: #المهمه٢. ١٧&١٨&١٩
الحلقه١٧
(في الحب والحرب كل شئ مباح)
اميره كانت بتنزل الشركه واندمجت في الشغل .. والشركه ابتدت تكبر ويبقي ليها اسم وطبعاً خالد واحمد مع اميره
مفيش اي اخبار عن ياسين . ونوعا ما اميره ابتدت تيأس انه يرجع
اميره في المكتب ومني السكرتيره معاها
مني : احنا عندنا مشكله مع شركه الغندور .ومدير الشركه طالب اجتماع ضروري
اميره : اوكي .. حددي الاجتماع انهارده علي الساعه ٢
مني : حضرتك عايزه حاجه تاني
اميره : لا . اتفضلي انتي . وسيبي ملف شركه الغندور
في اوضه الاجتماعات
اميره : كده الساعه ٢ وربع .. انا مبحبش كده .. لو جه الاستاذ قوليلو ان الاجتماع اتلغي . عشان بعد كده يحترم المواعيد
اميره لسه هتخرج وخبطت في واحد
هو رفع نضاره الشمس وصفر
اميره : انت عبيط .. احنا في شركه محترمه . اطلع بره .بدل ما اخلي الجارد يطردوك
هو : استرونج انتي صح
اميره : مني اطلبي الامن يجي يشيلو ده ويرمو في الزباله
مني قربت منها : حضرتك ده فارس بيه الغندور .
اميره : وايه يعني . حضرتك الاجتماع اتلغي واطلع بره . خرجت وراحت علي مكتبها
( فارس الغندور رجل اعمال عنده ٣٠سنه . عازب طويل وعريض وشعره اسود . ووسيم )
فارس : الو .. ايوه تعالي شوف ياعم البوتجاز اللي انت مشغله هنا . انا في شركتك
بعد ربع ساعه دخل خالد وهو بيضحك
خالد : حبيب قلبي . واحشني يا عم
فارس : وانت والله يا شبح .. قولي ياعم البوتجاز اللي عندك ده
خالد : اميره .. دي عسل حرام عليك
فارس : من اول اما جيت وهي عماله تصرخ في وشي وطردتني . بس عشانك انا ساكت
خالد : اكيد انت عملتلها حاجه.. تعال معايا
خالد راح علي مكتب اميره وخبط
اميره : ادخل
خالد : صباح النور علي العسل
اميره : هههههه صباح الخير . تعال
خالد دخل وفارس كمان
اميره : انت تعرف الاستاذ
خالد : ده فارس صحبي .. هو عملك ايه
اميره : اتاخر علي الميعاد بتاع الاجتماع . ووبس
خالد : معلش يا ميرو
فارس : هو مين اللي شغال عند مين
خالد : فارس اميره دي مش شغاله عندي .. دي هي اهم واحده في الشركه .. هي اللي كبرتها وبعدين غلاوتها عندي كبيره
اميره : وانا عشان خطرك هعمل الاجتماع مع مستر فارس
وانت معانا
ابتدي الاجتماع
فارس : اولاً انا عايز اغير الامن الموجود في الشركه كله
اميره : ايه السبب . دول بيبقو مدربين علي اعلي مستوي
فارس : انا داخل في صفقه كبيره ومحتاج الامن يبقو اكتر ومحترفين اكتر من دول وكمان عايز علي الفبلا بتاعتي يبق في امن . وطقم حراسه شخصي علي اعلي مستوي
خالد : هو في تهديدات تاني جتلك
فارس : اه يا خالد والمره دي بيهددو باختي وانت عارف مليش غيرها
خالد : انا هعرف مين اللي بيبعت تهديد ولحد الوقت ده اميره هتبق معاك وهتختار اكيد اقوي حراسه
اميره : ما تقلقش يا فندم . لو تحب من النهارده بس حضىرتك حدد عايز كام شخص . ومكان الفيلا و ممكن لو تختار اللي الجارد بنفسك . اللي يريحك انا معاك
خالد : انا همشي انا عشان عندي شغل . اميره عايزه حاجه
اميره : شكراً يا خالد
فارس : سلام يا صحبي
خرج خالد . وفارس كان مع اميره بتعرض عليه الصور بتاعت افراد الامن وهو يختار
فارس : كفايه كده انهارده .. وبكره نبق نحدد ميعاد
اميره : اوك . بس ياريت لو حضرتك تجيب صور للفيلا من بره عشان التامين
فارس : اوك .. فرصه سعيده واتشرفت بيكي
اميره : انا اسعد حضرتك
فارس سلم علي اميره وهو فرحان ومشي
فارس في نفسه عسوله اوي
اميره سرحانه في ياسين ..
رجعت البيت
ام ياسين : عامله ايه يا اميره . شكلك تعبان
اميره : الحمد لله . مجرد ارهاق من الشغل
ام ياسين : لو تعبانه اقعدي
اميره : لا بسلي نفسي .. احسن من التفكير
ام ياسين حضنتها : ربنا يبعد عنك الشر ويهديه
اميره بتغير الموضوع : الاولاد فين ..
ام ياسين : نايمين .. انت مش هتاكلي
اميره : لا .. هطلع انام عشان بكره عندي اجتماع مهم
ام ياسين : ربنا معاكي ياحبيبتي
اميره باستها وطلعت علي الاوضه .. طلعت تيشرت لياسين وحضنته وهي بتفتكره .. فضلت تشم ريحه التيشرت
اميره : لسه ريحته فيها .. واحشتني اوي بقالك ٣ شهور . مش كفايه لحد كده .
اميره بترد علي نفسها : كفايه انتي ضعف .. لحد امتي هتفضلي تفكري فيه .. انسيه .. وابدي من جديد
اميره : ابدأ ازاي ده جوزي وحبيبي .. هو سهل انسي
اميره بترد علي نفسها : طول ما انتي ضعيفه كده مش هيرجع .
اميره : طيب هعمل ايه واحشني اووي
اميره بترد علي نفسها : لازم يحس انك هتضيعي منه .. مش هو بيهرب منك ومن حبك . عرفيه انك كرهتيه وعايزه تطلقي . عشان يرجع . ووقتها انتي اللي تلعبي 😏
