توأم الروح 💕

😇الجزء السابع عشر 😇

رنين : كتقصد روزي
كريستوف : روزي😭... آه روزي... البنت الوحيدة لي خلاتني نعرف معنى ااحب الحقيقي و الصدق... حاولت ندير راسي كنبغي وحدا خرا.... و لكن./..ولكن(بداو الدموع كيطيحو كيلحجر و هو كيغوت بصوت باح حزين) و لكن مقدرتش نساهاااااااا... ماقدرتش نخونها ، ماعرفتش فين مشات ، معرفتهاش حية ولا ميتة و لكن كنبغيها... عمركم سولتوني كيفاش تبدلت من ظريف لواحد متحجر آه...
كورتين و فاطمة و رنين كانو كيبكي و اللخرين بقا فيهم و لكن ماعندهاش  الجرأة يجاوبوه
كريستوف : إممم... ماعارفينش...
هز تجاكيطتو و خرج و شي كيبكي و شي كيخمم
---------
كانت آية كتاكل التغرميلة و تفرج فالفيلم و ويلسون ناعس على الفوتوي كيتفرج معاها...
بطلة الفيلم :  Really ... She no longer loves me
(حقا... لم تعد تحبني 😭)
البطل : What if I said yes
(ماذا لو قلت أجل)
البطلة :(بإبتسامة)Then my life will end
(حينها ستنتهي حياتي)
البطل كان كيشوف فيها و هي كتجبد شي حاجة... ناجبدات قرعة صغيرة
البطل: What is that
(ماهذا)
البطلة : Poison killer
(سم قاتل)
البطل: I know you are weak will not be able to drink dear
(أعلم أنك أضعف من أن تقوي على شربه )
البطلة إبتاسمات ليه و حلات القرعة و شرباتها كلها
البطلة :
I really... love you
(حقا... أحبك )
و كانت غطيح و هو يشدها البطل و غوت و هو كيبكي
البطل : nooooooooooooooooo😭

   End
آية :(كتبكي) البطلة مسكينة شربات السم على قبلو... الرجال كلهم فحال فحال... إهئ😭...  ولاد الحرام... الله ينعلهوم...أي
شير عليها ويلسون بمخدة
ويلسون : و أنا بنت ليك سميتي فتيحة
آية : ههه لا نتا نوع ثاني... الرجالة كلهم ولاد الحرام إلا نتا و مازن
ويلسون : يلاه نوضي ترگدي غدا غنغيقو بكري
آية : علاش وقتما مشينا
ويلسون : علاش بالسلامة باش تفيقي ليا تالوحدة... راه غادين لروسيا ماشي الرباط... يلا نوضي تگزعي
آية : ها هيا نايضا...(كتمتم) تنوض ليك حبة فالقزيبة
ويلسون :(هز كاس) تمشي تنعسي و لا تفرشخ مك
ضرباتها بجرية وحدة تالبيتها
-------------
كان كريستوف فكافي راقية و هادئة... كياخد رشفة من القهوة اللي عمرات بدموعو... و كيرجع بذكرياتو مع روزي مين مشا معاها لافوار و البحر و الواد و مين لبسات الطالون أول مرة و جات طايحة فالشاريع...  شويا هي تبان ليه روزي طاحت قدامو
روزي: أي أميمتي جبت الربحة...(هزات راسها شافت فيه) كتشوف فيا بلاصت متعاوني أوجه الهم
كريستوف كان مصدوم مامصدقش
روزي : واتانوض
إبتاسم و ناض لعندها و يلاه جا يشدها و هي تختافي... وطاح الأرض كيكمل بكاه
🌄أصبحنا و أصبح الملك لله 🌄
ويلسون دخل لبيت آية مشا حل الشرجم و مشا لعندها
ويلسون : نوضي أوجه النحس
آية :(ناضت خنزرات فيه) هاذي طريقة همجية لي كتفيق بيها أنثى رقيقة فحالي الهمجي
و رجات تخشات فالفراش
ويلسون : نتي ميفلحش معا مك الهضرة
ناض و هز ريحتها المفضلة و رشها
آية بدات كتشمشم و هي تلوح الغطا و مشا عندو كيلبرق خدات ريحتها و باستها و عنقاتها
آية : بنتي متخافيش... نتي فأمان دابا
ويلسون : سبيطار بحدها هاذ المخلوقة...
حطات آية الريحة و دارت عندو كتشوفيه شوفة القتيلة
ويلسون : نتي لي مابغيتيش تفيقي
آية : محاولة قتل مع سابق التصرد و الترصد... عقوبتها الإعدام شنقا مع الحرق و زرع الورود فوق ترابك
ويلسون : هاهيا بدات ثاني... سيري قوليها غاصحيحا قالت ليك التصرد
آية خنزرات فيه و مشات للدوش
🕛تيك توك 🕛
خرجات كتجرجر فباليزتها
آية : أنا واجدة
ويلسون : يلاه
خرجو و سد ويلسون الباب مزيان
ويلسون : السلام
الراجل : و عليكم و السلام
آية : شكون هذا ؟
ويلسون : عساس جبتو يعس الدار و حنا غايبن...
آية : غايوماين
ويلسون : يالاه
آية : كنحس بيه ماناويش يرجع...
---------
كان كريستوف طايح من فوق الناموسية ديال الفندق...
📳رن..  رن📳
بدا كيقلب على التيلي... و هو يهز التيليكموند ديال الكليماتيزور
كريستوف :(بصوت نعسان)ألو............. ألو
شاف فالتيليكمود... حطها و هز التيلي
كريستوف : إلو
رنين: (كتبكي) كريستوف .... عتق... جدي...إهئ😭 ******