رشفة عشق

12

الــسـلامُ عـلـيـكـم🌻🌼

رشفة عشق
الـعـبـاديــه
البارت_12_

قُـلْ لـلتي بـلـغَ النـِصـابُ جَـمـالـها
إن الـزكـاة عـن الـجـمـال تَـبـسُّـمُ
أدي إلـيّ زكـاة حـُسـنـكِ و اعلـمي
إن الأداء إلــى ســـوايَ مُــحــــــرّمُ

..............................................

عباس ....

من شفتهه بسيارة هـٰذا الكلب كل خليه بجسمي إحتركت وأعصابي تشجنت مااستوعبت الصدمه معقوله بنت خالتي المؤدبه الصوتهه مااسمعه هيچ تسوي ..؟

من هيَ صغيره عيني عليهه ومراقبهه وچانت كله ويانه آني وإيڤان وتتشاقى وتضحك بس من كبرت عقلت وصرنا مانشوفهه صرت اتحسر على شوفتهه بس أريد ألمحهه ماكو .. شگد تمنيت تگعد وتسولف وياي وترجع مثل قبل بس ابدد...

چنت يوميه اروح للمدرسه بحجة يم صديقي ابو المحل اليم مدرستهم بس آني عيوني تراقبها وتراقب حركاتهه وهدوءها ورزانتهه من تمشي عيونهه بالگاع وبثگل ..

وصيت اعز صديق إلي واعرفه ثقه گتله عليهه خاف احد يتعرضلهه او فدشي ويدري عندي مشاعر تجاهه لأن عيوني فاضحتني وهوَ گال تدلل من عيوني وصدگ فادتني هـٰاي الوصيه ..

بيومها آني رحت لمدرستي مال الابتدائيه أخذ وثيقه عود گلت امتحن خارجي .. هيَ مدرستنه تبعد فرع عن مدرستهه ..

ندور آني والمدير ع الوثيقه وخابرني صاحبي گال هاي البنيه الوصيتني عليهه سياره واگفه يمهه واشوفهه تحاچي السايق وصديقتهه صعدت !!

آني هنا اتخبلت رسمي ذبيت الاوراق وركضت بسرعه بس شفتهه عقل ماضل براسي

ومن دفعها هـٰذا الكلب ووگعت بالگاع كلبي انخمش وتخبلت .. ردت اركض عليه امرعده بس شخط السياره وطلع ..

الشياطين كلهه تطافرت مقابيل عيوني ورجليه بادت من الحرگه طلعت كل قهري بيهه بس من حسيتهه إختنکت إبتعدت عنهه حتى ماتفكر ترجع تسويهه وتوسلت بيه هواي علمود مااحچي لاإبوهه كل شويه ردت أضعف لتوسلاتهه بس لا لازم ابوهه يعرف كلشي لأن إذا سكتت راح أذنب وياهه وراح يتكرر الموقف ويرجع يتعرضلهه ..

آني چنت بين المصدگ والمامصدگ ساعه أگول مؤدبه وماتسوي هيچ بس من ينعاد الموقف من تقرب لرقبتهه ويشم بيههه اتخبل واگول تستاهل اليصير بيهه ..

فاجئني رائد من طلب مني اتزوجهه !!
ماچنت مفكر بيهه هيچ ابدد لان گلت مستحيل الدارسه تقبل بيه وهيَ وين ماتكعد ويخطبوهه  تصيح اتزوج دكتور يعني نوعاً ما مأيس منهه بس مشاعري تنمو

فكرت بعرض اخوهه وشفتهه لمصلحتي حتى أذلهه براحتي كلش نزلت من عيني لأن مو مال إحترام أبوهه دللهه وكسرت ثقته وخسرت دلاله وإجه الوقت الي تتحمل نتيجة أخطائها ..