توأم الروح 💕

😇الجزء الثامن 😇

دار كريستوف بهدوء و برود شاف فيها كضحك و تفرس و هي تجيه الضحكة و كيحاول ميبنش
كريستوف : علاش جيتي؟😅
لمار: علاش مابغيتينيش نجي😑
كريستوف : تعجبت من هاد الزيارة المفاجأة و صافي
لمار: دوش بعدا  عاد نهضرو فالجردة
كريستوف : واخا.
............
كانت آية خارجة من القسم كتفوه
آية : تفو هاد الاستاذ معقد جابليا النعاس
رنين : واييه...كون غير جابو لينا شي واحد تيتيز نخضرو عينينا
من موراهم
ويلسون : و آش بان ليكم نزرقها ليكم...
آية : لا خليها قهويا😋
ويلسون : يالاه...راه مازن بغا يقول لينا شي حاجة
آية : شناهيا؟؟؟
ويلسون : و أنا آش عرفتي زيدي و سكتي
...................
كان كريستوف هابط من الدروج و كينشف شعرو... تاوصل للجردة و جلس فالكرسي لي حدا لما...
كريستوف :فاش بغيتي تهضري
كانت كتشوف فالبيسين مين سمعان صوتو دارت عندو تاتقابلو الاوجه و حمار ليها وجهها و هو يهز يدو كيقيس حرارتها...
كريستوف : سخونة
لما:(بدهشة) ها
كريستوف : فين سهيتي ؟؟
لما: لا معاك
كريستوف :المهم شنو بغيتي تقولي...
لما: كريستوف..
كريستوف : اممم.
لما : Invincible
كريستوف :(بجدية ) علاش جبدتي هاذ الموضوع
لما : شحال قدك تخبي
لما: نتا عارف مزيان بلي من المستحيل نقول شي حاجة... مي كنتعجب ان حاجة فحال هاذي مخبيها على العالم
كريستوف : نساي... غتبقاي معانا
لما : لا(هزات صاكها) غنمشي... و متنساش... شخصيتك كتبقا شخصيتك شحال قدك تخبيها
و خرجات و خلاتو فحيرة
.........
دخلات آية كتجري تا وصلات الصالون بقات مازن كيشرب القهوة ببرود و هي تنضابط و جلسات و تبعها ويلسون و رنين
مازن:(هز راسو) الاميرة الغاملة جيتي
آية : المهم آش بغيتي
مازن : مال مو(لاحظ رنين) Bonjour M.Quoi??
رنين: رنين... سميتي رنين
مازن : تشرفنا
رنين : الشرف ليا
آية : واش هذا وقت التعارف...دوي آش بغيتي
مازن : امممم
آية مازن ؟؟ باغي دير ليا السكر...دوييييي
مازن :(بالزربة) غنسافر
آية : ياك قلتي صلحتو المشكلة
مازن : آه و لكن فقدنا شراكة بمية مليون
آية :هاه(جات طايحة على الفوتوي بالصدمة)
مازن : مي متخافيش يمكن ليا نصلح المشكلة
آية :(بلا متشوف فيه) شحال؟
مازن :(هبط راسو) يمكن عام و يمكن زوج و يمكن كثر
آية : امم فهمت...
ناضت لبسات سبرديلتها و هو يتبعها ويلسون و تبعاتهم رنين... اما آية فوصلات لغابة و تكات على شجرة
----------
كان ويلسون و رنين مخبيين و كيشوفو فيها و كيوشوشو
رنين : شغانديو دابا
ويلسون : انا عارف كيفاش نفرحها
رنين : يالاه سير آش كتسنا
-----
مشا ويلسون و تكا على الشجرة لي متكيا عليها من اللور...
ويلسون : انا معاك
آية :(ضحكات بإستهزاء) نتا دايما معايا... مين كنكون فرحانة و مين كنكون حزينة فحال دابا و مين كنكون معصبة و مين كنكون مريضة و مين كنكون واحلة... ..ويلسون(...) ماكنتوقعش حياتي بلا بيك
كانو هاذ 5 الكلمات كافيين باش يخليو قلب ويلسون يضرب و يكون فصراع مع العقل الي خسر قدامو بعد الاشواط الاضافية...هز راسو كيشوف فالسما و كيضحك
ويلسون :(فنفسو) يكفي أن تكون لي قيمة في حياتك... انا لا أريد شيئا بعد الان و لن أطالب بالمزيد