<<هل نحن خائنون >>البارت الثالث
بقلمي اخوكم غالب سالم صقر الهليجي
ثاني يوم زينه من الصبح كعدت واصلا ما تعرف شوكت نامت لان الليل كله كاعده وتفكر مره بستار الما تعرف عنه هواي أشياء فقط أنه إبن خالها ومره تفكر شلون راح اتكول الصديقاتها خاصه المقربات زينب وسمر وسماهر
طبعا كعدت لكيت اختها صباح الخير
اختها صباح الخير زينه اليوم كاعده من الصبح مو مثل كل يوم اسحلج يله تعوفين الغطه والفراش
زينه تروحي روحي أصلا إني يوميه نشطه
أي واضح النشاط
ولبست على السريع وطلعت
ولج وين رايحه ما تنضرني بعد وكت
لا ما انتضرج
راحت بطريق بيت زينب ودكت الباب
طلعت زينب ها ولج زينه شكو اليوم من الصبح
تكولي بالأول صباح الخير
يله صباح الخير بس فاجئتني
صباح النور يله أروح
اوكفيلي بعد ما مخلصه انتضرني اطبين بالطارمه
لا عيني خاف يشوفني واحد من اخواني يذبحوني
يله بكيفج بس شكو هل نشاط
تخلصي وأني اسولفلج
وطبت زينب للبيت
وبهاي الأثناء زينه اول مره يلفتها صوت العصافير وزقزقتها وتغريد البلابل ومنضر الأشجار وشافت كل شي حلو كدامها على الرغم هي يوميه تفوت منا
وأول ما خلصت زينب وطلعت ومشوا خطوتين
وقبل لا تسالها زينب شكو بادرت زينه وكالت زينب انخطبت
زينب صدوك والله
زينه أي والله
المن ومتكليلي ولا انطتني خبر
ولج هي البارحه شلون انطيج خبر
بالتليفون وطبعا تقصد الأرضي لأن بعدها ما جايه الموبايلات
ولج انخبصت
أي احجيلي المن
ال ستار إبن خالي جبار
اكولج مو هذا المرتين شفناه بذاك الأسبوع
أي ولج هو
مو جبير
ولج اسكتي بدينا نغار
ياااا اخار من هذا وتضربها ضربه خفيفه على راسها ويكملن طريقهن وهن يضحكن
وترجع تكولها زينب زينه أنتي تحبيه لا هو ما جان يجينا اهواي بس من البارحة بديت احبه وتضحك ضحكه خفيفه وتخلي ايدها على حلكها
ومجرد ما وصلت المدرسه سمعت سمر وسماهر وانتشر الخبر بسرعه البرق واجمعن البنات داير ما داير زينه وصارت بذاك اليوم مهمه ومحط انضار البنات وشوف البنات ياشرن عليها بساحه المدرسه التعرفهن والما تعرفهن وهي جانت سعيده
بالموقف طبعا بعض المعلمات عرفن وكالن الها أنتي شاطره لتخلين الزوج يأثر عليج
زينه طبعا ردت وكالت لكل وحده تنصحها إنشاء ألله ست
ومن طلعت من المدرسه جاي تحجي ويه صديقاتها زينب وسمر وسماهر تكلهن شفتن ست رجاء أم العربي شلون حاجتني بغيره لأن هي ما مزوجه تردني أبقى مثلها
وكامن يضحكن
سماهر.ولاتكعدن راحه بنص الطريق
سماهر شوفن ذاك الجاي مو هو
زينه أي والله هو عزه
زينب يله بنات
زينه وين رايحات ما أمشي وياه
ولج هو مو خطيبج
أي بس إخوتي ما يرضون ويجوز بس يباوع ويروح مثل كل مره
ستار يوصل بخطوات قليله ويكول السلام عليكم
زينب يله بنات باي زينه
يروحن تبادر زينه هلو ستار اجابك إذا إخوتي شافوك والله يكطعوني
ستار اكو وحده تكول الخطيبها اجابك
زينه وبصوت ناصي لا والله مو قصدي بس أنت تعرف إخوتي إذا شافوني والله يموتوني كتل
لا تخافين هسه ما يجون وأني ما أتأخر
شنو رائيج بيه بخجل ستار إني ما أعرف أي شي عنك
بس إني أعرف كلشي عنج واحبج من زمان
صدوك
والله شبيج وراح اصير رجلج ونوب بكيفنا نتمشى ومحد إلى شغله
وبهاي الأثناء تجي أخت زينه
وتكول ستار شعندك اهنا
ستاروأنتي شعليج زينه خطيبتي
هاي أنت وأني نعرفها بس الشباب بالشارع والناس ميعرفون وياخذون عليها نضره مو زينه واذا خطيبتك عدنا بيت اشوفها وانت مو غريب وتأخذ أيد زينه وتمشي بقوه
ثوله أنتي شلون تمشين وياه وحدكم
زينه لا والله جنت أمشي ويه البنات وهو هسه إجه وراحن البنات بصوت متقطع وخايف
الله عليج لتكولين لأحمد اخوي
باعي هاي المره مراح اكول الواحد بس ما تتكرر
ثاني شي اكولج شنو خبصتي المدرسه مخطوبه مخطوبه أنتي أول وحده تنخطبين وبعده كل شي ما صاير
زينه لا والله إني كلت بس الصديقاتي زينب وسمر وسماهر
ما كايله شي اصلا سمر وكاله أنباء متنقله
تبتسم زينه ويكملن طريقهن للبيت مع التفاته من زينه تريد أشوف ستار وين صار
ويجيها الصوت من اختها لا تلتفتين
وفعلا خلال التفاتتها السريعه ما شافت شي وتريد تجفه شر اختها فتمشي عدل للبيت لتنزيل باقي البارتات أرجو التعليق بتم أخوكم غالب سالم صقر
