صعيدي في باريس

16

الفصل السادس عشر

تحدثت فاطمة بغضب :
_إحنا بقينا قدام الأمر الواقع يا بنات ولازم نساعد بعض

ابتسمت راسين براحة فعندما دلفت فاطمة كانت تفكر في إنها ستنهرها بشدة، تحدثت بطفولة :
_اووووه بقاا كدا اتفقنا بس هنعمل إية ..

نظرت نور لهم بسخرية قائلة بحزن :
_طب أرسل وبرغم إنه بيزعق بينزل على مفيش ولو سمعتي كلامه هتكوني أميرة معاه وأدم نسمة بيضحك ويهزر وبردو بينزل على مفيش والإتنين هما اللي طلبوا أيدكوا لكن أنا اللي ولا اكويس ولا نيلة مفيش غير مرة ولا تنين اللي كلمني بحنية فيهم

نظرت لها راسين بصدمة وقالت :
_بينزل على مفيش لا قولي حاجة يا فاطمة

قهقهت فاطمة بقوة ثم أجابتها بنبرة غاضبة :
_نسمة دي تحطيها في سندوتش وكوليها لكن أخوكي مش نسمة

ابتسمت جلنار على حديثهم ، نظرت لصديقتها التي وبلحظات قليلة أصبحت جزء من تلك العائلة، ذهبت باتجاههم وربتت على كتف راسين متحدثة بخبث نسائي :
_اللي أكتشفته أنكم بتحبوا بعض بس خناقهم معاكوا وحش ومخليكم مش معترفين بحبكم لبعض وعشان كدا هقولكم أعملوا إية ..!

بتلك اللحظة دلف أرسل وأدم وقالوا بنفس واحد :
_إية يعملوا إية ها ؟

ابتسمت جلنار وقالت :
_يجهزوا نفسهم يا أرسل عشان الفرح
أومأ برأسه ثم قال :
_ايوا ايوا
نظر لأدم بخبث وأكمل حديثه :
_طب يالا إحنا ياحبيب أخوك بجولك صحيح يا نور

استدارت نور بحزن قائلة :
_نعم

وضع يده على كتفها وقال :
_متزعليش من أي حاچة صدقيني چدك عمل الصوح بصي چهزي نفسك زيهم وتامروا قصدي ابقوا حلوين لينا اعملي زيهم

*****
وقفت بالحديقة مع شقيقتها، نظرت لها بغضب وقالت :
_سعادة بنتك مع أرسل لازم نوقف اللي بيحصل دا
أجابتها حنان بهدوء وقالت :
_بنتي وچدها شايف الصالح ليها أدم أو أرسل اتنين ولادك وحبايب جلبي وحتى بنت الخواچية بتقرب لنا دي بت إبن عمك

نظرت حكمت لها بصدمة، أمسكت بيدها بعنف شديد وقالت :
_يا برودك ماهي اللي ماتت كانت خيتك

ظلت تنظر حوليها والدموع تتجمع في مقلتيها، تحدثت بهدوء عكس ما بداخلها من نار و جحيم:
_بلاش تحكمي على ولد عمك اللي حافظ على خيتك إنتي عارفة إن سرها كان معايا فبلاش  تعيدي حوار إن واحد يتچوز واحدة مش عاوزها

تنهدت بقوة ثم قالت بخبث :
_ماهي  بنتي هتتچوز إبنك اللي مش عاوزها

قهقهت حنان بقوة قائلة بسخرية :
_لحد دلوقتي مافهمتيش طبع العيال مافهماش إن أرسل بيعشق راسين وإن أدم بيحب فاطمة وكذلك جاسر ونور اللي بيعملوا دا غيرة وإن العلاقة لازم يكون داخلها جط وفار عشان تنجح