<<هل هل نحن خائنون»»
البارت الرابع بقلمي اخوكم غالب سالم صقرورجعنا للبيت إني ومنال أختي منال كالت لأمي يمه اليوم ستار لازم الطريق الزينه وضل يمشي وياها
الأم.اسكتي ولج لا تكولين لأحد أصلا خابرني خالج جبار وهذا الخميس يجون يخطبون رسمي
زينه صدوك يمه والله
أي والله يمه
زينه اليوم شنو بالأسبوع
هو اني شمدريني غير أنتي أم المدرسه
اليوم الاثنين أي الاثنين وكامت تجمع مثل الجهال يعني الثلاثاء والأربعاء والخميس
يعني بعد يومين لأن اليوم خلص والخميس ما ينسحب
منال وشعندج خبصتي الدنيا
وأنتي شعليج
الأم يله كافي غيرن اهدومجن وتعالن وياي بالمطبخ اخوانجن راحوا
بيت أبو جبار ستار يرجع ويكول لأمه
يمه ابوي كلج
عله شنو يمه
على الخطبه
أي يمه كلي يوم الخميس
تروحين مو اسوينا سالفه
لا يمه طبعا أروح
شعجب اليوم ماكو اعتراض
فكرت وكلت همه مو أحسن منا
خوش يمه مو كتلج
وبيت زينه تقرر ام زينه يوم الخميس زينه ومنال ما يروحن للمدرسه بس منال متقبل وتكول إني سادس علمي لازم أروح
ويجي يوم الخميس ويكعدون إخوان زينه ما يروحون للدوام وأبو زينه هم ما يروح للدائره
وطبعا تبدي التحضيرات بالبيت من تنضيف وترتيب وجيب الكيك وغيره ويسعدهن زوجات الولد
زوجه أحمد وزوجه امجد اخوان زينه
طبعا إجه جبار وجايب مجموعه من كرايبه الزلم وبناته وستار واخوه مرتضى
خطبوه واتفقوا العرس بالعطله
وزينه جانت كلش فرحانه وأم ستار بذاك اليوم كساع اذب احجايه وبناتها هدير وهديل يسكتنها ويبدلن الموضوع
عده اليوم على خير هذا الكالته زينه وتضحك
اختها تكول ما شفتي أمها عبالك جايبها صخره وكساع اذب احجايه
ام أحمد اسكتي إني مطيه لاخويه وأبن اخويه
منال بس هدير وهديل خوش بنات
وزينه بغير عالم ما تسمع
صار الدوام وركضت زينه على صديقاتها ولجن اجوي خطبوني رسمي وراح انجيب الحلقات والذهب وكلشي
زينب إني مو اكلج خابرني بذاته
هو أحمد مكابل التليفون وكاعد وين اخابرج
وسماهر وسمر ألف مبروك زينه
الله يبارك بيجن يوم الأجن
زينب ما سويتوا حفله خطوبه
لأمي كالت بالنيشان تعزمين صديقاتج ونسوي
حفله
