قصه بعنوان <<هل نحن خائنون>> بقلمي البارت الأول
جانت زينه بصف الرابع اعدادي جان وجهه ابيض حلو عيون إكبار وخدود ومورده بيها لون احمر شفتها أيضا حمره بدون وضع أي مكياج طالبه ذكيه تفكر بالزواج مع تفكيرها بالدراسة لم تعلم عن الزواج غير أنه البنات لازم يزوجن وكلهن يفكرن بالزواج وسمعت من هاي الطالبه أو ذيج بعض الكلمات عنه لكنها ما تحب تختلط بالبنات اليحجن بموضوع الزواج بس جانت تحب تسمع بعض الكلمات عنه يوم من الايام أيام الدراسة رجعت من المدرسه لكت أمها بالباب. مال حوش يعني مثل منكول بالطرمه مال البيت كنما تنتضرها موعد حلتها من المدرسه على طول كامت امها تبوسها وتاخذ منها الجنطه عكس كل يوم وتضحك بوجها لأن الأم جانت قاسيه وما تتعامل ويه البنات بطيبه عكس تعاملها ويه أولادها
زينه :هاي يمه خير اليوم واكفه بالباب حست زينه اكو شي
الأم:لا ماكو شي بس بيت خالج عدنا
زينه: ياهو من خوالي
الام :خالج جبار وابنه ستار
زينه.وشنو يعني على طول يجي خالي بس ما تخبصين نفسج
الأم ولج راح اضلين واكفه اهنا تحققين طبي واني اكولج
بدوا يمشون للباب زينه.اوف يمه شكو احجي
الأم ولج مو منا من باب المطبخ
زينه أوف يمه غير اسلم
الأم ولج لسلمين هيج روحي غسلي و بدلي ملابسج وتعالي سلمي
زينه أوف يمه همه اول مرة يشوفوني بهدوم المدرسه أصلا إني بين يوم ويوم أشوف ستار قريب عن المدرسه
الأم.ولج اليوم غير الأيام
زينه بستهزاء شنو جاين يخطبوني ههههه
الأم أي ولج جاين يخطبوج
زبنه بعد التفكير يمه المن الستار
أي يومه الستار
بس ستار أكبر مني بهواي
ولج بعده شاب وشرطي يعني يكدر يفتح بيت
اذكرت زينه رغبتها الداخليه للزواج حالها حال البنات بس والدراسه وصلوا للغرفه وكالت لمها يمه والدراسه
لا تخافين ستار وخالج جبار كالوا يخلوج تكملين دراسه
زينه فرحت من داخلها أي زواج ودراسة بعد شتريد وبعدها هسه جايه من المدرسه وفكرت شوكت تروح باجر للمدرسه
وتكول الصديقاتها أنه هي انخطبت تفكير لمراهقه لاتعرف معنى للزواج غير أسمه وسرحت بتفكيرها
قاطعت أمها تفكيرها بصوتها زينه زينه
هي جفلت ها يومه
أمها وين رحتي
زينه والله عليج سوالف يمه غير وكفه
الأم.يله غسلي وبدلي وتعالي سلمي وصاحت على اخت زينه واسمها منال
منال يله ساعدي اختج خل تلبس وتمشط
منال اكبر من زينه بسنتين بس هي طالبه سادس وما مزوجه
منال لامها شنو هي صغيره البسها
الأم يله بلا حجي استعجلن
منال شنو رائيج زينه مو بعدج صغيره وطالبه
زينه واذا ازوج وستار يخليني أكمل دراسه
ولج انتي هيج تكولين يا الثوله هذا زواج يعني بيت وعائله وغسل ومسح وأطفال
زينه ع أساس بيت امج ماكو غسل وكنس وخدمه الولد
وجان على الجهال جهال امج الصغار هسه مو براسنا
منال.بس الجهال راح يصيرون جهالج مو جهال امج يعني أنتي مسؤوله مباشره منهم
زينه .بله عوفينه هسه منال
منال يله وأني شعليه بيج غبيه وطلعت
كامت زينه على الغرفه إلي صايره بناهيه البيت وجانت مخزن بس أمها سوتها غرفه إلها والمنال من كبرن وخاصه أن اخوانها محتلين البيت
زينه عدها إخوان سبعه منهم ثلاث إخوان أصغر منها كامت تباوع للغرفه وجنها أول مره أشوف الغرفه وراحت اذكرت عليها أن تغسل وتبدل بس الماي جان بارد لأن الشتاء بين وكامت الدنيا تبرد وهمه بعدهم ما مشغلين السخان كالت يله اسبح ع السريع واطلع
سبحت على السريع وطلعت وبدلت خلت قراصه بدون تمشيط وخلت شال ع السريع امها استعجلتها
وين صرتي زينه
أي يمه اجيت
راحت للغرفه وبخجل البنات تقدم رجل وترجع رجل هيه يوميه أشوف ستار بس اليوم غير شكل جاي يخطبها وبصوت خفيف كالت مساء الخير
كام خالها كال مساء النور هلا بزينه عروستنا
خجلت وكعدت بالبدايه
الخال شنو زينه مستحيه تعاي اكعدي يمنا
لا خالوا ما مستحيه
لمحت ابوها كاعد ذلك الأب الواصل دراسيا ويعمل كمدير باحد مؤسسات الدوله لكنه ضعيف الشخصيه أمام الأم وما تقوله هو الذي يمشي بالبيت
لتكمله القصه ارجوا التعليق بتم
