#المهمه٢. ٤&٥&٦
الحلقه ٤
(كان سيدنا محمد صلي الله عليه وسلم يقول في الشده :: إني عبد الله ولن يضيعني)
ياسين واميره والولاد اتجمعو للعشا .. بعد العشا
ياسين : انا عايزكم في موضوع .. تعالو ..
دخلو كلهم .. وقاعدو
ياسين: ايه اللي حجصل انهارده في المدرسه ياسيف .. ممكن تحكيلي بالتفصيل
سيف : حاضر يابابي .. الواد حسن كل شويه يجي يشد شعر نور .. وبعدين يجري .. فانا قولتله احترم نفسك .. راح زقني وقالي انه هيضرب سما ونور . بس رحت قولتله اني هضربه لو ضربهم . فزقني تاني. وانا قومت ضربته . وبس الميس جت .. وعرفت الحكايه . وزعقت.. وقالتلي انه مش هيضربهم تاني.. بس يابابي
ياسين بص لاميره وسكت 😞
اميره : ليه مقولتش من الاول ياسيف ان الموضوع كده
سيف : انتي يامامي مش سمعتيني . وفضلتي تزعقي .. لكن بابي سألني براحه
اميره قامت وحضنت ابنها وباسته : انا اسف يا حبيبي .. انا غلطانه كنت مضيقه شويه . متزعلش مني 😳
سيف : انا مش زعلان خلاص 💁
اميره: انا فرحانه بيك .. عشان بتخلي بالك علي اخواتك .. بس ممكن اقولك علي حاجه
سيف : قولي يا مامي
اميره : اما يحصل موقف زي كده تاني .. قول للميس .. احسن عشان هي كبيره وهتعرف تتصرف في المدرسه .. واما تيجي تقولي وانا هتصرف .. اتفقنا
سيف : اتفقنا . انا كده ممكن ادرب
اميره : اه .. ممكن . بس متاذيش حد .
سيف باس مامته وراح علي ياسين وباسه وقالها هطلع انام .. تصبح علي خير .. نور وسما طلعوا مع سيف 😘
اميره : انا اسفه ياياسين . اني اتعصبت . 😞
ياسين : خلاص يا اميره .. بس قبل ما تحكمي علي الموقف .. ادي فرصه لنفسك انك تهدي وتسالي
اميره : حاضر ..
ياسين : يلا نطلع ننام
اميره : يلا .. بقولك كلمت ماما انهارده . كانت فرحانه اوي .. وبتقولي الجو جميل و
ياسين : انا كلمتها وقالتلي احجزلها تقعد هناك في السعوديه شهر كمان
اميره : تعالي نروح كلنا نعمل عمره .. نفسي اروح
ياسين : وعد عليا هوديك وننطلع نعمل عمره
اميره وياسين طلعوا اوضتهم نامو
عدي اسبوع ومفيش جديد . ومايا😈 بتحاول تقرب لياسين
وتعمل نفسها بريئه .. هو مش شاغل نفسه بيها.. ولا اكنها موجوده.. والتجاهل ده بيضيقها اكتر😈
ياسين : اميره مالك .. شكلك تعبانه
اميره بوجع : مفيش .. انا كويسه .. شويه مغص
ياسين: تعالي نروح للدكتوره .. نطمن
اميره : هبق كويسه متقلقش ..
بعد دقايق الوجع ابتدي يكتر .. وبقي في وجع في دهرها . وابتدت تعرق جامد .. ووشها اصفر ..
ياسين : لا كده في حاجه غلط .. انا هقوم البس
اميره المغص بيزيد و ماسكه بطنها .. وحاسه بدم نازل علي رجليها .
اميره بتعب : الحقني ياياسين
ياسين جري علي اميره .. شايف دم علي رجليها . شالها بسرعه وجري علي تحت .
مايا 😈 شافتهم وجريت عليهم
ياسين : خلي بالك من الاولاد لحد اما اجي
جري بسرعه فتح العربيه ركب اميره . وركب . وطار بسرعه للمستشفي
اميره تعبانه و ياسين بيتعذب من منظرها خايف عليها وعلي ابنه ووصل للمستشفي الممرضين خدو اميره منه .. بعد دقايق
الدكتور: الجنين للاسف مات .. وهي عندها نزيف .. لازم تدخل العمليات حالاً ..
ياسين بصدمه : اعمل ايه حاجه في مصلحتها . المهم تبقي كويسه . المهم هي ..
الدكتور دخل وبعد وقت اميره دخلت العمليات
ياسين دموعه متجمعه في عنيه : قل لن يصيبنا إلا ما كتبه الله لنا .. يارب .. يارب احفظلي اميره .. يارب خليهالي. يارب احميها ..
خالد اتصل بياسين يسالو علي حاجه
ياسين قالو علي اللي حصل وانه في المستشفي
خالد راح لياسين .. وقف معاه
خالد : احمد ربنا .. بكره ربنا يعوضك .
ياسين بحزن : كان نفسي يبقي ليا ابن منها .. بس انا مش عايز غيرها .. هي اهم عندي من اي حاجه
خالد: ياسين مينفعش كده امسك نفسك .. عشان اميره
