توأم الروح 💕

😇الجزء الثالث عشر😇

كانت آية لابسة كسوة طويلة و هازة صاك فيه فوطا و لومبر ديال الشمس... اما ويلسون لابس شورط و دوني و هاز تاهو صاك...
ويلسون : واجدة ؟
آية : آه...يالاه دغيا را تعطلنا
ويلسون : عنداك تنساي شي حاجة
آية :لا... والو
و خرجات كتجري اللوطو و هو تابعها تابان ليه صاكها
ويلسون : هاذ المكلخة... و كتقواك مانسات تاحاجة...
و خرج اللوطو تاهو و لاح صاكها اللور و هي كتشوف فالصاك و فيه و كدير ضحكة صفرا
آية : ههه سبحان اللي مينسا😅
ويلسون شاف و تنهد بلاحول و لا قوة إلا بالله و كمل طريقو...
ويلسون : آية ؟
آية : امم
ويلسون : انا....
دارت كتشوف فيه شنو بغا يقول و هو حبس اللوطو بما انهم وصلو للبحر و كيشوف فيها مثوثر...
ويلسون : انا ... انا
آية : نتا شنو
شويا حلات رنين الباب على آية
رنين: يالاه دغيا...
آية : امم واخا...ولكن ويلسون شنو بغيتي تقول
ويلسون :(إبتاسم ) ماشي شي حاجة... تال من بعد
آية : اوك على راحتك
و هبطات و هزات صاكها و خرج ويلسون و تبعو كريستوف و بداو يخنزو...
كريستوف : نهز عليك صاكك
آية : لا مرتاحة هاكدا
رنين : ماحشمتيش أولد كورتين ماهزيتيهش تا على ختك
كريستوف :( و هو كيشوف فويلسون) حيث هاذي حبيبتي
ويلسون زير على يدو و دور وجهو
آية : هيهي كوتي بالسم 😜
رنين :😒
آية و رنين كملو طريقهم كيضحكو و الدراري من موراهم... كراو مضل و الكراسا و جلسو و رنين فيها الدودة و لا هي بغات تجلس
آية : رنين جلسي الله يهديك
رنين :  يالاه نعومو هالعار
ويلسون : بدلي حوايجك انا نعوم معاك
رنين : العز ✌
آية : تا أنا غنمشي معاكم
ويلسون : يالاه
حيدات رنين حوايجها كانت لابسة شورط قصير و ميني بوك و آية فحالها و ويلسون حيد تريكوه و هوما يبانو عضلاتو
رنين : آش هادشي أويلسون
ويلسون : تامارة ديال 12 عام
رنين : 12 و لكن را هادشي عندك واعر عضلات ثمانية
آية : هاذيك آه كتعنبي على الراجل و لا مالكي
رنين : نتي لي مالكي ؟ عادي😒
كريستوف حيد حوايجو معصب ماحاملش أن ويلسون لياقتو حسن منو
آية دارت عند كريستوف
آية : تعنبي على خوك
رنين : عندو غير 6
ويلسون شاف فكريستوف و ضحك بإستهزاء 😏
ويلسون : يالاه نمشيو دابا...آية نتي ماكتعرفيش تعومي مدخليش لداخل
آية : فراسك الاهانة كيعاقب عليها القانون😑
ويلسون : سمعي الهضرة بلاما تعرضي الدستور ديالك
شافت تاعيات و كملات طريقها للبحر... كان ويلسون لداخل كيلعب مع رنين و كيضحكو..
آية : تهجرو إن شاء الله😑
كريستوف رش عليها اللما دارت عندو رشات عليه تاهي و بداو يضحكو و كريستوف فرحان لفرحتها... اما عند رنين فبدات كتعوم و ضحك و ويلسون دار كيشوف فيهم كيضحكو بملامح ممحية حتى كيدور كيلقا رنين كتغرق... تخشا كيجبدها و طلعها و هي كتنفس
رنين : ش... شكرا
ويلسون : لا سمحيليا ماشتكش
رنين : ههه ويلي صافي صحابليا غنودع 😂😂
ويلسون :(كان شادها فيديها) يالاه نخرجو... دابا إستهلكتي  بزاف ديال الاكسجين خاصنا نرجعو
رنين : واخا
و بداو كيخرجو.  هو شاد ليها فيديها بما انها إستنفذات طاقتها...
و آية سهات كتشوف فيهم و كريستوف كيشوف فيها...
آية : انا خارجا عيت
و خرجات و تبعها كريستوف...  مع وصلات و هي تلقا ويلسون كينشف لرنين شعرها و هي ساهيا فيه... كملات طريقها هزات الفوطة كتنشف شعرها و جلسات...
ويلسون :  آية... مالكي قالبا وجهك
آية : ماماليش😒
ويلسون :(شاف فكريستوف) شنو وقع؟
كريستوف دور وجهو و ويلسون كيشوف فرنين
ويلسون : مال هاذو...
رنين : مانعرف...
ويلسون : المهم أنا غنمشي ندوش هنا و نرجع...
رنين : صافي سير
هز صاكو و شاف فآية و كمل طريقو... و آية دارت كتشوفو غادي
كريستوف : تا أنا غادي
رنين : سير
هز تاهو صاكو و كمل طريقو
رنين:(بحماس) آية😊
آية : مالكي؟؟
رنين : غنقوليك واحد الحاجة غتفاجأك
آية : شنو؟؟
رنين : وليت ***** ******
آية :(بصدمة ) ها
-----------
خرج ويلسون بعدما خسل وسالا و لبس حوايجو... وهز صاكو
كريستوف : بغيت نهضر معاك
ويلسون : معانا فاش نهضرو
و كمل طريقو...
كريستوف : على آية
و هو يحبس ويلسون... و دار عندو...
كريستوف : آية مستحيل تكون ليك... حيث كتعتابرك فحال خوها و صافي... نتا شوف ليك شي وحدة فحالك...( بسخرية ) اللقيط😏
ويلسون : ش
آية : شنو قلتي 😠
كريستوف :(مصدوم) آ... آية
آية قربات منو و صرفقاتو بالجهد و هو مصدوم ماكيتحركش
آية : نتا الزبل تقول على سيدك لقيط... ههههههههههه 😂😂... و لا يكون سحابليك تصاحبت معاك غتعاير الناس لي كنبغيك و لا غنضعف قدامك ... ها
ويلسون كان كيسمع و قلبو كيضرب و الابتسامة ماباغاش تحيد من وجهو
آية : هاذاك لي قلتي عليه لقيط أغلى شخص عندي حتى كثر من خويا... و تجي نتا لي عرفتك غا لبارح تعايرو... من اليوم مابغيتش نشوفك قدامي... اصلا هذا آخر نهار ليا فهذا الدولة...
تفلات عليه و دارت شدات فيد ويلسون و كملات طريقها...
رنين : كريستوف... خطأتي
كريستوف كان مصدوم ماقادرش يتحرك من الصدمة...و رنين تاهي بلا فيها الحال حيث غتخسر صاحبتها الوحيدة
فاللوطو🚘
آية كتهدن راسها
ويلسون : آية سمحي ليا عصبت
ماخلاتوش يكمل هضرتو تاطارت عنقاتو كتبكي و هو كيحك ليه شعرها بشويا... هاذي هي طبيعتها مين متعصب كتبكي و كيهدأها درعها البشري... قربات ليه و زيرات عليه تانعسات إبتاسم ليها و هزها حطها بشويا اللور و كسيرا الدار حطها فناموسيتها بقات كيشوف فيها