#نوفيلا
زواج تبع العادات
الفصل السادس
داخل مكتب عدي بمقر الأنصاري جروب
صدم الجميع من رؤية التصميم الأخر فقد كان نفس الفكره وكأنها طبعت لنسختين ، وزع عدي نظراته بينهم بإستغراب أيعقل هذا
عدي :- لو إني متأكد إنكم أول مره تتقابلوا كنت قولت إنكم واخدين الفكره من بعض ، بس بجد براڤوا عليكي يافريده إنك تصممي مشروع زي دا في ليله واحده بجد أبهرتيني
إبتسمت فريده علي كلماته التي تقوي عزيمتها
شهاب :- معقول عملتي دا في ليله واحده ، دا إنا شغال عليه بقالي أربع أيام
فريده :- لما الإنسان يكون عنده عزيمه وإراده لعمل شئ ربنا بيوفقه فيه
عدي :- عندك حق ، والتصميم بجد ممتاز وإن شاء الله هيبقي هو اللي هنشتغل عليه
شهاب :- طب وأنا ياعدي يعني إسمها هي اللي هيبقي عليه
فريده بتسامح :- خلاص ياباشمهندس طالما التصميم طلع نفس الشكل يبقي بإسمنا إحنا الإثنين
عدي بأعجاب :- أي رأيك ياشهاب
شهاب :- أوك مفيش مشكله
وقفت فريده ونظرت بالساعه التي بيدها :- طب بعد إذنكم كدا المحاضره هتفوتني
عدي :- إتفضلي
شهاب بدهشه :- أي دا هي لسه بتدرس
عدي بإعجاب بها :- تخيل ، لا وعندها طاقه رهيبه عايزه تثبت وجودها ودي أول خطوه
شهاب :- بس شكلي ظلمتها لما أهنتها علشان كانت بتتكلم في الفون
عدي :- خلاص يبقي تعتذر
هب واقفاً ليلخق بها ، أوقفه صوت عدي :- أي رايح فين
شهاب :- هلحقها
عدي :- إبقي إعتذرلها لما تيجي الشركه بكرا بإذن الله ، جلس سوياً لمناقشه بعض الملفات وكلفه عدي بتولي الإشراف علي المشروع وبدأ العمل به
غادر شهاب إلي مكتبه
**********
بالجامعه
إلتقت مليكه بفريده التي أتت علي عجاله
مليكه :- ها عملتي أي شكلك مبسوطه
فريده :- مبسوطه جداً الباشمهندس عدي عجبه التصميم جداً بس في حاجه غريبه حصلت
مليكه بلهفه :- في أي إحكيلي
فريده :- بعد المحاضره هقولك علشان كدا هتأخر
مليكه :- أوك هروح أنا كمان باقي نص ساعه علي المحاضره بتاعتي
صدح هاتفها وأضاءت الشاشه بإسم صديق الطفوله ليدو
