صعيدي في باريس

7

الفصل السابع
نظرت له قائلة بكره :
_أتكلم معايا حلو !
بدأ الجميع يشاهد تلك المشاجرة الكبرى، قامت "جلنار"من مكانها وأتجهت نحو "راسين" قائلة بهمس :
_راسي إنتي اللي غلطانة هو احترمك وإنتي عاوزة تقطعي الصداقة فبلاش إنتي تغلطي وقدام طلابه
أغمضت عيناها بغضب شديد ثم قالت :
_دي كانت آخر محاضرة لينا مستر "أرسل" أنا مش عاوزة أكمل النص ساعة الباقين في درس صعيدي عن اذنك
خرجت من القاعة، نظرت جلنار لأرسل الغاضب ثم قالت :
_أنا آسفة يا "أرسل"
نظر لها "أرسل"بعدما تنهد بحنق قائلا:
_الإعتذار مش هيجي منك الإعتذار يجي من اللي غلطان جهزوا نفسكوا هتسافروا معايا هجي وأشرحلكم ليه ماتقوليش للعنيدة

أومأت برأسها باستغراب ثم قالت :
_اوك يا أرسل سلام
نظر أرسل للطلاب بعدما أختفى طيف جلنار، تحدث بهدوء عكس ما بداخله :
_آسف ليكم على اللي حصل 
بدأ بتعليم الصعيدي والضحك معاهم ولكنه يفكر في راسين

*****
بالخارج كانت راسين لا تعلم لِمَ فعلت هكذا، كانت غاضبة منه ومن كل شيء يخصه حتى من نجاحه، صعدت سيارتها وبدأت تحرك المحرك ولكنها سمعت صوت صديقتها التي تتحدث بغضب:
_راسين أستنيني بعد إذنك
نظرت لها وقالت :
_مستنياكي خلصي وإطلعي
صعدت السيارة بغضب، أنطلقت راسين بصمت لتصرخ جلنار :
_إيية اللي إنتي عملتي دا إنتي قطعتي الصداقة معاه من غير سبب والسبب إنه ساعدك بس شك فيكي دا واحد خلاكي تتكلمي زي المصرين مش بس عربي علمك أصول الدين إنتي لازم تعتذري
نظرت لها بغضب ثم تحدثت بحنق :
_إنتي معايا ولا معاه في إية يا جلنار إنتي عارفة إنه بيضايقني وعلى طول بيتعصب عليا
أغمضت عيناها مصتنعة الحزن ثم قالت :
_أرسل مسافر مصر بعد أسبوع
أوقفت السيارة بصاعقة من الخبر تحدثت بهدوء :
_مين قالك وازاي هيمشي
ابتسمت جلنار بسخرية ثم قالت :
_زعلانة لية يا قلبي إنتي نهيتي الصداقة
عادت وحركت السيارة ثم قالت بلامبالاة :
_وأنا أزعل لية ؟أصله كان بيقول هيقعد سنة يخلص أجراءت عمه اللي كان قاعد هنا وهو مكملشي سنة فأستغربت يالا ملناش دعوة
*****
في منزل القناوي

نظر له "أدم" تمنى لو كان بيده سكين الآن، تحدث بحنق:
_حاليا چدي مانع بسبب التعليم وبعدين إنت لسة مش مستقر في حياتك فبلاش تتچوز
أومأ براسه ثم قال:
_عندك حق بس باين جوي يا أخوي إنها بتحبني صوح
ابتسم ثم قال باستفزاز:
_لا يا أخوي فاطمة اكدا مع ولاد عمها بتحب تهزر
أكمل حديثه بداخل نفسه :
    بس ماتقلقش  هخليها تبطل العادة دي هكسر ضلعها
ابتسم ياسين بعدما قال وهتف بحب:
_هطلع هتمشى برا مع صحابي تحب تچي معايا
_لا ياأخويا
أتجه نحو الخارج بينما أدم دخل المنزل والشرارة تتطاير من عينه أتجه نحو غرفة فاطمة ..

*****
بغرفة فاطمة جلست مع نور وكانت تتحدث بغضب :
_تعرفي يا نور أخوكي دا رخم خلاني أقوم وأنا قاعدة بهزر وكأننا بنشوف ياسين اكتر يا خيتي دا هو بيچي مرتين في الشهر بسبب شغله وكلنا أخوات
نظرت لها نور ثم قالت :
_معليش يا خيتي هو مش قصده حاچة هو بيخاف علينا
بتلك اللحظة فتح باب الغرفة أدم ثم نظر لنور وقال:
_برا يا نور بسرعة
ابتلعت فاطمة ريقها بخوف ثم نظرت لنور حتى لا تخرج ولكن أمسك أدم نور من معصمها وقال:
_بقول أخرچي برا يالا
ذهبت نور وأنتظرت بالخارج، بينما أدم ذهب نحو فاطمة ثم قال بصوت هامس ولكن يملؤه الغضب:

_أقسم بالله يافاطمة لو الحركة بتاعتك اتعملت تاني وإني أعيد وزيد في الحديد لهتشوفي وش عمرك ماشافتي زيه مش عشان بدلع فيكي هتمرعي لا دا أنا أكسر رقبتك فاهمة ولا إيية
صمتت ولم تتحدث، واصل حديثه بصوت عالٍ:
—فاهمة ولا إية ردي
_فاهمة
بدأت الدموع تنهمر من عيناها، خرج من الغرفة وصفع الباب خلفة بقوة لتجلس على فراشها وتبكي بقوة
*****

في باريس أنهى "أرسل المحاضرة ثم أتجه نحو منزل راسين دق جرس المنزل لتفتح له "جلنار"نظر لها ثم قال:
_هي فين
تحدثت جلنار بغضب:
_المجنونة أول لما عرفت إنك هتسافر طلعت وقفلت على نفسها الأوضة
ابتسم فكان يفكر بأنها حزينة لأنه سيغادر ولكن تلاشت ابتسامته عندما سمع صوت حذائها يرن، نظر وجدها تنزل من السلم، ترتدي چاكت قصير وعاري يظهر جسدها أكثر ما يخفي ومن الأسفل چيب قد تكون فوق الركبة بكثير، فتح عينه بصدمة ثم قال:
_إنتي راحة فين كدا
نظرت له ثم قالت :
_مين إنت فكرني بنفسك
صعد السلم ثم قال:
_حاضر أنا چاي
أمسكها من أناملها بقوة حتى تألمت، قرب منها وبدأ يهمس  لها :
_أني اللي هيعلمك الأدب ..

يتبع
#صعيدي_في_باريس
#بقلمي_أميرة_أنور