<<هل نحن خائنون>> البارت السادس بقلمي اخوكم غالب سالم صقر
في صباح مشرق من صباحات بغداد الجميله تخرج زينه هي وأختها منال للذهاب إلى المدرسه مع اقتراب النصف الدراسي الثاني على نهايته وتلتقي زينه صديقاتها على الطريق كل عاده توصل على المدرسه وعلى غير العاده تدخل المعاونه مع مدرسه الماده صباحا المعاونه ست فرح تدخل وتقول صباح الخير بنات
يرد البنات صباح الخير ست
تفاجأ جميع ب دخول المعونه للصف
بدأت المعونه بالكلام اليوم راح انذيع نتائج النصف الثاني والمجموع ونطلب من الطالبات الضعيفات الإجتهاد قبل دخول الامتحان النهائي والناجحات يستمرن بالنجاح لكن قبل هذا عدنا طالبات راح يكون هذا اليوم آخر يوم دراسي الهن تفاجئت جميع الطالبات
لكن ست فرح اكملت حديثها وهي ترى صور الدهشه على وجوه البنات
هن طالبات الإعفاء شبيجن نسيتن المعفيات أني راح اكتفي أذيع بنات الإعفاء علمود اخذهن وياي البقيه الصفوف ونجمعهن ونكمل إجراءات تسليم الهدايه مع كتب الشكر ويرحن يجيبن كتبهن الدراسيه والست سهير توزع بقيه النتائج
أولا زينه عبد الله صالح وجابت اعلى نتيجه بالروابع لهذا العام
هنا اختلطت مشاعر الفرح مع مشاعر الحزن معقوله اليوم آخر يوم لدراسه لهذا العام ما اشوف صديقاتي ما اجي للمدرسه طبعا استلمت النتيجه وضلت واكفه بصف المدرسه وصاحت إثنين اخريات والبنات ياشرن الزينه و يباركن إلها عن طريق الاشاره طلعت ست فرح واخذت زينه و صديقاتها لكمال بقيه صفوف الرابع وشعبها
اجمعن البنات واخذن كتب الشكر وبعض الهدايه البسيطه من المدرسه وأمرت المديره أن يروحن بنفس اليوم يجيبن الكتب
وصلت زينه للبيت من وكت وعلى غير العاده دكت الجرس
طلعت الأم
شلونج ماما
الأم...ها ولج يمه شبيج مع لطمه على خدها
زينه كل شي ما بيه يكمر
اختج بيها شي
يمه كل شي ما بينا اوكفي انطني مجال خل احجيلج
احجي
طلعت إعفاء
أي يوم على الخير أنتي متعوده بس العام ما طلعتي إعفاء
ضحكه بسيطة من زينه ماما العام ثالث بكالوريا ما بي إعفاء
مثل هاي السنه المنال ماكو إعفاء
ها خطيه
الأم اكلج وبعد ما اداومين
أي ماما
خوش علمود اساعديني بالبيت
هو هذآ كل الهامج راح ارجع للمدرسه
ها يمه ليش
غير يردون بقيه الكتب ولتغلسين تحضرين الهديه
ولج يا هديه
مال العفاء
شتردين
افلوس
افلوس اخذي من ستار مو هو خطيبج وكل أسبوع يدز مصرف الج
هو وينه ستار صار شهر ما شايفته
بس يدز مصرف بيت خالي
أي مو تعرفين اخوج ما يقبل وهو يتاني تخلصين مدرسه علمود يروح يعقد وأنتي اختصرتي الأمور
ماما إني ما ازوج إلى تخلص منال امتحانات
هو من كال على زواج عقد علمود يطب يشوفج ويخذج المطعم فد شي تتعرفون على بعض أكثر
إذا هيج ميخالف
ها ولج شوفي وجهج كله يضحك
يوم خجلتني
هاي شنو أخذتني السوالف خل اروح لغرفتي أحضر
الكتب
تروح زينه وتجمع الكتب وتروح للمدرسه وتحضر بقيه الدروس علمود اطول اكثر وكت بالمدرسه
وتنتظر صديقاتها وتنقل ما كالته أمها
زينه أمي تكول ستار منتظر عطلتي علمود يعقد علمود يعقد والزواج وره متخلص منال امتحانات البكلوريا
وتكول هسه أنتي اختصرتي الوكت عليه
زينب لازم مستعجل
زينه أي كلش طبعا تحجيها بنضره بيها تباهي
سماهر والله امبين عليج أنتي المستعجلة
زينه بضحكه خفيفه ولج وتضربه ضربه ملاطفه
يضحكن عليها ويستمرن بالمشي
بس يا بنات يمكن ما اكدر اشوفجن بعد لأن أحمد راح يمنعني من الطلعه
سمر يوميه طلعي حجه وشوفينا جم يوم
زينه أي ولج أنتي شيطانه انيرني بافكارج الشيطانية ضحكه خفيفه
سمر إني شيطانيه فوك ما انطيج أفكار
لا مو بالضبط شيطانية بس أنتي العقل المفكر للمجموعه
سمر أي كولي هيج من البدايه بنضره مزح للبنات
يمشن ويوصلن البنات لبيوتهن تجمع منال مع زينه لتكمله الطريق للبيت
يوصلن ويسلمن
الأم زينه خالج جبار راح يجي يحجي ويه ابوج واخوانج على عقد السيد والمحكمه
زينه شبسرعه خابرتي امبينه تردين تخلصين مني بسرعه ماما
الأم ولج البنيه مالها غير زواجها ورجلها ويبقى لحد الجفن الها
مثل على أن لا يفرق بين المرأه ورجلها فقط الموت
طبعا هي من داخلها سعيده ومتخوفه ومتعرف الزوج شنو
فقط تعرف أنه إنتقال المسؤولية من الأب والإخوان إلى الزوج والقصد هنا أنها تعرف أمور المعاشره لكن ما تعرف أمور المسؤولية
منال على الخير زيونه
اشكرج منوله يوم الالج
ولج إني مو مثلج إني أريد أشوف مستقبلي أرجو المتابعه والتفاعل والتصويت للستمرار
