<<هل نحن خائنون>> البارت العاشر
بقلمي اخوكم غالب سالم صقر
بعيدا عن زينه وستار كان هناك شخص في نفس المنطقه أسمه غسان أحب ابنت عمه حد الجنون وكانت تحبه حب لا تعرف معناه هل هو حب حقيقي هل هو حب مراهقه أيضا تفكيرها مقارب لتفكير زينه لكنها غير متعلمه لان تحصيلها الدراسي لا يتعدى الخامس الابتدائي من أسره فقيره عدهم العديد من البنات كل تفكيرهم كيف الستر عليهن بالزواج كان عم غسان رجل كبير ومريض
يزورهم غسان بين الحين والآخر يأتي في أحد الأيام
التي يزيد بها المرض على عمه وهي كثيره غسان
خاطب بنت عمه شفويا واسمها ملاك يطلبه عمه
والعم صادق غسان قرب مني إبني
غسان إني يمك عمو أأمر
العم صادق ما يأمر عليك ضالم أنت تعرف إني جبير و مريض وايامي معدوده
غسان بعد الشر عليك عمي عمرك طويل
العم صادق أسمع ولا تقاطعني
غسان أمرك عمي
العم صادق أنت تريد ملاك لو بس حجي
غسان أي عمي
لعد ليش الهسه ما متحرك
عمي أنت مريض
العم منتظر أموت يله تتحرك مرت عمك ما ضامنها
عمي لعد راح احجي ويا أبوي ونجيب ناس نجي نخطب
العم صادق جيب عمامك وبس إحنا مو غرب وجيب نيشان
ماشي عمي
يروح غسان يم بنات عمه ويحجي وياهن وملاك تسمع وتضحك
تقريبا هواي أيام هو يمهم الحاجز مرفوع عنهم وهم بحكم المخطوبين يم الكل يعني الكل يدري بيهم
يروح لأمه يكولها يمه إني بالتصنيع العسكري راتبي مو قليل
أم غسان أي يمه الله يزيدك
غسان لعد شنو اليمنع إني الهسه ما مزوج
الأم أنت مو خاطب بت عمك بس يصير ابوها زين اروح عليهم نكمل بقيه الإجراءات
عمي حالته يوميه أسوء وهو طلب مني أصير القضيه رسمي اجيب نيشان وعمامي واروح عليهم
أي يمه بيها الخير
يبوسها من كصتها غسان ويكلها عليج بس اتقنعين أبويه
الأم يومه هو أبوك يكيف هسه اكوله هو عمك طلب
غسان أي عفيه يومه
يجي ابو غسان وتحجي أم غسان وياه بالموضوع
أبو غسان إذا أخوي هو الحاجي بالموضوع هاي هيه
ايروح أبو غسان البيت أخوه
ويكله خويه شلونك
العم صادق والله احسن يا خويه
أبو غسان أنت تعرف أن غسان يريد ملاك وطول موضوعهم ومثل ما تعرف هو تخرج من المعهد ويداوم بالتصنيع العسكري موظف وراتبه زين
صادق والله يا خوي موضوعهم انتوا طولتوا
أبو غسان.غير اريدك أصير زين يا ابو جعفر
العم صادق والله يا خوي إني زين
أبو غسان لعد هاي الجمعه جايين ويانه النيشان
خوش خويه
ويروح أبو غسان البقيه اخوته يخبرهم
ويجون يوم الجمعه ويقرون الفاتحه مال خطوبه وطبعا وياهم النيشان إلي هي قبل المهر وتضمن
جم قطعه اقماش وجم دشداشه للعروس والحذاء والنعال أضافه لجم فلس. إلفلوس للعروس
أضافه إلى أم غسان وبناتها
أم جعفر إلي هي أم ملاك جانت راضيه علمود تخلص من وحده من البنات
طب غسان على ملاك وهي كانت جدا جميله ولابسه ثوب احمر بسيط الى أنه يخبل عليها
كلها ولج صارت رسمي مبروك تباركله البنات وامه طردته كلتله شويه ثكل ارجع يم الزلم
أم جعفر يااا هو أبنا ورجل بنتنا مو غريب
البنات كمن يضحكن ملاك تضحك بس همه فعلا متعلمين على غسان
وره جم يوم صارت حالت العم صادق كلش حرجه ودخلوا المستشفى وبعدها بأيام توفى العم صادق
وصارت الفاتحة
وكتب على عرسهم إن يتاخر
يصبر غسان ويكوم يمر على بيت عمه فترات متقطعه وطويله لأن ولد عمه بالشغل وهو جان يعتمد على عمه بالبيت هسه ماكو أحد
رغم ذلك أم جعفر اصيحه طب عمه أنت مو غريب
يطب ويسلم على البنات وحاله الحزن امبينه على الجميع لذلك ما كام يحجي ويه ملاك هواي
تعبر الأيام والاشهر ويمر على وفاه عمه تسعه أشهر وهو ما حاجي ويه ملاك بهاي الفترة إلى بعض كلمات بكل مره
لكن يوم من الايام تجي خاله ملاك أخت أم جعفر واسمها ناديه وتسكن بأحد المناطق الراقيه على أختها ناديه اطب للبيت وأسلم على أم جعفر وعلى البنات وتحجي وياه أم جعفر
ناديه أم جعفر إني اليوم جايبتلج عريس الوحده من البنات
أم جعفر بس إحنا بحاله حزن على المرحوم
ناديه خيه يا حزن وصار للمرحوم تسع تشهر أنتي تردين توكفين حال البنات وثاني شي اني جايبتلج
عريس كامل مكمل غني وحتى ينتشلكم من حاله الفقر حتى ولدج يشغلهم
صدك خيه أي والله العظيم. إبن أخو زوجي
وزناكيل وانيالها التاخذه زين هو إبن أخو زوجج وين يعرفنا أبوه كال أريد وحده منكم لابني وأني فكرت بيج خيه ثاني شي النسوان الاجن بالفاتحه شافن بنتج وتخبلن عليها واصفنها إله
ام جعفر زين ياهي من البنات يردن
ناديه .ملاك
أم جعفر ياااا أنتي مو تعرفين ملاك مخطوبه لأبن عمها من أيام المرحوم اختاري عندي غيرها تلاثه وكلهن حلوات ونفس الأعمار
ناديه المرحوم راح ألله يرحمه وبعدين هذا غسان عنده كوم اخوان وخوات وين راح يخليها ويا خيه هن النسوان مو غشيمات يعرفنها أمه وخالاته وعماته
أم جعفر لعد خيه ماكو نصيب
شنو ماكو نصيب اضلين بالضيم والعوز وهنا يعلى صوتها هذا راح يخليكم بعز
الأم بس هو حتى منطي نيشان
