#نوفيلا
زواج تبع العادات
الفصل الثاني
بمجموعه شركات الأنصاري للإنشاء والتعمير
بمكتب مدير الشركه
دلفت السكرتيره حامله بعض الملفات لعرضها عليه
وضعتهم امامه علي المكتب :- إتفضل حضرتك دي كل الملفات المطلوبه للاجتماع
عدي :- أجلي الإجتماع نص ساعه علي ما اراجعهم
غادرت السكرتيره وبدأ بمراجعة تلك الملفات بوقت قياسي ولما لا فهو عدي الإنصاري مدير تلك الشركات العملاقه رغم صغر سنه إلا أنه أثبت كفاءته وإستحق ذالك المنصب عن جداره
طرق أحد المهندسين باب مكتبه فأذن له عدي بالدخول
فأردف :- ها ياعدي بيه خلصت ولا لسه الناس منتظره في الميتنج روم
عدي وهو ينظر بالاب توب :- أيوه خلصت خد الملفات وأنا هحصلك
*****
بغرفة الإجتماعات
أحد المهندسين :- أنا شايف يافندم إن دا التصميم المناسب للمشروع
عدي بنظره سريعه علي التصميم :- لأ في أحسن من كدا ،التصميم دا يكون جاهز علي مكتبي بعد يومين
إنتهي الإجتماع بعد فتره غادر الجميع وتبقي عدي والمهندس الإستشاري
عدي :- في مهندسين جدد هيتدربوا عندنا
المهندس :- لأ مفيش
عدي :- إحتمال تيجي مهندسه بكرا دي متوصي عليها من حازم الأنصاري شخصياً
المهندس بدهشه :- بس دي أول مره حازم بيه يوصي علي حد
عدي وهو يلملم الأوراق :- حكم القوي بقي
المهندس بصدمه اكبر :- معقول كامل باشا الأنصاري
عدي :- لأ طبعاً جدي بيكره الموضوع دا في الشغل
ذهب كلاً منهم إلي مكتبه لإنجاز عمله
********
بقصر الإنصاري
يجلس أحمد بجانب والده
أحمد :- بلاش حضرتك تسافر المره دي ، هسافر انأ اتمم الصفقه وأشوف أمجد هينزل امته
كامل بتفكير فهو لا يريد الصدام مع أحفاده :- خلاص ياأحمد سافر انت وعدي هيقدر يدير الشركات هو وشهاب
أحمد :- طب وحازم يابابا أرجوك مش تضغط عليه ، حضرتك عارف مليكه تبقي بالنسبه ليه أي وكفايه اللي جري ليه زمان
كامل بعصبيه :- يعني اللي عمله كان صح ، وانت بتدافع عنه
احمد بهدؤ :- لا يابابا أنا مش بدافع عنه ، بس أنا أقصد إن اللي عمله كان نتيجه الضغط اللي إتعرض ليه من العيله وقتها ، خلاه يعمل كدا كنوع من العناد مش اكتر ، وأكمل وهو ينظر أرضاً:- وإنه يقدر يتحدي حضرتك ، أسف يابابا علي كلامي بس حضرتك عارفه اكتر مني
