ظلام الشمس | مكتملة

1

^^ظلام الشمس^^^
#Twéé shàà
""الفصل الاول

"الله اكبر الله اكبر.."
-مع صوت الاذان لي والفت كل نهار يفيقني لصلاة الفجر فتحت عينياا ولأول نهار بعد 5 سنوات كنفيق بهاد النشاط والابتسامة على وجهي نضت من فراشي بهدوء ولبست صندالتي فرجلياا وتوجهت للحمام نتوضا،،لمحت بطرف عيني صورتي فالمراية ورجعت خطوة بحالا اول مرة.انشوف راسي دققت للحظات فتقاسيم وجهي لون عينيا الازرق سماوي بشرتي الشقراء اللون وشعري الذهبي لي واصل خصري،،الحمد لله دائما وابدا على الصورة الكاملة زينت وجهي بابتسامة مشرقة لي حلفت ماتخطانيش اليوم وعلاش لا وهو اجمل واسعد يوم فحياتي طول هاد 5 سنوات كنتاضره بفارغ الصبر وربي اليوم جازاني على صبري،اليوم انساا سنين من الحنين والضمأ..سهيت بابتسامتي ومشاا بالي لبعيييد،،حسيت على راسي ومشيت بجوج خطوات توضيت لبست اسدال الصلاة وتوجهت للقبلة صليت لي علياا ورفعت يدي للخالق ودعيت فسري أمنيتي الوحيدة فهاد الحياة💙 هزيت القرآن الكريم وفتحتو على سورة "يس" قريتها وتبعتها ماتيسر من السور الثانيين،،ونزلت للكوزينة نوجد الفطور،
نصف ساعة كانت كافياني نوجد فيها فطور لياا ولخالتي لي كتبغي الطبلة متولة وكل حاجة فبلاصتها،جاني صوت من الفوق بنفس الجملة لي حفظتها اكثر من اسمي.
::شمس شمس وجدتي الفطوور؟؟

(مشيت حتى لعندها حيت بطبعي هاادية وصوتي خفيف)

انا:صباح الخير خالتي،اه الفطور موجود نزلي تفطري

خالتي(لالة سلطانة):همم هاني ماجية،او ديري فبالك الله يرضي عليك اليوم مووهيم بزااف خاصك تكوني موجدة كلشي بكري..

أنا:كوني هانية اخالتي راني دايرا بحسابي ومايكون غير خاطرك

لالة سلطانة:ايوة انا نازلة نفطر طلعي جمعي بيتي هو اللول عاد نزلي تفطري انا نكمل ونمشي للحمام نبغي نجي نلقاا الداار كتشعل هاني وصيتك.
"هزيت راسي ب اه وطلعت لبيتها بلا كلمة ندير لي قاتلي،طول هاد 14 سنة لي تكفلت بياا لالة سلطانة وكتكول بلي دايراني بحال بنتهاا..كنفد لي قاتلي بالحرف حيت عمري ننساا خيرهاا العيشة وسط عائلة ماشي هي العيشة فالميتم لي عشنا فيه اسوء الاهانات بالرغم من السن ديالنا الصغير..معرفتهاش هي شنو معتابراني بالظبط ولكن انا كنعتابر تنفيد الاوامر كرد للجميل او اجر بسيط لبقائي عندهم واخا وصلت لسن 20 سنة."
جمعت بيتها او تولتو وضربت طليلة على بيتي لي اصلا كنجمعو قبل مانزل نبدا فشغال الدار درت بناقص من شي فطور وانا كللي فرح نرد الدار كتشعل كيف بغات خالتي،،دازت ساعة وساعتين و4 عاد رجعت خالتي بوجه منور حيت واخا مشاا زين بقاو حروفو مرأة فاسية تعرف للحداكة والتاويل وانيقة وكلامها بالعبار مانكرش اني تعلمت منها بزاف ولكن مزال الدنياا اتعلم.

دارت خالتي دورة شرفية على الدار.. واخا مكنسمعش منها كلمة مزيان ولا تبارك الله عليك ولكن كلمح فعينيها نظرة الرضاا علياا... دخلت للكوزينة او شمرت على يدي جبدت كاع لي خصني للبسطيلة واللحم مشوي وشلايض والعواصر وخالتي واقفة فوق راسي تسيرني وتوريني اش ندير واش نخلي ولكن كلشي يهون فاش يطل علياا بشوفتو ينور دار او يعمر بلاصتو لي بقات خاوية طول هاد السنين،،خالتي فرحانة بولدها لي تغرب هاد المدة ف استرالياا ودار لها الذهب وطلع لهاا دار هنا ودار ففاس حمر وجهها قدام الاحباب او فقص ليها العديان واليوم راجع بالشان والهمة كالت بلي شاري لوطو اخر موديل وكتسناا على احر من الجمر تتباهى بعوينتها الوحيدة قدام الناس،وانا!! شمس.. اللقيطة الوحيدة يتيمة الاب والام كتسنا فحب حياتها فرحتها فهاد الحياة بطل احلامها الوردية...