#نوفيلا
زواج تبع العادات
الفصل الاول
بإحدي قصور القاهره الفخمه الذي يتميز بالعراقه والأصاله ، والمزين بإسم عائله الأنصاري ، إجتمع كامل الأنصاري بولديه أحمد وحازم
كامل :- ها ياحازم كلمت بنتك
حازم بحرج :- والله يابابا هي لسه عند موقفها
انتفض كامل متحدثاً بغضب :- يعني اي عند موقفها ، علي أخر الزمن حتت عيله هتغير عادات العيله عايزه تهد الإمبراطوريه اللي قعدت سنين ابني فيها ، دا لا يمكن يحصل أبدا وفهمها دا كويس هتتجوز ابن عمها غصب عنها
حاول أحمد تهدئه والده :- خلاص يابابا إهدي انا هتكلم معاها
كامل :- إنتم اللي معرفتوش تربوا أولادكم علي انهم يعملوا لمصلحة العيله
حازم بهدؤ :- يابابا دا جواز يعني كل واحد يختار شريك حياته
كامل :- أفهم من كلامك انك هتخرج عن طوعي انت وبنتك
احمد لإنقاذ الموقف :- حازم ميقصدش يابابا ، انا هقنعها
انتهي الحوار بغضب كامل وعوده حازم إلي شركته
********____********
بإنجلترا
بقصر أمجد الانصاري الذي تميز بالرقي فقد صمم بمواصفات خاصه علي ذوق امجد
فهد :- لا يابابا انا مش هرجع مصر
أمجد :- ليه بس يافادي انت مش عايز تعرف عائلتك
ميرا :- انا زهقت من العيشه هنا وعايزه ارجع
فهد :- إنتي حرا ياميرا لكن أنا مش راجع انا عشت هنا طول عمري ، وحابب الحياه هنا كفايه إن مفيش حد بيتدخل في حياتي ، وكمان تفكير جدك المتوارث دا أنا رافضه تماما
رحمه :- المناقشه دي هتبقي زي كل مره مش هنعرف نأخذ قرار
أمجد :- انا خلاص يارحمه تعبت أنا ربتهم علي الحريه وإنهم ياخدوا قرارتهم من غير ضغوط ويتحملوا نتائجها
فهد :- خلاص سافروا إنتم وأنا وقت ما أحب أرجع مصر هاجي
رحمه :- هتفضل لحد أمته عايش للدراسه والشغل ، في جانب تاني لازم يكون ليه مكان في حياتك
ميرا :- أيوه ياماما قوليله إنه لازم يتجوز
فهد وهو يلملم اغراضه :- الكلام في الموضوع دا بدون فائده أنا مش بفكر في الجواز دلوقت ، عن إذنكم انا كدا هتأخر علي الجامعه
ميرا :- إستني وصلني في طريقك ، وأردفت وهي ترسل لوالديها قبله في الهواء :- سلام
رحمه :- عاجبك عمايل إبنك ياأمجد
أمجد :- مش إنتي اللي صممتي علي العيشه هنا بعيد عن العيله وتحكمات بابا
رحمه :- يعني إنت موافق علي قرارات عمي دي ، يعني أي الولاد مالهمش رأي في قرار مصيري زي دا ، طب إحنا وكنا بنحب بعض من صغرنا ، وأخواتك كمان كانوا معارضين بس مش قدروا يقفوا قدامه
