوف فالافلام.
سحبتو ب مشقة الانفس حطيت واحد الحجرة وحيدت قبيتي درتها فوقهاا وحطيت راسو علييهاا...، وحطيت تيليفوني شاعلة فيه لامب حداه باش نقدر نميز مكانه وسط هاد ظلام...قربت منو)
انا؛؛(بهمس)مغديش نتعطل عفاك صبر كنواعدك غادي نقدك وغادي تعيش..

(جريت وهاد المرة بسرعة اكبرر دايرا اكثرر من جهدي باش نوفي ليه بوعدي،،،للحظة نسيت جهاد وسلطانة...نسيت احداث اليوم نسيت كسرتي..نسيت جرحي العميق...صورة هاد الشاب وحالته وكيفية انقاده هوما لي سيطرو على تفكيري...ماخفتش من ظلام وداك الجو المرعب فديك الغابة... كان عندي هدف واحد بين عينياا نوصل لشي واحد يقدر يعاونيي،،بديت كنقرب من شي ديور فيهم الضو...وصوت الأذان كيوصل لمسامعي بصوت اعلى و اوضح...  تنفست بعمق وراحة... ولكن ماكاين حد،،بانلي الجامع بعيد عليا بشي 200 متر ومشيت بسرعة بإتجاهه لمحت راجل كبير شوية فالعمر خارج من الجامع لابس جلابة بيضاء وهاز التسبيح ف ايدو)

اناا: (قربت منه كننهج)عمي عفااك عاوني..
الشخص::( انتفض من مكانه وشاف فيا بدهشة)بسم الله الرحمان الرحيم،،،شكون انتي ابنتي!!..
انا(الجهد باش نهضر مابقااش) انا اناا عاافاك عاوني
الشخص::(قرب مني)بشوية عليك ابنتي كولي ليا مالك
انا::(ماعرفتش باش غادي نجاوبو اول كلمة جات على لساني كلتها) راجلي..راجلي كيموت فالغابة عفااك عتقوو مابغيتوش يموت..
الشخص::لا حول ولا قوة الا بالله..رشيد رشيد
(وجهت نظري للجهة فين ضار كيشوف او كينادي ب هاد الإسم)