#نوفيلا حب عسكري💖
البارت ٦
استغفر الله العظيم واتوب إليه
مر شهر بعد خطوبه خديجه واحمد والاجواء هاديه
احمد كل يوم بيقرب اكتر من خديجه والحب ما بينهم مشعلل😍
ياسين في المكتب ومجتمع مع احمد وخالد وفريق من العمليات الخاصه
ياسين : ماري في مصر
احمد بصدمه : نعم ماري
خالد : ماري مسكت شغل مارك (ابوها) بعد اما مات وبقت ليها اسم في المافيا العالميه
ياسين : المشكله مش في كده . المشكله انها نزلت في الوقت ده وهي عارفه انها هيتقبض عليها هنا .
احمد : اكيد في حاجه في دماغها . تفتكر جايه تنتقم
ياسين : مش عارف بس لازم نقبض عليها . هي نزله باسم غير اسمها وبطريقه خافيه بس بطريقتنا عارفنا انها هي .
المدير ادهم دخل عليهم كلهم قامو ادو التحيه وقاعدو وهو قاعد علي رأس الاجتماع
المدير : اظن انكم عرفتو بخبر نزول ماري بنت مارك . الملف بتاع القضيه اتفتح تاني . لان ماري ليها علاقه بتنظيمات ارهابيه . ده غير السلاح والمخدرات والدعاره.
احمد : الملف القديم اتقفل بموت مارك .
المدير : الملف الجديد مرتبط بالقديم . ياسين هو اللي هيكون مسؤل قدامي مع خالد وطبعا انت يا احمد لانكم عندكم فكره عن القضيه . ومعاكم كل الصلاحيات . في اسرع وقت ممكن. تقبضو عليها وتعرفو ايه سبب الزياره لمصر وبتتعامل مع مين بالظبط
الكل : تمام
المدير : ربنا معاكم .
كلهم رجعو علي مكتب ياسين . والقلق باين عليهم
ياسين : لازم نزود الحراسه علي البيت
خالد : لازم اميره تعرف .
ياسين : لا . هتفضل قلقانه طول الوقت .
خالد : اميره لو عرفت هتسهل علينا حمايتها هي والولاد متنساش انك كنت مدربها وبتعرف تستخدم السلاح وكمان بتعرف تدافع عن نفسها .
ياسين : هفكر يا خالد . انا دماغي مقلوبه
خالد : احمد انت ايه رايك .
احمد سرحان .. خالد بصوت عالي : احمد
احمد: ايه في ايه تاني
خالد : بقول لياسين يقول لاميره علي ماري
احمد : طبعا لازم يقولها . المشكله مش في كده
خالد : في ايه يا احمد ما تتكلم
احمد : ماري ممكن تأذي خديجه . متنساش اننا كنا علي علاقه مع بعض . واكيد عرفت اني خطبت . انا خايف تنتفم من خديجه
ياسين : احتمال . احنا لازم ناخد بالنا من كل كبيره وصغيره . مش عايزين اي غلطه . الموضوع مش سهل .
