#المهمه٢. ٢٠&٢١&٢٢
الحلقه٢٠
( يا أحلي نوبات جنوني)
اميره دخلت المطبخ مع سناء تحضر الغداء
ياسين دخل وراها
ياسين : سناء اطلعي بره عايز اتكلم مع اميره
اميره : لا خليكي يا سناء
ياسين بعصبيه : اطلعي يا سناء
سناء طلعت جري علي بره
اميره : ياسين بجد تعبت من الجري انهارده .. خليني اكمل الغداء عشان العيال جعانين
ياسين : مين فارس
اميره : عميل وصاحب خالد
ياسين : بس
اميره : بس
ياسين : طيب عايزه تطلقي ليه
اميره : مش عارف ليه .. اقولك .. انت مسافر ومش بتكلمني وله بطمني عليك .. هتجنن عليك .. بتحملني مسؤليه موت ابني . وانت عارف انا مليش ذنب . كسرتني بغيابك وجرحتني ..
ياسين : انا سافرت لاني كنت حاسس اني عاجز مش عارف احميكي .
اميره : مش عارف تحميني تروح مسافر . انت سامع نفسك
ياسين : انا كنت مخنوق وندمان اني وافقتك . وبعدين انا كنت بطمن عليكي من خالد
اميره : اه خالد صحبك اللي مفروض بيقوم بوجباتك بياخد باله مني بيشوفني محتاجه ايه وكمان بيدعمني
ده اسمه ايه
ياسين مش عارف يرد عليها مكنش واخد باله من كل ده
اميره : ها سكت ليه
ياسين بضيق: انا هطلع اغير هدومي
اميره حاسه بياسين مضايق وزعل من الكلام .. بس هي دي الحقيقه لازم يفهم انها تعبت وانه غلط اما سافر
اميره خلصت الغداء هي وسناء وحضرت الاكل علي السفره
ياسين وكلهم متجمعين وبيتغدو مع بعض
الاولاد فرحانين بياسين
والكل حاسس بالامان
ياسين استغبي نفسه علي اللي عملو . بعد اما خلصو اكل الاولاد خلصوا اللي وراهم ولعبو مع ياسين وبعدين اتعشو ونامو .. كل ده وياسين واميره مش بيكلمو بعض
طلعو علي اوضتهم كل واحد خايف يقرب من التاني
ياسين : مش هتنامي
اميره : اه هنام عشان عندي شغل
ياسين : مفيش شغل
اميره : ليه بقي إن شاء الله
ياسين : هو كده
اميره : من امتي وانت بتعمل كده
ياسين : انتي ليه نزلتي اشتغلتي
اميره : عشان كنت مخنوقه ونفسيتي تعبانه
ياسين : انا جيت اهو ونفسيتك مش هتتعب
اميره : والله علي الاساس انك محور الكون .. بطل بقي . ايه اللي حصلك
ياسين : ابطل ايه انتي بجد اتجنينتي .. تعالي نامي
اميره : لا مش هنام جنبك . انا هنام علي الكنبه
ياسين : مفيش نوم علي الكنبه
اميره بعند : هنام علي الكنبه
واقعدت علي الكنبه ولسه هتنام . ياسين راح شالها ونيمها علي السرير وشدها لحضنه . حولت تفك نفسها منه بس مش عارفه
ياسين : متحوليش هتنامي في حضني وغمض عينه
اميره ابتسمت وغمضت عينيها . ونامت وهي حاسه بالامان
[٢٦/٦ ٨،٠٨ م] Yasmeen: #المهمه٢
الحلقه٢١
(يا اعدل الناس إلا في معاملتي. فيك الخصام وانت الخصم والحكم)
اميره صحيت من النوم وهي فرحانه . حاسه بالامان . اخيراً ياسين معاها فضلت تتامل فيه بحب بتحاول تشبع منه . اول ما حاسته ان ياسين هيفوق غمضت عينيها
ياسين بيفتح عنيها وهو لسه حضنها . استغبي نفسه عشان بعد عنها . مع ان البعد زود حبها في قلبه . بس الغيره زادت . افتكر فارس والطريقه اللي كان ببكلم بيها اميره . دي اميرتي انا . بتاعتي .
قام من جنبها ودخل الحمام . هي اتنرفزت منه . ازاي يقوم كده بسهوله ده حتي ..مش صلحها..
