««هل نحن خائنون»» البارت الخامس
بقلمي اخوكم غالب سالم صقر
واجه يوم النيشان جان يوم مشمس رغم أنه في الشتاء وشتاء بغداد تمر عليه أيام بارده وأيام معتدلة وجانت زينه ما توصف السعاده إلي هي بيها وتكعد الصبح
وتستمع لزقزقه العصافير وتركض للراديو لبغرفتها هي ومنال وتكلب بي
منال زينه صبحتي على الراديو مو البارحه الليل كله مخالتني أنام من وراه
زينه صباح الخير حبيبتي
منال اليوم حبيبتي أم السان اليوم جمعه خلينه نايمين ها اليوم النيشان
زينه طبعا أنتي كولشي ما تعرفين عني ولا عبالك أختي الأخوات يركضن قبل خواتهن بهاي الشغلات حجتها وهي منزعجه من اختها
منال ولج شنو زعلتي تعرفين إني سادس علمي وفكري يم الدراسه وابوي مهندس واخواني مهندسين
وأني أريد اطلع دكتوره لو مهندسه بس والله اليوم ما أقره علمودج
تعاي يومه فدوه الله كيمر من الصبح والله حتى ميحتاجلج تعديل لو تروحين هيج أنتي حلوة
الأم تصيح يبنات اكعدن
زينه أي يومه إحنا كاعدات
تعالن تريكن خل نحضر انفسنا
منال ليش يومه هو اكو سوك من الصبح
لا ولج نتحضر راح يجي ابن خالج وأمه
منال أهوه هم هاي السعلوه
ضحكت زينه ضحكه خافته علمود ما تسمع أمها
ينزل أحمد من الدرج
الأم شنو أحمد شو ما رايح الشغلك
أحمد يمه اليوم جمعه
الأم والله يمه إني مضيعه الأول والتالي
أحمد إني متعجب على أبوي شلون مهندس واخذج أنتي بالكوه مخلصه ابتدائية
ولك أسكت هو وين يلكه بحلاتي
بهاي والله صدك يومه جانت أم أحمد جميله فارعه الطول ويمكن زينه ماخذه منها هواي على الرغم من أن أبو زينه هم جان أبيض وذات عيون ملونه بس ما ينطي وجهه ع حمره مثل وجه زينه وامها
كانت منال أكثر شبه ال ابوها
تريكو وعدلن البنات البيت وصارت الساعه 9الصبح
إجه ستار وأمه وعلى أساس يروح وياهم بس الأم وزينه
سلموا وجلسوا طبعا بدلت زينه وبما أنها تعرف اخوها أحمد لبست جبه على ملابسها وامها استعجلتها
أحمد منو راح يروح وياكم
الأم بس احنا
أحمد ستار جايب سياره
لا والله أحمد اناجر تكسي
تكسي ليش واحنا عدنا سيارتين راح اخذكم لو ب البرازيلي وهي نوع من انواع السيارات موجوده بكثره قبل سقوط بغداد لو ب السوبر مال أبوي
تنتظرون بس دقيقه اجيب السويج
أم ستار يله جيب السويج منتضريك خاله
ستار يمه جنج كيفتي
أي ولك أحسن من التكسيات
مو هيج ما اكدر أحاجي زينه
ولك أسكت أنت راح تزوجها وتشبعون حجي وأنت عندك دوام العصر لو نسيت أنت شرطي
لا ما نسيت
واجه أحمد وجاب السويج
وراحوا وجان بوكتها يوم سلس من الجميع جانت زينه تحاول تختار شي متوسط وما كو اعتراض من قبل الجميع وكل واحد الى أسبابه بعدم الاعتراض
رجعوا للبيت
ستار وأمه اخذوا الذهب علمود يقدمونه ثاني يوم وبشكل رسمي
وحتى زينه تعزم بنات عمها وصديقاتها وطبعا بقيه البنات من الكرايب والجيران وبيومها زينه هم تسمع أغني حب وما تعرف شلون نامت واجه اليوم الثاني وبدأ يوم شاق من الترتيب والمخابرات التليفونيه لعزم الجميع رغم همه منطين خبر بس لتأكيد واجه الجميع العصر وبدأت حفله للبنات بلبيت من رقص وكيك وضحك وشقه ومتزجات بين الأغاني بالمسجل كاسيت وبين كفلات العجائز
ووصل خبر إجه سجاد واستقبلوا بالصالون الوحيد الجآن بي أبو أحمد وره ما عدلن نفسهن البنات صاحوا ستار يلبس الحلقات وسط الهلاهل والجكليت وانتهى اليوم على هذا
انتظروني بالبارت القادم
أرجو التفاعل وصوتولي أخوكم غالب سالم صقر
