توأم الروح 💕

😇الجزء الحادي عشر😇

كنظن بالي عرفتو بأنها شركة عائلة جينيڤ... اللي كتخص عائلة ويلسون... كان الأب ديال ويلسون كيدورو و يقيس فالبيرو و هي ترجع بيه الذكريات...
#فلاش باك🔙
كان فڤيلا كبيرة فروسيا و بالضبط فالجردة طفل صغير زعر و عينيه زمردية... كرجري من مور ماماه فرحان و هو كيجري ماماه طاح
ويلسون : مامي😭... مامي مالك😭
بعد مدة..
كانت أم ويلسون مستلقيا على فراشها و راجلها أب ويلسون شاد ليها يديها و كيبكي
الام:(ستيفيني) كريستن ... نتا عارف أنا مريضة بالإيدز و مابقاش عندي بزاف فهاذ الدنيا... عافاك إعتاني بويلسون هو اللي عندي... عافا(و طاحت)
بل ماتت و ويلسون كيغوت و كيبكي و كريستن كيهدنو.
دازت الايام على داك النهار و ويلسون بدا كيكبر و غنركز ليكم فسن الالعشر سنين... و أسوء نهار فحيات ويلسون... # زواج كريستن.... كان ويلسون كيغوت و يبكي
مرات باه :(ناستيا) حبيبي ولدك مسكين ماباغينيش... أنا مابغيتش نخسر ليك علاقتك مع ولدك...
كرستن: بوديكارد ديو ويلسون لبيتو...
إبتاسمات ناستيا بإنتصار بينما ويلسون كيبكي و يغوت غيحماق
#نهاية الفلاش باك🔚
و هو يرجع كريستن الواقع كيبكي و يتحسر...
----------------
لبسات آية حوايج ديال ديما سروال سبورتيڤ و تريكو و هزات تيليفونها و بزطامها و خرجات عند ويلسون... لي غير شافها ضرب وجهو...
آية : بلا متعاود نفس الكاسيطة... هاذي طريقة لبسي مستحيل نبدلها...
ويلسون :(تنهد) إيوا آش غنقول ليك... الله يهديك 😒
و خرجو سدات آية الباب و ركبو فاللوطو و كسيراو حتى وصلو لڤيلة بيف...و هبطو و آية دخلات كتجري و هو يشدها ويلسون من يديها و رجعها
ويلسون : آية😠
آية : 😞
و دخلو بهدوئ و صونا ويلسون و تسناو بينما حلات رنين و طارت على آية بتعنيقة و آية ماتحركاتش...
رنين : مالك
آية كتشير ليد ويلسون لي شادة فيها...
رنين : أحم... ويلسون
ويلسون : اممم
رنين : يدك!
ويلسون شاف فراسو مازال شاد فآية و هو يحيد يدو دغيا و دخل قبل منهم متوتر...
رنين : احح عليك السليعفانة ماكانتش عارفاك كتخافي منو...
آية : لا ماشي خوف...(إبتاسمات) هذا إحترام😌
رنين :لا واقيلا حب
آية : منيتك... زيدي زيدي ندخلو
من بعد دخلو لقاو الدنيا خاويا... و مشاو جلسو فالصالون...
آية : أتي نريكتك فين غبرات ؟
ويلسون :😠
آية : احم بغيت نقول your family
رنين:(ضحكات بسخرية ) مشاو لروسيا عند شي صحابهم تما... مي الشباب المسخوط و المرضي و كريستوف و حضراتي...أنا.. رنين😋
آية : هم...فيناهو جون؟
رنين: آه المسخوط مارجع لبارح تالوحدة الليل و هو كيدور فالبيران... راه باقي ناعس...ينعس ميفيق...
آ

ية : والمرضي ؟
رنين: فالجامعة عندو آخر سنة فالاقتصاد
آية : اممم و سي جون شنو كيدير فحياتو...
رنين : عندو لاليصونص فالهندسة
آية : وااو...صدمتيني... شحال فعرهم
رنين : جوزيف 22 و جون 22
آية : متقوليش ليا 😃...( غوتات) تويييييييينز
رنين : الصمك إن شاء الله
ويلسون : آية الله يهديك
آية : احم ☺... غير تصدمت
رنين : آه بصح ماكيتشابهوش فمرة...
آية : مسيهيط... مسيكبط... مسيخييييط
فجاءتها ضربة من حيث لا تعلم... نعم إنه المسخوط...
جون : أنا مسخوط أمسيسي آه 😑
آية : وانوض اللبعر... و غاضاحكا... 😋
جون :(ناض من فوقها و خنزر فيها ) فيا الجوع...
آية :(بهمس) تاكل فيه الجغديد
جون : 😠
آية : ههه قلت ليك... آه المتكلة واقيلا فالكوزينة...
مشا كيحك ضهرو و لابس حوايج ديال النعاس...
🎶زن.. زن🎶
ويلسون : ألو
جون :(بعد صمت طويل كان كيتنفس و يجمع شتات نفسو) ولدي
تصدم ويلسون و ماقدرش يتحرك... طاح ليه التيلي من يدو و بدات كترجع بيه الذاكرة للنهار لي ماتت فيه ستيفيني و النهار لي تزوج و آخر يوم ليه فڤيلة عائلة جينيڤ...
آية : ويلسون ؟... ويلسون ؟... مالك ويلسون...
بينما آية كتفيق فيه مخلوعة كان عقلو فداك النهار
قبل إثنة عشر سنة...
كان ويلسون طفل فعمر الحادي عشر... كان وجهو حزين و هو كيجمع حوايجو و يخشيهم فباليزتو و بالصدفة دازت ناستيا شافتو آش كيدير و هي ضحك بإستهزاء 😏... و مشات كتجري و هي كدير راسها كتبكي...
ناستيا : كريستن... كح... كح 😢
كريستن :بشويا عليك مالكي
ناستيا: ويلسون 😭... ويلسون كيجمع حوايجو...
كريستن حس بالخلعة و هو يخليها و ضربها بجرية وحدة حتى وصل لبيت ويلسون...
ويلسون كان شاد تصويرتهم العائلية  مع ماماه ستيفيني و جون و كيبكي⬇