رشفة عشق

بـارت تــصـبـيـره

الـسـلامُ عـلـيـكـم🌻🌼

عشق
الـعـبـاديـــه
بـارت تـصـبـيـره لــ28

علامَ اكـتئابك ؟
والـعــمـرٌ يـومٌ ..
وكـلُّ المصائـبِ حتـماً تهونْ
وهـمّـكَ يجـلـوهُ ربُّ كـريـمٌ
إذا قـالَ لـلشـيءِ كـنْ ..
سـيكـون .!

~~~~~~~~~~~~~~~~~~~~~~~~~~~~~~

حـوراء

مر شهر بقى يوميه ميباوع بوجهي ووجهه مايگصه الطبر وحتى الابتسامه شبه إختفت من وجهه وبس ينتر بيه وعلى أقل شي وعصب خبلني وبس يرزل بيه حتى مقابيل بيبي وخالتي وهنَ بس ينقهرن على حالتي وماعدهن حل غير السكوت !!

بقيت اشتغل بالمطبخ وغدانه ولمه مسوين وهوَ راح يقدم على المعهد الطبي مفتخر بمعدله مدري شگد بس بالتسعينات يمكن 93 هيچ شي ..

بقيت ألف بالدولمه واسولف ويه خالتي وبيبي يمي بالمطبخ يسوولي واهس ..

سألت خالتي

- خاله عباس مياكل الدولمه شلون؟؟

- خابريه خل يجيب سفري اله

- خاف يرزلني

- لا عليمن يرزلج قابل شمسويه

هنَ جانن يسولفن واني رحت جبت موبايلي وخابرته من شافني اتصل سكتن ..

بقى يدگ تأخر يلا جاوب من رادت المكالمه تنتهي گتله

- الـوو .. هـلا عباس شلونك

نتر بعصبيه

- شكو شتردين؟؟

تفشلت لان صوته مسموع وطالع من الموبايل

- آآءءء .. اليوم غدانه دولمه جيب لنفسك شي من بره

عصب وظل يعيط عليه

- بنت النعل گتلج سوي دولمه تدرين بيه مااكلهه لو هيَ عناد

شفت خالتي وبيبي يباوعن عليه وصوته طالع بالموبايل وجهي صار احمر من الفشله

طلعت من المطبخ ودخلت بغرفتي وسديت الباب

- شبيك تعيط يعني قابل ارفض طلب خالتي واكلهه مااسوي

- يعني تدرين بيه صارلي 6 أشهر ماضايگ اكل البيت كله مطاعم ومعدتي نشفت وهسه جايه تسويلي دولمه ماعولي تجيني خدامه بخلي تالي تعاندين ؟؟

فتحت عيوني مصدومه من كلمته

- خداامه !!!

سكت..//

حسيته يختار الكلام البي تجريح إلي ويطلقه مثل السهام ينبتهه بگلبي !!

- هاي هيَ عباس خدامه خدامه براحتك وكلشي لاتجيب هسه اطبخلك استاذذذذ

شددت على كلمة استاذذ عود خدامته !!

گعدت ع الچربايه بيأس وروحي تريد تطفر كلامه كله تجريح ماادري شيسموهه رد اعتبار ماادري شنـو !!